قرار خطير جداً جدن
بيان رقم ( 1 )
قررت - انا الموقع ادناه - التنحى - طوعاً و اختيارن - ما عشان الزلة الشفتها في الزملاء الزعماء و الرؤساء .. منهم من قضى حتف مجده ( مبارك اللديح ) و غباغو الغبي .. و منهم من ينتظر. . و ما بدل او غير في نهج نظامهم تبديلاً ديمقراطياً من زمان بسمع بالويل و الثبور .. لكن ما كنت قايلو كدي!! لخير كدا .. قررت التنحي عن منصبي الحالي .. و كلفت الجيش بتولي زمام الامور. الزعيم |
يحيا العدل..
يحيا العدل.. |
اقتباس:
هو مش عدل خالص اوي كدا يعني :D انما ازعم انها قراية صحيحة للحاجات حال الزملاء الزعماء بسر صديق؟ ---- بعدين بالجد كدا كدي اطلع من نفسك لنقطة حياد براك و شوف؟ ح تحتار صدقني!؟:D |
اقتباس:
|
بالسهولة دي ... جرب المكنة بتاعة القاعدة في الاول يمكن تشيل في المجتمع الدولي .. زي بتاعة القذافي ..... الحين الاسد شغل نفس الاسطوانة ... جماعات سلفية دينة متطرفة تقوم باعمال تخريبية لاجل اقامة امارات اسلامية ( بعبع الغرب) وهم في سرهم يقولون طظ في الفيس بوك والتويتر والجوالاات ابو كمرة .. كلها صور ملفقة من مظاهرت مصرية سابقة ( مصريين بيتكلموا سوري ) |
غايتو
في سوق الأمر لمصلحتنا فإننا نبارك لأنفسنا تواجدك الدائم هنا وهنا فقط لا غير (بطريقة البنكنوت تطير عيشتو) |
اقتباس:
مسغف منو؟:D لا بالجد انا بقراية للشايفو في المنطقة دا .. و في ظل ترخيمة جماعتنا الما فهمنا ليها اول و لا آخر دي، انزويت وبقيت جحا بس، بقيت افكر في ي ي حالي انا دا .. لمن حسبتا لقيت مافي اي فرق بيني و بين مبارك او زين الهاربين .. او الكبب اللسة قاعدين. فقررت بدل الطريقة الطويل بتاع اصلاحات و الشعب كل يوم يجي ضاغت عليك مزيد .. مزيد لخير كدا قررت التنحي .. و انا اصلاص كنت لا ( انتوي ) الترشح مرة اخرة [ مبارك ] .. ما في تقفيل عداد او توريث [ شاويش علي ] اقتباس:
عشان كدا ركزت على سبعة دي يا رشيد من ناحية مخرج هو مخرج لكن ما عندو علاقة بالسغافة بتاتاً البتة .. لكن برضو ما مشيت بعيد .. هو مخرج مشرف و انيق جداً لزعيم ( سابق ) |
نفهم من كدا انك حتتنحي وتعين ود خليل بتاع الاسبيرات داك بدلا عنك..
ياخ بلدا انت حاكما احنا ذاتنا ما دايرين نقعد فيها. تعرف حكايتك دي ذكرتني نكتة تشيكية بتقول انو بعد ما لينين مات ربنا قرر يدخلو النار وحولو لي جهنم..في نفس اليوم جو اتنين شواطين صغار خبطو علي باب الجنة وربنا زعل وقال ديل الجابم هنا شنو؟واحد فيم قال ليهو ياربنا ما تزعل لكن لينين لما جا جهنم احنا قررنا نخلي ليهو المكان وجينا طالبين لجوء سياسي هنا.. |
اقتباس:
كلو - يا عملات المطارحة الشعرية فرسان في الميدان - كلو " قييييييل " سم سانين : بغض النظر عن كون اني قيقا حاوي " و في الجراب الف حيلة " لكن كمان وضعي الاممي كزعيم حلف شمال الضهرة " النيدو " ما بسمح لي اني اخالف مبادئ حلف اللبن في السلام و المحبة الموسومة في شعارنا " صافية لبن ..حليب يا قشطة ". و اجر وطنا الصغير الحبيب الى مآلات الحالة الليبية من تدخلات اجنبية و ادي فرصة لمجرمي حرب حلف النيتو المتعطش للمصالح و الدماء . فكان " قرار التنحي " حتماً لا خياراً ، قدام موجة توسنامي المد الشبابي الثوري الجارف الاجتاح المنطقة .. و على قول البروف أمين معلوف - الصحفي المشهور .. مشهور بخال حمور :D : البل بالدور يا دكتور.. تا الله لن ينجو منهم احداً ! شفت كيف؟ تابعنا و فالك طيب ح نجيب وثيقة " اولادي الآن فهمتكم " كاملة .. |
اقتباس:
المشاركة الأصلية كتبت بواسطة قيقراوي http://sudanyat.org/vb/images/buttons/viewpost.gif بيان رقم ( 1 ) قررت - انا الموقع ادناه - التنحى - طوعاً و اختيارن - ما عشان الزلة الشفتها في الزملاء الزعماء و الرؤساء .. منهم من قضى حتف مجده ( مبارك اللديح ) و غباغو الغبي .. و منهم من ينتظر. . و ما بدل او غير في نهج نظامهم تبديلاً ديمقراطياً من زمان بسمع بالويل و الثبور .. لكن ما كنت قايلو كدي!! لخير كدا .. قررت التنحي عن منصبي الحالي .. و كلفت الجيش بتولي زمام الامور. الزعيم قيقراوي سلام بث يابا سبقك "تشارلس ديجول" ما يَشهَدُه الشارع العربي في أكثر من عاصمة ومدينة عربية، يذكّرني بالظاهرة التاريخية التالية: كان ذلك بعد المظاهرات التي عَمَّت شوارع پاريس وبعض فرنسا، في ما سُمي يومَها "أحداث أَيار 1968". وفي 24 من ذلك الأَيّار، أعلن رئيس الجمهورية الجنرال شارل ديغول عن إجراء استفتاءٍ في الشهر اللاحق حول إصلاحات جامعية واجتماعية واقتصادية. في الثلاثين من أيار عاد فأَجّل موعد الاستفتاء بناءً على اقتراح رئيس وزرائه جورج پومپيدو، لمصادفة الفترة مع الانتخابات النيابية اللاحقة. وجرت الانتخابات وتتالت الانهماكات السياسية، إلى أن عَيَّن الجنرال ديغول موعد الاستفتاء في 27 نيسان 1969، حول إصلاحات في مجلس النواب وبعض الإصلاحات التشريعية الأُخرى، وَفْقاً للمادة الحادية عشرة من الدستور الفرنسي. وصرّح ديغول أنه، إن لم يَنَلْ موافقة الأكثرية من الشعب، سيستقيلُ من منصِبِه. ظنَّ الكثيرون يومها أنّ ديغول، بتصريحه ذاك، يلتَمِس العاطفة الشعبية لقبول اقتراحاته الإصلاحية من الشعب الذي كان يرى في ديغول مُنقِذَ فرنسا، وباني فرنسا الحديثة، ومؤسسَ الجمهورية الخامسة فيها. في اليوم التالي، 28 نيسان، كانت نتيجة الاستفتاء: 52،41% قالوا "لا"، و47،59% قالوا "نعم". وسقط الاستفتاء. وحبسَت فرنسا أنفاسَها لترى ما سيكون قرار مُنقِذ فرنسا شارل ديغول. بعد عشر دقائق من منتصف الليل، صدَرَ عن "كولومبيه لي دوزيغليز" بيانٌ موجَزٌ من سطرين، سمعَهُ الفرنسيون والعالم، جاء فيه حرفياً: ·"أُعلِنُ توَقُّفي عن مُمارسة مهامي رئيساً للجمهورية. يصبحُ هذا القرار نافذاً عند ظهر اليوم: 29 نيسان 1969". كان ذلك صوتَ الجنرال شارل ديغول. وسادَ صمتٌ وَوُجومٌ في فرنسا والعالم. تولّى مَهامّ الرئاسة بالوكالة رئيسُ مَجلس الشعب آلان پوهير، وهيَّأَ انتخاباتٍ رئاسيةً جاءت إلى الإليزيه بِجورج پومپيدو خلفاً لشارل ديغول الذي حَكَمَ فرنسا عَشرَ سنواتٍ ذهبية، ولم يورّث للرئاسة ابناً ولا صهراً ولا فرداً من عائلته أو حزبه أو مناصريه، ولَم يسعَ إلى التجديد ولا إلى التمديد. انسحب الكبير شارل ديغول إلى دارته في "كولومبيه لي دوزيغليز"، يُمضي سنته الأخيرة من حياته في سكينةٍ وهدوء. وتُوُفِّيَ في السنة التالية (مساء 9 تشرين الثاني 1970) تاركاً وَصِيَّتَين: الأُولى ألاّ يحضرَ جنازتَهُ رؤساء ولا وزراء ولا سياسيون، والأُخرى ألاّ يُحفَرَ على قبره إلاّ ما يلي: "شارل ديغول 1890-1970". كانت هذه نبذةً عن عظيمٍ من العالم أنقذَ بلاده حتى إذا قالت له بلاده "لا"، انْحنى لِمجد فرنسا وانسحب إلى عُزلته احتراماً لِمشيئة الشعب. فلو كان الاستفتاء بين مُمثّلي الشعب، لربما كانت اختلفَت النتيجة، لأن مُمثّلي الشعب قد يُدْلون بصوتهم تحت ضَغْطٍ أو قَسْرٍ أو مصلحة، فيَخونُون حاكِماً أو يَطعَنُون حليفاً. لكنّ ديغول كان يَعلَم أنّ مشيئةَ الشعب من مشيئة الله، وأنّ الحاكم العادل هو الذي يَنصاعُ إلى مشيئة الشعب إن كانت مُحِقّةً، وأنه، ببقائه القَسريّ في الحُكْم، يقهر غاصِباً تلك المشيئة! |
اقتباس:
يا بله! ( الرغم ) دا برضو جلّا!!:D مع انو كلامك دا سمح و بعمل ماتشينغ مع نفسياتي لمن اكون مركب مكنة الزعيم:p لكن ما بقدر ياخ! ما بقدر استلم. كلو مسروق .. الزمن مشحتف كلو سرقة .. الخط ذاتو سرقة ------- لووووووول و تاني لووووووووووول خلي ( الجيش ) يستلم مهامو .. و اتفرغ انا على الاقل الزول اضانو تبرد من لهله الثوار ديل |
منتظرين البيان رقم (3)
النصيحه (2) ده قنعنا منو لانو معالمو ذى وضحت للكل :D |
اقتباس:
مشتاقين و الله يا عمك بعدين شنو ماخدني في دوكة و داير تتوه الموضوع .. الكلام ليك يا المنطط عينيك .. انت ما معانا في الجك ذاتو! عاوز تتهرب من مستحقات الزعامة؟:D ح انقل ليك قصة عن ستنا تيسير بنت عمنا عثمان آل عووضة قدس الله سرها و اباها *.. اقتباس:
* طبعاً الاتنين هم زملانا في سودانيز ضوط كوم تراب .. و في السرايا : http://www.sudaneseonline.com/cgi-bi...570&page=5&pb= :D |
اقتباس:
مخييييييير ابوي .. الحكمة القديمة قالت : ان تأتي متاخراً خيرٌ من ألا تأتي ابداً شوف جنس الناس الما وعت الدرس دي : اقتباس:
دا مد كاااااسح .. احسن نتدغل بدري بدري قبل ما تبقى علينا الباغبغة و الفرجة المجانية :D ----- ازيك يا حبيب شكرن جميلن على الهدية الجميلة ياخ! بالجد فتحت لي مسامات ضوء باهر بسيرة ديغول دي .. جميل هو ياخ! .. و انت اجمل وين لساركوزي اليميني الدايش العاوز يورث ابنه ( الزول دا لو جسوهو بلقوا فيو عرق عربي:D ) شكراااااااااااان حتى تستغيث يا حبيب |
البارح
دقشنا مكتبك النور يوسف، طيبان، شخشي بس شكلنا ما لينا نصيب طيب نشوفك في اليوم دا المهم بينا سلك وترتيبات كويس |
| الساعة الآن 06:39 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.