سري للرجال فقط!!!!!
دعوة وصلتنى بالاى ميل..... مظاهرة مليونية رجالية في ميدان أب جنزير شعارها : الزوج | يريد | تغيير المدام في جمعة سماها المتظاهرون الرجال (جمعة المقهورين) قال المتظاهرون إنهم لن ينجلوا حتى تتحقق مطالبهم العادلة ، وأنهم على استعداد لتحمل كل ضربات الكنش والكمش والمقاشيش ويد الفندق وغيرها من الأسلحة الفتاكة وأنهم سيصعدون الوضع حتى يعم أرجاء البلاد ، بيت بيت ، شارع شارع ، زنقة زنقة إثر ذلك وعدت الزوجات بإصلاحات سياسية من أهمها : 1- السماح للزوج بتعدد الزوجات ودفع نصف مهر الزوجة الجديدة 2- السماح له بالسفر أين ومتى شاء 3- السماح بخروجه من البيت دون سؤاله : وين رايح ؟ ومن وين جاي؟ ومتين بترجع ؟ 4- التنازل عن نصف المصاريف التي تستنزفها من الزوج 5- إلغاء قانون التفتيش الشخصي عند العودة إلى المنزل 6- التعهد ببذل الحب والعطف للأزواج وتقليل عدد المشاكل إلى 7 مشاكل فقط في اليوم بدلاً من 70 وفي تطور مفاجئ أعلنت قيادة الجيش والشرطة والقوات النظامية الأخرى [أمهات الزوجات] انضمامها لخيار أغلبية الشعب وقامت على الفور بتقديم استقالاتها الجماعية من التدخل في الحياة الزوجية الخاصة بأبنهائهن (الأزواج) وانخرطت في صفوف الثورة ... قائلة : أنا فهمتكم .. أنا فهمتكم لكن الأزواج رفضوا كل هذه الحلول مطالبين بإسقاط المدام نظراً لطول مدة حكمها |
اقتباس:
ده يا حسن شهرا ما عندنا نفقة والحمد لله |
يبقى نحن نطلع بمظاهرة مضادة تحت شعار
(العذابي يريد تثبيت المدام) لانو بصراحة لو الثورة دي نجحت يبقى نحن أكلنا نيم فيما نملك وما لا نملك وموضعنا استحمى عليه نتقدم نحن السادة/ المرتزقة في تقديم يد العون على تثبيت المدام |
صعبة دي يعني.
بكرة نطلع مسيرة تغيير ونسميها جمعة النساء المراة تريد تغيير البعل... طالما فيس بوك في قاسي مافي تحياتي عمنا حسن والله انا مع مسيرة تغيير المدام قلباً وقالباً ياخ خلينا ننفك....:D:D |
عارف ياخال عندي إقتراح بشعار أفضل
الشعب يريد تدبيل المدام كدا حتخفف الهجمات الامبريالية الظالمة وتفتح آفاق جديدة للوحدة الداخلية وفي نفس الوقت تأخد ليك يوم بتاع عطلة رسمية بعد تقسم الاسبوع تلاتة تلاتة وحبذا لو كان جمعة أيضاً حتفح الطريق لديمقراطية واعدة وحكم فدرالي وحدوي ينضوي تحت لواء رأس القطر اللي هو الزوج طبعاً وتختفي جميع الحروبات المباشرة نسبة لتشتيت الأفكار الحتعملو لما تشغلهن بي بعضهن وبي كدا نكون خففنا مشكلة البورة والبايرت وساعدنا في رفع الضغط عن كاهل الزوج صدر تحت توقيعي دون أدنى مسؤولية اقول قولي هذا واستغفر الله لي ولك ياخالد الحاج................. |
احنا الخلاية النايمه يا دكتور
|
اقتباس:
:D:D:D:D النقطة من عندى بمناسبة يوم المرأة البعالمى |
جميل ان تقنع المعارضة بالاياب -- او بخفى حنين -- عينكن فى الفيل وتطعنوا فى ضلو -- مادام بقت معارضة ضد النسوان -- تب مافى عوجة -- بس حافظوا على مكاسبكم -- وابعدوا الخوافين -- هرشتين من مرتو وينخ ويبوح بكل اسرار المعارضة --:D
|
التسوي بايدك يغلب اجاويدك
جمهورية النساء الاقصائية في المنزل هي الرئاسة الوحيدة التي يكون فيها التصويت ديموهرشيا معا للتحرر لضد سلطة النساء نحنا العزابة تضمنا معكــم سوف نعمل زوغة مؤقتة من عي عهود ووعود حتي توضح الرؤية المستقلبية وتحويلها من ديموهرشية الي ديموتساوية الحقوق |
اقتباس:
هههههههه يا عبد اللطيف النقر... يعنى جماعتكم ديل ضل لى نسوانهم... لكن هم المدبل والمتلت والمربع بيقدروا على زى دا... بيقدروا يطلعوا ابوجنزير... حرم ما بيقدروا... ديل محكومين يا خوى... والمعارضة حقو تجند ليها غواصات وسط العوين ديل... والله بكرة تجيب خبرم والصادق فى جملتم... |
اقتباس:
المشاركة الأصلية كتبت بواسطة Hassan Farah http://sudanyat.org/vb/images/buttons/viewpost.gif ---------------------------------------------------------- هههههههه يا عبد اللطيف النقر... يعنى جماعتكم ديل ضل لى نسوانهم... لكن هم المدبل والمتلت والمربع بيقدروا على زى دا... بيقدروا يطلعوا ابوجنزير... حرم ما بيقدروا... ديل محكومين يا خوى... والمعارضة حقو تجند ليها غواصات وسط العوين ديل... والله بكرة تجيب خبرم والصادق فى جملتم... أخى جسن فرح -- صباح الخير بركة الضحكتا -- اتكيفت جدا لمه شفتك فطيت الفوق كلهم ورديت على -- معناها انو كلامى مؤثر وفى التنك --:D-- تعرف ما قلته هو عين الحقيقة فالسودانيين كلهم ظلال لنسائهم -- ومثال -- اى سودانى يعرس بنسى صحبة أهلو ويصاحب اهل مرتو -- كان مسافر وجاء بنزل عندهم وكان سافر بقوم من عندهم وبيتهم الا يمر عليهو يسلم -- ركزو على النساء بقلبوها فى يومين -- تحياتى |
| الساعة الآن 06:11 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.