السمحين بسامحوا...........!!!!!!!!
المسامحة جاية من السماحة والسماحة سماحة الشكل والخلقة والاخلاق والمابسامح ماسمح والما بتسامح انشالله ماتعرس !!!!!!!!
السودانى سمح وبسامح وناس صلى على النبى واملاها بركة تفعل فعل الكلوركس فى البقع وتطلع منك كلمة خير يازول خلاص امش ويمكن ان تكون درجة الحرارة 55درجة مائوية,,, السودانية سمحة ومسامحة الافيما يخص بامر الزوج او الحبيب فلا تشتهى ان تسامحك ابد وماعدا ذلك فتعطيك مسامحة ممسوحة بابتسامة ناعمة كانو شارب لك ككولا.. الناس الكبار بسامحو ديل مسامحتم بتنقط دمعتك تب ومسامحتنا فى غنانة ولى حبيبى مسامحك مهما قسيت عليا قلبك عارفو ابيض والنية البيضة زاملة سيدا والمابسامح نيتو سودا والمسامحة قرار شجاع بحتاج الى قوة وارادة وكمان بحتاج لى سمااااحة وسامحونا يالسمحييييين |
العفو ياخى
وفى كل بويتات البلودات السماحات لافين بيها فى بضاعة لا تبور بعد صلاة الجمعة والاعياد والعفو ياخوى
لله والرسول يايمة العفو عافية منك ياجناى ربنا يعدلك خطوتك تجديد للمسامحة update يابا العفو عافى منك ياولدى امش عمتى العفو عمى العفو حبوبة العفو ناس الحلة العفو والقلب مليان ريد ومحنة وبدون مسامحة قلبا اغبش وشين ومحل ماتقبل تتكج عليك والمسامحة قالو بتسمن (من سمنة.... شحم يعنى هه) |
والله البوست بتاعك دا سمح عدييل كدا
التسامح هو اهم القيم وانبلها واصعب شيء ان تكون انسان متسامح وأي زول جوة قلبو في حبة تسامح ، خلينا كلنا مع بعض نرعى التسامح الجوانا دا عشان يكبر ويعم البلد كلها والمعووج يستعدل التسامح صعب، عشان كدا لازم نتعاون مع بعض عشان نتعلم كيف نكون ناس متسامحين تسلم يا ملك وهاك الهدية دي [youtube]http://www.youtube.com/watch?v=koqVQuCDzXE[/youtube] |
اقتباس:
سلامات يا كردفانى قلت لى بتسمن وب علي وب علي تارينى يا يمة كملانة من لحم الدنيا اها ياناس هوى العفو والعافية |
اقتباس:
قاسمون سلامون مشتاقين يا ولدنا وين انت سافرت؟؟ سرور شفتي كيف خليك زينا كدا :cool: |
اقتباس:
المشاركة الأصلية كتبت بواسطة شهاب كرار http://sudanyat.org/vb/images/buttons/viewpost.gif والله البوست بتاعك دا سمح عدييل كدا التسامح هو اهم القيم وانبلها واصعب شيء ان تكون انسان متسامح وأي زول جوة قلبو في حبة تسامح ، خلينا كلنا مع بعض نرعى التسامح الجوانا دا عشان يكبر ويعم البلد كلها والمعووج يستعدل التسامح صعب، عشان كدا لازم نتعاون مع بعض عشان نتعلم كيف نكون ناس متسامحين تسلم يا ملك [OVERLINE]وهاك الهدية دي[/OVERLINE] [youtube]http://www.youtube.com/watch?v=koqVQuCDzXE[/youtube] |
تسلمى يانيبو
اغلى هدية تسلمى يانيبو
انتى عارفة مافى زول بحس بى قيمة التسامح الا يكون محموق وزعلان شديييييد ودا كلو ممكن يكون بسبب حاجة هايفة وممكن باقل مجهود نسامح وتصفى روحنا كمان الزعل بضيع الوقت وومكن يفقدنا قيمة حياتنا وبالمناسبة انا بعرف ناس دمروا حياتم لانهم كانو جبانين وماقدرو يتخزو قرار مسامحة ,ووووووواييييك دى حاجة حلوة لمن تسامح زول وخصوصا لمن يكون هو الظلمك او السبب ليك الالم |
سلامات ياسارة
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif سلامات يا كردفانى قلت لى بتسمن وب علي وب علي تارينى يا يمة كملانة من لحم الدنيا اها ياناس هوى العفو والعافية |
العواااافى ياناااااااس
تسلمو كتير
السماحة والمسامحة بتسمو بالنفس وهو احساس صوفى وراحة ودى حاجة كبيييرة لازم نجتهد شديد حتى نكسبا |
اقتباس:
ايوة سافرت وشبعت سفر ورجعت السودان لى كم يوم كدا وانشالله راجع قطر تانى نهاية الشهر |
| الساعة الآن 02:36 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.