شيوعي خطير
أول مرة أصوت في حياتي في إنتخابات، كانت الإنتخابات الجابت إتحاد الإنتفاضة بجامعة الخرطوم (إتحاد التحالف)، صوت لكل لستة المجلس الأربعيني ما عدا أعضاء الجبهة الديمقراطية (ناهد جبر الله و رفاقها في اللستة).
السبب الخلاني أعمل كدا شنو؟ قبل الإنتخابات جونا الكيزان في الغرفة و هرشونا ليك بانو صوتك أمانة في عنقك و لازم تديهو للقوي الأمين، و لا يحق لك ان تعطيهو لكافر!!! حاججتهم قلت ليهم: الناس ديل ما كفار قالوا لي يوم واحد شفتهم في الجامع؟ قلت ليهم لا قالوا لي: تارك الصلاة كااافر بسري قلت ديل نتفكى منهم كيف؟ جاتني فكرة خطيرة قلت ليهم خلاص أنا بصوت لناس التحالف ما عدا الشيوعيين.. و جري مشيت السينما النصيحة كدا يا أخوانا الكيزان كانوا بهرشونا بقصة رفض الشريعة و التكفير ديل هرش شديد.. يقولوا ليك يعني انت رافض حكم الله؟ تقول ليهم لا أنا ما رافضو، لكن التطبيق لازم يكون مثالي... يقولوا ليك: يعني نحن متفقين، خلاص خلينا نشتغل سوا عشان نجيب التطبيق المثالي... بي كدا بيكون ما عندك طريقة غير تشرد السينما... لانو الجانب الإنت قلبك مايل ليهو، ما عندو غير أكتوبريات محمد المكي و هاشم صديق و محجوب شريف |
الواحد كان واقع بين نارين:
ناس الجبهة الديمقراطية لو شافوك ميلت للكيزان بوصوفوك بالتخلف تميل للأحزاب التقليدية يصفوك بالرجعية الكيزان يشوفوك مع الشيوعيين يقروا ليك سورة الكافرون نسوي شنو؟ أنا زول من مدني كل الكنت بعرفو قبل الجامعة، حفلات صديق سرحان، و كورة أهلي مدني و الافلام الامريكية بسينما الخواجة؟؟؟ تقوم نتيجة الشهادة السودانية دي تنزعني من شلتي البتحميني و قمت مهاها، وتوديك لمجتمع جديد زي دا!: كفار و مسلمين و جكس و تكون رغبتك الحقيقية، تتعرف على البنات ديل و داير تبقى مسلم و زول كويس و غير رجعي و لا متخلف... نسوي شنو يا أخوانا مع الكارثة الجديدة؟ قلت يا ولد الحل: تثقف من باكر تسك أركان النقاش |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif قلت يا ولد الحل: تثقف من باكر تسك أركان النقاش اها ... بعد ما اتثقفت ورينا الحصل:D:D |
يا خي صباح الخير
والله قصتك دي نستني اسلم عليك |
أول ركن نقاش احضرو في رحلتي الثقافية كان ركن نقاش إسلامي، لقيت ليك واحد من دفعتنا واقف و شايل ليهو ورقة يكتب في ملاحظاتو!!
بسري قلت الزول دا بيكون بدأ يتثقف قبلي... تم فتح الفرص للحوار، و ادوا صاحبي فرصة، قام بعد حمد الله و صلى على الرسول سأل المتحدث عن العدالة الإجتماعية و حرية المرأة؟؟ المتحدث قال ليهو: انت تبع ياتو تنظيم؟ صاحبي قال ليهو: ما عندي المتحدث: يعني فلوتر صاحبي نطط اضنينو! المتحدث قال لصاحبي: بتعرف العاديات ضبحا تعني شنو؟ قال ليهو: لا و الحضور يفقعا ليك ضحك و الله أنا المتثقف الجديد دا، خفت خوف.. و جري للسينما |
فيصل يا صديقي الجميل كيفنك؟
شايفك في بوست محمد المكي بديت تهدد نجوميتي في العكلته! |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif فيصل يا صديقي الجميل كيفنك؟ شايفك في بوست محمد المكي بديت تهدد نجوميتي في العكلته! لكن والله غلبني خالص اواصل وطلعت بحكمة (اي حاجة ولا تتعكلت ليك في شاعر ..وشاعر كبيرزي دة) لانو جاب لي كلام كبار كبار كدة (وعد الهي وما وعد الهي ) قلت يا اخوي هو دي عكلتة يمكن تجيب ليها هجاء بعد كدة اخير نتلم |
اقتباس:
أهو بدا يضرب مع السلامة[/justify] |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif المتحدث قال لصاحبي: بتعرف العاديات ضبحا تعني شنو؟ قال ليهو: لا و الحضور يفقعا ليك ضحك و الله أنا المتثقف الجديد دا، خفت خوف.. و جري للسينما اقول لك شي.. العاديات ضبحا دي انا زاتي ما عارفا السينا هنا صعبة نعمل شنو؟ |
اقتباس:
تسوي سلطه بالدكوة تضربها وتمشي بعد داك السينما بيكو .. تحياتي ومشتاقين يا رجل .. وتحاياي عبرك للأسرة الكريمة ولهذا المادح الجميل |
اقتباس:
يعني على كدا نفهم انه البوست دا استعادة للنجومية المفقودة و الريادة التي ضربت في مقتل و على عجل , و ريستورينج اوف كابابيلتيس , روولس , اند ليديرشيب انمحقوا :D:D ارقد عافية .. |
اقتباس:
تسوي ليك جمعية و تصرفا اول واحد .. شفت كيف؟:D و البقرا ليك الكافرون اقرا ليو ويلٌ لكل همزةٍ لمزة انت قايلم فارزين حاجة!؟ ... كلو بوهية و تجارة .. و قديمن قيل : التجارة شطارة بس انت عشان كنت ما مسغف بس!:Dlooool ------ الكارثة الجديدة توديها للشفيف شهاب كرار يلمها علي رفاقتا بهناك في بوست الكوارثlooool |
اقتباس:
والله ضحكت في المكتب لمن فقدت بوصلتي السياسية لا للرِهاب السياسي في الجامعات! |
اقتباس:
ليهو حق الاستاذ محمد المكي يحقر بيك تلقاهو بقول: الزول دا ما بفرز كلامو من كلام غيرو، خلينا نرشو بكلام كبير يخليهو مقمبر ساكت * ح يكون عندنا مع استاذ مكي دا صولات كبيرة، بس خليهو ياخد على البيت و برجع ليهو في موضوعي الأول داك، نحن أصلو لا بننسى و لا الزمن ممكن يغير ملامحنا |
اقتباس:
يا زول فيصل دا بقى فردة من يوم واقف* داك أنا و هو بقينا كدا (سبابتان ممدودتان إلى الأمام) * للذين خارج قطر، واقف دا إسم سوق |
| الساعة الآن 01:24 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.