الشينة منكورة
الشينة منكورة ..!! بقلم عثمان ميرغني هل لاحظتم أمس ما لاحظته أنا.. جميع الصحف صدرت وعلى عنوانها الرئيس: (إسرائيل تعترف بدولة جنوب السودان).. إلا صحيفة واحدة.. توارت من الخجل.. تجاهلت الخبر ونشرته في زاوية صغيرة.. رغم أنّها متخصصة في أخبار جنوب السودان.. أتعرفون لماذا.. لأنّ الخبر يكشف لكل السودانيين الآن أنّ منبر السلام العادل استحق جائزة خاصة من "نتنياهو" شخصياً.. على الدور الكبير الذي لعبه لصالح الاستراتيجية الإسرائيلية في السودان. إسرائيل لم تسارع بالاعتراف بدولة جنوب السودان فحسب.. بل احتفت بها وقال رئيس وزرائها نتنياهو بكلمات قوية أنّ إسرائيل ستُقدّم كل الدعم للدولة الوليدة في جنوب السودان، وقال إنّها دولة خلقت للسلام.. وردّت حكومة جنوب السودان التحيّة بأجمل منها فكشفت عن تسمية قنصل لجنوب السودان بإسرائيل، وأعلنت أنّ سفارة إسرائيل ستفتتح خلال أسبوعين في جوبا.. والأهم من كل ذلك أعلنت حكومة جنوب السودان أنّ الإسرائليين لن يحتاجوا إلى تأشيرة دخول إلى دولة جنوب السودان.. لأنّ الجنوب (هو الوطن الثاني لليهود) على حد تعبير قنصل جنوب السودان في إسرائيل.. لا أريد أن اتّهم الأستاذ الطيّب مصطفي بأنّ اسرائيل كشفت أخيراً أنّه كان مجرد (م. ن) على حد المصطلح الذي كان يستخدمه الشيوعيون في الماضي.. وأنّه مجرد آلة استخدمتها إسرائيل بامتياز لتحقيق (الاستراتيجية) الإسرئيلية في المنطقة.. وأنّ حرب طواحين الهواء العبثية التي خاضها ضد (الرويبضة!!) ياسر عرمان، و(الشيطان!!) باقان أموم و(العميل!!) منصور خالد.. وكل تلك الشتائم التي ما كان يبخل بها على أحد. كلها كانت مجرد حرب بالوكالة لصالح إسرائيل.. أفجع ما فيها أنّه لا يعلم أنّه مجرد بيدق في رقعة الشطرنج التي تديرها إسرائيل.. لكن الطيّب مصطفى وحزبه وصحيفته ليسوا وحدهم المُدانين في هذه الجريمة الكبرى.. الحكومة التي سمحت؛ بل ربما دعمت مثل هذا الخطل والنكاية الكبرى بالبلاد هي أيضاً مسؤولة. كتبنا وقلنا مراراً أنّه ما من بلد عاقل يترك لمجنون أو اثنين أن يخرقا المركب التي تبحر بها البلاد.. ولكن بكل أسف في آذانهم وقر.. وعلى القلوب أقفالها.. وأسمعت لو ناديت حيّا..!! الآن.. وبعد أن أنهوا المُهمّة لصالح إسرائيل بامتياز في جنوب السودان.. تفرّغوا للجنوب الجديد.. جنوب كردفان.. وبدل حمّالة الحطب في إيقاد نار الحرب والنفخ في كيرها.. كأنّما الحرب تسلية أو لعبة تسر القلوب.. بالله عليكم إن عزّ عليكم أو ضنّ الرشد عليكم ببصيرة النظر في القادم وتجنّب شروره .. على الأقل الآن انظروا للنتيجة.. الأمر لا يحتاج إلى محللين سياسيين أو خبراء.. في اللحظة التي يذبح فيها منبر السلام العادل الثيران في الخرطوم ابتهاجاً بفصل جنوب السودان.. يدير مجلس وزراء إسرائيل الكؤوس ويشرب نخب الانتصار.. ويعلن بكل قوة أنّ جنوب السودان هو (الوطن الثاني لليهود..) مبروك عليكم.. قضم ربع السودان لصالح إسرائيل..!! التيار |
بسم الله الرحمن الرحيم
سلام نهلة .. لم تعد الشينة منكورة يا نهلة .. فالقاموس السياسى يعمل بخاصية التبرير الذاتى .. ففقه الضرورة يفصل لكل منعطف حجيته وأحكامه ( بالمقاس ) |
اقتباس:
استاذة نهلة و سلامين استاذ / النور تعرف لمن اعلن انو الباشمهندس يوسف حسين ( الناطق الرسمي للحزب الشيوعي ) انو ح يطل من كوة الانتباهة، عنّ لي جنون المناكفة و النكاية بزملاء الامس باستحضار قصة سيدنا يوسف .. و مثلت لي - لحظتها - " الانتباهة " بالضبط إمرأة العزيز:D اضحكني صديقي بدر الدين أحمد موسى - متماشياً او قول متماهياً مع الصورة دي - لما انتصر لفكرة تأييد الاطلالة دي- و الخالفته فيها و نبّهت " يوسف الصدّيق " من كيد إمرأة العزيزة لما شاع عنها - اضكني بأن النتائج ماذا كانت، يوسف أخد براءة .. و باءت إمرأة العزيز بالسمعة!!:D:D:D هوو كيرز!؟ إمرأة العزيز لا تبالي ابداً .. بل سادرة في غيها، و فرحتها الحرام .. تبرر ست اللسم مشت جمعت النساء لتؤكد انو ما منها .. من العليها ساااي!:p استاذة نهلة اقتباس:
اسي شغالة مكنة : إن لم تستح .. فأفعل ما تشاءlooool |
أنا يا امال من ناس زمان .. ناس الشينة المنكورة .. لكن قدر ما فتشت الشينة ما لقيتا :eek: ..
لكن غالباً المقصود إعتراف إسرائيل بدولة الجنوب :confused: ياخ الخرطوم أعترفت .. تعرف ستنا نهلة دى من زمن عبد الناصر .. |
اقتباس:
:D :D :D فعلاً من ناس زمااااااان .. لمن الشبكة طشت ----- استاذة نهلة معليش ياخ! لكن دي فرصة في حبيب ألبي رأفت دا ما بقدر افوتا كلو كلو ياخ!:D و الله شكراً على الاطراء ياخ! آمال حبيبة ألبي مرة واحدة؟ اني إذن لسعيدو ياخ! |
اقتباس:
صدقت -- ما ضرنا شي غير فقه الضرورة والمثقفين المبرراتيه |
اقتباس:
ياخ جننتونا والله .. قلت لى أنت سعيدو ما امال :D:D |
اقتباس:
لووووووووووول آمال الزيها منو ياخ! ------ بالمناسبة ( الشينة ) المنكورة - كما اظن غير آثماً - هي كونو انو النازي " الطيب مصطفى " و بانتباهته، الاخير منها ألف غفلة دي.. يكتشف نفسو انو أكبر داقس .. و قيل " الغافل " همسلف، البرسلوا ليو الناس داك بتعرفو مش!؟:D ياخ لمن تجي تستنكح ليك زول في حاجة و يكون هو من النوع الت " تفتيحة " لمن فضيحة داك .. يقوم يقول ليك : تلقاها عند الغافل!؟:p اهن .... [ الحقوق محفوظ للناس الحلوة looool ] بعد ( الانتباهة ) دي كوووولها - الموهومة - يطلع في الآخر مجرد " م. ن " ما اكتر!1 يا للهول!!:D في اشنا من كدا!؟ |
| الساعة الآن 03:55 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.