عبارات ... أكرهها !!
[*]حاجات تانية حامياني ... بدأها الشاعر التجاني حاج موسى في أغنيته المشهورة التي يتغنى بها الفنان كمال ترباس (جايي تفتش الماضي) حيث يقول في إحدى أبياتها وعزة نفسي مابية علي .... أسلم نفسي ليك تاني سنين الهجر بيناتنا ...وحاجات تانية حامياني .. في السنين الأخيرة لا يمكن لأحدهم أن يعدد أشياء إلا ولصق فيها هذه العبارة (وحاجات تانية حامياني) :mad::mad: [*]Like ( واحد كتب نعي في الفيسبوك لأمو الماتت ...واحد عمل ليهو like ) :(:( http://www.tech-wd.com/wd/wp-content...on-300x130.gif |
بسم الله الرحمن الرحيم
الزوول .. سلام .. وفى عبارات ( مسخت ) من كثرة الترديد !!!! كالرجل القامة وشخص فى قامة فلان ... وفى السياسة هناك ( القوالب ) الجاهزة لتصريحات المسؤولين ونتائج الإجتماعات واللقاءات التى ناقشت القضايا المشتركة وسبل دعمها ووووووو.. وما يكتب على شريط الأخبار فى التلفاز يصيبك بالدهشة .. طرح رمضانى خفيف :) |
اقتباس:
حباب الزعيم ما ياها مساخة التكرار دي زاتا البنتكلم فوقها الرجل القامة وشخص في قامة فلان دي عبارات في التنك ياها النوعية الفتش فيها .... طبعا ده جانب الجانب التاني هو العبارات التي وُلِدت مسيخي على الأقل بالنسبة لي كدي أمشي لمنتدانا ده و شوف العبارات دي ... غايتو أنا شخصياً لو زول كتب لي واحدة من العبارات المحفوظة دي ...قطع شك ح يجيني اكتئاب :):) ..... |
سلام الزوول،
قاموس الكيزان الجديد أحسب أنّه يجب إضافته هنا، وجعلها الله في ميزان حسناتك. |
اقتباس:
يا أبا ذر الكيزان ديل كوم براهم ملونا فقر بى مصطلحاتم المحفوظة دي إضافة لحاجاتك الفاتت دي كدي لاحظ لي مسئوليهم لما يتكلموا في التلفزيون لو ما استهلوا الكلمة بى عبارة ( حقيقةً) وكأنهم يعرفون أن سامعهم يشك في ما سيتكلمون عنه بعدين يا ريت زول يكلمهم بأنو إن كان ولا بد لهم من هذا الإستهلال البايخ فالرجاء تصحيحه إلى (حقيقةٌ ...بالرفع ) بدلاً من (حقيقةً ... بالنصب) |
هلا وغلا تو مانور المنتدي يادكتور
غتاته علشان يجيك الاكتئاب ;);) وبعدين مالو الرجل القامة looool:eek: اكان مسيخ معناها ودوها الترزي يكشكشها مع ان سيبويه صارف نحو ماخمج :rolleyes: تحية بفخامة الحروف البهية لك ولضيوفك ومشكور علي المساعدة وسامحنا الذهايمر ورمضان ويعطيك الله الف عافية |
العوض كيفنك ؟
ياحبيب ياخي انا عندي كراهية مفرطة للعبارت المعلبة جميعها ........ ابتداء من السلام والمطايبة انتهاءً بـ "قول خير" بايخة ياخ وأخير منها سكاتي ....... بالجمبة كدة: عندنا جدّا لينا من أهلك الرباطاب مشكلتو كبيرة مع عبارة " ان شاء الله" يوم بيكلف في أخوهو لي قريع التمر قام قال ليهو :ان شاء الله رد عليو : تراهو اللا غرضي انقضى لا تمري اتقرّع:eek: |
سلام العوض
وضيف عندك 1/ اعفى لي 2/ حننتني وبجيك صاد اكان لقيت زمن |
اقتباس:
ماتهابش صاحبنا محمود عبد العزيز هو المبدع بتاع كلمة (حقيقة ):D:D ياأخى الزول دا أدهشنى من كترة استعمالو ليها:D:D |
.....
تعرف يا زوول يا حبيبنا ، مرة فى دورة تدريبية - و لسوء حسن الحظ - قدمها واحد مصرى كدا ، أخوك ما قدر يتحمل 20 دقيقة لأنو هذا الكائن حسبتا ليهو فى العشرين دقيقة دى قرابة الخمسين مرة قال فيها جملة :" واخد بال حضرتك " ، المزعلنى فى الموضوع إنو القاعة كانت مليانة و هو كان مصرّ إنو يجمع الحضرات ديل كلهم فى " حضرتك " واحدة بس. ..... |
اقتباس:
عندهم ليهم عبارة كدا بتقول : "جزاكم الله خير" ، ياخ دى من شدة ما كانت بتغيظ واحد صاحبنا كدا ، مرة واحد كوز قالا ليهو رد عليهو بى عنف كدا زى البيرد فى إهانة و قال : " جزاكم الله خير إنتا دا ياخى ":D:D ..... |
اقتباس:
المشاركة الأصلية كتبت بواسطة الزوول http://sudanyat.org/vb/images/buttons/viewpost.gif ربما......والله انتو ماجايبين خبر كلمة ربما بتتكرر فى كل الفضائيات بعد كل عبارة والطريف فى الأمر انه بعض المذيعات والمذيعيين الجدد لطشوها من الفضائيات لتحسين اللغة الركيكة فى اسلوب الحوار مع ضيوفهم ظنا بأن ذلك يزيدهم بهاءا نقول لهم ربما...... [*]حاجات تانية حامياني ... بدأها الشاعر التجاني حاج موسى في أغنيته المشهورة التي يتغنى بها الفنان كمال ترباس (جايي تفتش الماضي) حيث يقول في إحدى أبياتها وعزة نفسي مابية علي .... أسلم نفسي ليك تاني سنين الهجر بيناتنا ...وحاجات تانية حامياني .. في السنين الأخيرة لا يمكن لأحدهم أن يعدد أشياء إلا ولصق فيها هذه العبارة (وحاجات تانية حامياني) :mad::mad: [*]Like ( واحد كتب نعي في الفيسبوك لأمو الماتت ...واحد عمل ليهو like ) :(:( http://www.tech-wd.com/wd/wp-content...on-300x130.gif |
اقتباس:
ضحكتني لمن بانت نواجزي (هههههه) الزوول يعني ما عندك المتشعلق فيهو / أو فيك من الكلام يا زول ما في زول ما عندو عبارات ما واقع في عبارن غايتو النصيحة عندي قاليك/قالي بالكيل الكتير في كلامي أكون من منطقة (قلاقيلو)... هسه نسوي شنو مع زولنا بتاع المافي شنو داك يلفلف الكلام لحدي ما يقعدا ليك في بُكان هههههه المافي شنو بالمناسبة: المعيار شنو:D سلام ومحبة |
الزول
اكثر ما يمرضنى فى المسؤلين الانقاذيين موشحهم الدينى ان ياتيك وزير رياضة فيبتدر 90% من حديثة مواعظ اسلامية وارشاد وياتيك وزير اقتصاد ان لم تعرفه شخصيا لاعتبرته وزير شئون دينه ودئما ما يعيبون فى المجتمع كاننا قبلهم كنا قطيع من البهائم وطبعا نفس الكلمات وايراد الاحاديث والايات هى هى نفسها كانها تحفظ لهم والاصرا على كلمة احسب انه وكلمة حقيقة تقال فى الفى والمافى |
اقتباس:
حباب وجيدة الشديدة ( هلا والله ومليون غلا تو مانور المنتدى ) غايتو ضرر أخف من ضرر الحمد لله الما جبتي لي (هههههههههه والله موتني ضحك اضحك الله سنك ) دي كمان بتضرسني عديل كدي :mad::mad: ... أيها المواطنون الشرفاء الأحرار وبصفتي مشرفاً فنياً ...فسأعمل جهدي على إزالة هذه العبارات الصادمة حتى يبقى منتدانا حراً شريفاً ... كيفك يا موناليزا ... |
| الساعة الآن 03:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.