تفريغ .....الخ
أنا والله داير أفرغ كمية من حاجاتي البقت محايدة في البوست دة
ممكن تجي كلمات غضب أو عتب أو بغض أو ريدة أو أي شي عشان أمرق من حالة حياد الأحاسيس الواقع فيو دة المهم حعمل ساتر و أرمي ياخ دة شتا غريب |
اقتباس:
اميري رايك شنو أرد عليك في مداخلتك التانية البهناك، عشان تبدأ بي:confused: يازول دفق حملك .. آخرها كوم تراب goedenavond Amiry |
اقتباس:
قال بطل الفيلم ( مغرمون نحن ببناء حيز نختبئ خلفه فنشيد جدران الغرف والممرات ولا نكتفي فنلحق بيوتنا بالأسوار العالية ثم نحمل هوسنا معنا إلي القبر فنحيط أجسادنا الفانية بتابوت معلوم القياس والأبعاد) أحاول يا عزيز دوما ألا أسجن نفسي داخل حيز (سودانيات) فالدنيا بالخارج أرحب و تكفينا بمراراتها وأفراحها أها كنا وين ؟ |
اميرى يا صديقى الذى احب
هون على نفسك وقل ما بخاطرك فقط تذكر ان هناك الكثيرون الذين يهمهم امرك كلامى دا واضح ولا اعيدو مبدئيا كدا ديشك زاتو |
شفتا لما تجي تركب الحافلة إختار المقعد الجنب الشباك جدد هواك ،إتأمل،أسرح...فقط لا تفكر في الإنتحار
شاب قبل يومين أهمل السطر الأخير و قفز من الحافلة عند منتصف كبري أمدرمان ثم إلي النيل..ترك مقعده المجاور للنافذة وتسلل عبرها بهدوء دفع قيمة تزكرته بهدوء و انتحر بهدوء هكذا قال الكمساري فيما بعد و في الكبري الكبير في الليل أعاين للبحر مهموم والاقي وجيها شاقي النيل مش يمكن؟ |
ماتهون عليك
ولعا ولع خلينا ندفي شتا غريب:D فرغ ولا توفر احدا ماحدش حوش وسيبك من المهوانتية دي looool طولنا من الشكل بورينق |
اقتباس:
لا مشيت لا جوني مش قلتا ليك شتا غريب؟ هوني ع نفسك إتي دي:D كل ما هناك يا سارة أن لي أصبعا أطلق سراحه |
تعرف يا أميرى أنت ما محتاج تفرغ .. أنت محتاج تعبى ..
تعرف أنا متابعك (عن قرب) .. لكن ما بهابشك .. الخوفة الدخلتها فينى ما مرقت الكلام ده ما يضايقك .. ده كلام حميم شديد .. أنت داخلك فى زول عملاق .. لكن ما قادر يطلع .. شغلك دايماً كبير لكن فى حتة ناقصة .. عبى شديد .. |
اقتباس:
ميمي ود أخوي عمرو سنتين لمن تشحدي منو شي يشبكك مافي مافي ولمن يشحدك هو وتقولي مافي يقول ليك لا في في كوماج مافي مافي يا دجانقو محبة كبيرة في في أغرب إسم عطر نسائي سوداني سمعتا بيو في الشتا دة إسمو(حتي مطلع الفجر) استغفر الله ياخ |
قالوا فلسطيني ومصري وسوداني
دخلوا الغابة الفلسطيني جاء طالع صائد ليه غزالتين الهندي جاء صائد ليه ارنبين السوداني جاء طالع جاري ساكية اسد قال للجماعة امسكو امسكو نجيب ليكم التاني:) فشنوا بالله بطل حركات السودانيين وجيب الاسد من ديله:) |
اقتباس:
الفوضي يا رأفت هي ما أنا معبأ به حقا ما باينة؟ فقط في إنتظار ماسوني صالح يضغط علي مصباح علي بابا برفق سنا يا سندباد أرشك؟:D |
اقتباس:
لاعب لصالح ورقك قتّا لي.. قتّا لي العطر إسمو شنو..؟ ^-^ |
اقتباس:
المشاركة الأصلية كتبت بواسطة أميرى http://sudanyat.org/vb/images/buttons/viewpost.gif أنا والله داير أفرغ كمية من حاجاتي البقت محايدة في البوست دة ممكن تجي كلمات غضب أو عتب أو بغض أو ريدة أو أي شي عشان أمرق من حالة حياد الأحاسيس الواقع فيو دة المهم حعمل ساتر و أرمي ياخ دة شتا غريب أميري ،، إتا اخوي في البوست دا لحدي هسه ما (فرّغت) ، إتا (فرّعت) .. وخايفك تكون اتسرّعت:D |
اقتباس:
|
اقتباس:
عبي يا صاحب وعبي وذيد في تعبئة روحك ذاتك كيانك وعيك قولك قول قول وبس .. أكتب وفرغ تعبئتك كلها هنا ده وعبئ روحنا الفارغة دي ياخ قرأت خبر إنتحار ذاك الشاب ،،، أصابني الوجع يا أميري ،، أي والله أصابني وجع كثيف ،، وكم غيره في الطريق إلي عمق النيل ؟؟ كم ؟؟؟ وإلي متي ؟؟ إنَّا للهِ ياخ ،، عندما تكون واهناً باهتاً في تقاسيم حياتك ،،، وهذا هو بدء الطريق إلي قاع النيل ... فقدتُ أخاً صديقاً حبيباً في قاعِ النيلِ بنفس مقدار هذا الشاب من قبل ،، وكانت الحيثيات ،، عدم القدرة علي المسير في الحياة من بعد زواجه بشهرين فقط .. وعلي نفس الكبري .. كبري شنمبات ... فقدتُ أخاً آخر من قبل ... لم يترك مقعده ليقفز من أعلي الكبري إلي قاع النيل ،،، بل قُل .. لقد إنتحرت الحافلة التي كان يستقلها من مدينة بحري إلي أمدرمان وهو في طريقهِ إلي عمله بتلفزيون السودان بعد أن قال لسائق ترحيل التلفزيون الذي جاءه ليقله إلي موقع عمله ... أمشي يا الحبيب طريق السلامه ،، أنا المدام معاها ضيوف لازم أقوم بمساعدتها وبجي بطريقتي بالمواصلات ... رحمك الله أخي الحبيب الإعلامي مهيد محمد صلاح بخاري وقبله ،،، رحمك الله أخي الحبيب محمد عبد الرحمن الدنقلاوي ورحمةً بنا يا صديقي ،، لا ترهق روحك الجميلة ،، أخرج للناس يا صاحب ،،، بالناس تبقي الحياةُ في إعتدال ،،، |
| الساعة الآن 10:33 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.