بياان هاام لكل اعضاء سودانيات مني انا...
بموجب السلطات الممنوحة لي في هذا المنتدى بصفتي عضوأ قلبو على الجميع وبمناسبة العام الجديد آمر بالآتي:-
**** التوقف فوراً من تعاطي المسكرات من تدخين وتمباك وخمر.. (عصرت عليكم شديد:() لاضرارها الجسيمة بالصحة.. **** يجب على كل العزابة اكمال دينهم زواج وعلى اقل استطاعة قولة خير **** على كل العضوات الغير متزوجات (اللحلحة) شوية والحصول على عريس في الربع الاول من السنة ولا (الحمام القائم ) ح ينشف عليكن السوق.. **** على كل المتزوجات بما فيهم نفسي الدخول في هدنة مع الرجال بعدم النقة بتااااتاً لأن راجل المرا بقى حلو حلا..:eek: **** على كل من تعدى الخمسين مشاهدة برنامج من الامس وشرب كوب اللبن والنوم مبكراً لأن الصحة تاج على روؤس من تعدى الخمسين.. صدر تحت توقيعي في 01/01/2012 مرافي |
اقتباس:
1. أولاً فيما يختص بالبند واحد (تعصري علي زول ما عنده حديدة)... اضفنا الي المسكرات االسجاير ... براكي ذكرتيني انا أصلاً السجاير دا كان ما بحبه ... و هسي مرقتي من المداخلة دي بمشي الدكان بجيب علبة بنسون و المافي شنو؟ 2. النقطة 2 ... نص الدين ما ممكن نكمله صيام؟ النقاط من ثلاثة لحد خمسة خاج دايرة إختصاصي لكن بجي البوضبوك ... و الله البوست دا حدنا معاها الخور وصايا قال علي فكرة كل سنة وانتي و الوليدات طيبين يا مرافي |
روفى يا قلب بتاع انا كل سنة وانتى ومن تحبيبن بكل خير
شوفى انا بجيك ببيانات لا تقل خطورة من بيانك دا بس خلينى امشى الدكان املا حقتى واجيك بمزاج |
اقتباس:
الخور الخور الخور :mad: يا حافظ جيب معاك برنجي أخدر وكيس من الجمري والباقي نتمو صيام :D ـــــــــــــــــــــــــــــــــــ مرافي سنة سعيدة عليك :p |
بسم الله الرحمن الرحيم
مرافى .. إزيك يا ستى .. غايتو أنا إصالة عن نفسى وبالإنابة عن المدام بعترض بشدة على البند 4 وأطالب بحذفه فوراً :D لأنو بجرد الرجل من إمتلاك خاصية الإستفادة من (التناقضات من نقة الى أخرى ) ويقود الى إعلان تفليسة بنك الذكريات المركزى .. ويا مرافى مافى أحلى من النقة دى خصوصاً لمّا تسعى لها سعيها .. وتعرف كيف تتحكم فى أزرارها ومفاتيح التحكم بها من قرب ... معاً نحو شعار ... ( لكل مساءٍ نقه ) :) |
وبصفتي عضو خاشي في حالة طشاش الأيام دي بزيد:
1-على كافة العضوات الموقرات متزوجات ام عذابيات عدم استعمال الكريمات والبودرات وما شابهها لأنها مضرة شديد بالصحة برضو 2- على المتزجات عمل هدنة مفتوحة فيما يخص النقة. 3- لأكمال الزواج على البنات أن يكون مهرها حفظ سورة الاخلاص من العريس. وادخال بند عدم النقة في العقد وان يدخل بند عدم التدبيل عليها من قبل العريس. 4- ناس الخمسين وما فوق.. الشباب شباب الروح، صلحوا لياقتكم الروحية وقبلوا على الحمام الجديد |
|
اقتباس:
على فكرة... كل سنة وانت طيب |
اقتباس:
|
اولاً : كل سنة وأنت طيبة خالة مرافي. اقتباس:
التمباك سفيتو زي تلاتة مرات في حياتي اول مرة سنة 1994 واخرها 2011 والحمدلله ما عندي ليهو شئ كتير اقتباس:
الدور على حافظ حسين تحياتي |
اقتباس:
هوووي ابعدونا من الخور دا...looool وانت بالف خير وصحة وعافية.. |
اقتباس:
انت بتسف تمباك حسب كلامك من سنة 1994 ومن 94 الى 2012 (18 سنة) وريني يا حضرت عمرك كم :confused: |
اقتباس:
المشاركة الأصلية كتبت بواسطة مرافي http://sudanyat.org/vb/images/buttons/viewpost.gif بموجب السلطات الممنوحة لي في هذا المنتدى بصفتي عضوأ قلبو على الجميع وبمناسبة العام الجديد آمر بالآتي:- **** التوقف فوراً من تعاطي المسكرات من تدخين وتمباك وخمر.. (عصرت عليكم شديد:() لاضرارها الجسيمة بالصحة.. **** يجب على كل العزابة اكمال دينهم زواج وعلى اقل استطاعة قولة خير **** على كل العضوات الغير متزوجات (اللحلحة) شوية والحصول على عريس في الربع الاول من السنة ولا (الحمام القائم ) ح ينشف عليكن السوق.. **** على كل المتزوجات بما فيهم نفسي الدخول في هدنة مع الرجال بعدم النقة بتااااتاً لأن راجل المرا بقى حلو حلا..:eek: **** على كل من تعدى الخمسين مشاهدة برنامج من الامس وشرب كوب اللبن والنوم مبكراً لأن الصحة تاج على روؤس من تعدى الخمسين.. صدر تحت توقيعي في 01/01/2012 مرافي مرافي والعائلة الكريمه كل سنة وإنتو طيبين لوخي البند اتنين وتلاته مع بعض ويصبح شرطا لزاما على العازبات والعازبين من سودانيات عدم الزواج من خارج المنتدي تحت اي ظرف من الظروف ولو بالقوة الجبرية ان لزم الامر لك مودتي |
....
... مرافي .. كل سنه وانت بخير .. لما اتخلص من Hangover .. لليله امس .. بجيك راجع .. .. سلام |
اقتباس:
نحن شعارنا العالي بيرفع فلناكل مما نزرع و نشرب مما نصنع يا خي الزول اليومين دي مقاومته ضعيفة خلاص |
| الساعة الآن 04:33 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.