سودانيات .. تواصل ومحبة - عام سعيد ... قصيدة جديده

سودانيات .. تواصل ومحبة (http://www.sudanyat.org/vb/index.php)

- كلمـــــــات (http://www.sudanyat.org/vb/forumdisplay.php?f=15)

- - عام سعيد ... قصيدة جديده (http://www.sudanyat.org/vb/showthread.php?t=22866)

عام سعيد ... قصيدة جديده

عام سعيد .
ياحابسه من عينى الغميد .
ياواقفه قدامى وتضج ...
عاطفه وحنان وافراح وعيد .
يامهرجانات من الق ..
ياروعه ..
يابت ياسماح من كل لون .
يابت تصب مطره وتولع نار شجون .
ياروح مدسدسه فى وهج ..
ترجاكى بالشوق العيون .
يوما تمرقى من العدم ..
وتبقى من صمت الليالى المترفات ..
فوران سكون .
وتشعى نور ..
تنشرى كون .
قبال تمرقى من المسام ..
قبل انفجار المستحيل
ميلاد حياه وسكه واكون .
لاحوله من زمنا يجيبك ومابتجى
لاحوله من هادى الظنون .
غنيتلك الآهات لحون .
ياسارجه خيلك ليل عشم .
كم من سنين كم كم وكم .
مابحه صوتى ولا انكتم .
راجيك سنين .
متحدى بيك زمنى الضنين .
شايلك نغم .
عايش معاكى على يقين ..
بلقاكى ماعشتك وهم .
ماخنته جيتك ذات صباح ..
لاشوقى فى يوم انهزم .
بس وين صهيلك منتظر ..
واقف على طرف الدرب .
راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .
تلقينى جواك ضحكتك .
د. ازهرى الحاج شرشاب
دبى 1/1/2012

[justify]
العزيز د. أزهرى الحاج شرشاب،

فخيم التحايا عظيم الأشواق، لك وللأهل والعيال، وكل عام وأنتم بخير.
شكراً أزهرى على هذا النبض، شكراً أنَّك حىٌّ وهم ميَّتون.

معزتى التى تعلم،
حُسين.

[/justify]

اخى العزيز حسن شكرا على كلماتك وكل سنه والاسره بخير واشتياقى الى لقياك

اقتباس:
المشاركة الأصلية كتبت بواسطة ازهري الحاج شرشاب http://sudanyat.org/vb/images/buttons/viewpost.gif
راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .
تلقينى جواك ضحكتك .
د. ازهرى الحاج شرشاب
دبى 1/1/2012

التحيه و التجله لكل بكل امنيات العام الجديد و ما تصبو اليه
بيها و معها تحقق
بوهج كلماتك الانيقه

تمنياتى ليك بالعافيه و العمر المديد
وشكرا ان جعلتنى اتمدد بين الكلمات و الطاقات

اقتباس:

راجيك تجى ..
تمطر علىّ سحبك تكب .
افتح علىّ باب المروق ..
وادخل عليك فاتح على روحك
مسارب روحى شوق
باكر خلاص عكرك يروق
يابت موزعه فى العصب .
وهاجه انت كما الشمس ..
معطونه حن ..
هطاله حب .
ممزوجه بى طيب الارض
حبك فرض .
خاطرك معاك ..
لاقينى من داخل دواخلى الضمتك .
فاتح مسامى على هواك ..
عاينى المداخل حقتك .
يلا ادخلينى كما يجب .
والشوق يحب .

يا للروعة والجمال.....

د. ازهري
أهديك

[aldl]http://forum.ro7ee.com/r7e/image_134679825_7215.jpg[/aldl]

سلام يانغم وشكرا ليك كتير وياريت نقدر نرضى كل الرائعين
الاخ اشرف لك تحياتى وتقديرى ان جعلتنى احد الاحباب واهديتنى ورده تسلم ياجميل

اقتباس:

ياحابسه من عينى الغميد .
ياواقفه قدامى وتضج ...
عاطفه وحنان وافراح وعيد .

ومن وين يجي الغميد
وكل الضجيج على مرمى البصر!

شكرًا يا دكتور على النص المكرّب.

بسم الله الرحمن الرحيم

بهذه الإطلالة ..
كيف لا يكون .. حقاً إنه عامٌ سعيد ..

جميل يا شرشاب .. جميل جداً والله ..

اووووووووو
دا كلو يا دكتور
حب
وضجيج
كل هذا ونحن ولا ع بالك

كدا تخنق لانك براك

شكرا يا مبدع ولا نضب معينك

شكرا تاني وتالت

وحنشوف الحكاية يا مولانا
محبتي

لا يشغلُ عن الوطن إلاَّ الوطن،

كل السنة إنتَ والأسرة الكريمة على أتم صحة وعافية. إفتقدناك وعذرناك هذا العام.
ومن قبل التحيات والمحبة.