إفتتاح اخطر مشروع عسكري بالخرطوم
 

دخلك يكون عاوزين يطعموا الجيش تبولي؟؟؟!!!!

شكراً يا يحيي إشراكك لنا في الحيره دي

لكن تعرف لو دخلو مشى لحزب الله البطن
تب ما فيها مغسه!!!

تُرّة:
المطبخ اللبناني معروف بالطبخات البت اللذينا

كتابة:
جماعتنا ديل من زمان بتاعين طبيخ إبن ستين كلب


أها .....



أطيب المني يحيي

ناصر وخالد الصايغ .. لوكو الصبر .. ود الخير بشتت فى الكورة .. كلام يحيى لسة ما بدأ ..

يا يحيى دى أسمها عودة ترنتى أو طالبان .. أو العرب الأفغان .. أنا حضرت أفتتاح مطعم سنة 94 تحت السفارة الأمريكية ومديرنا دخلوا ليهو خروف مندى فى ضهرية العربية .. وكانوا بنادوهو يا ريس ..

أستمر وغرّق وبجيك راجع

يا رأفت ياآخ حارمنا من وجبة الصبر دي مالك ؟؟؟

مايكون طرف السوط وِصلك!!

لازم يفتتحو وزير الدفاع مش فيهو اكل؟

سلامات يا يحيى ، والمتداخلين..
قبل فترة عرضت قناة النيل الأرزق ، لقاء مع واحد من رجال الأعمال اللبنانيين ، بيخطط لإفتتاح مطعم بشارع النيل ، ذكر إنو أخو عمر البشير هو الإتبرع ليهو بمساخة في شارع النيل..
الجدير بالذكر إنو في المطعم ده 11 شيف لبناني ولافي واحد سوداني ، يقدًموا أكلات لبنانية فقط..
غنًت فرقة - الموسيقى والمسرح- إنشودة لفيروز ، غنًتها بخشوع عظيم..
والعاقبه عندكم في المسرًات..

وين مكانه بالضبط ياشليل
اذا كان في المنطقة مابين كبري النيل الابيض وكبري المهندسين
سيكون عندي الكتير الذي ساحكيه في صفقة غريبة علمت بعض بنودها اثناء تواجدي في الصين

تسلم ياحبيب

لكن الشقي عمرو ما بسعد
كان ما كدا عليك الله شوف السعوديه الامارات قطر
فد يوم سمعتلك واحد قال أنا شيوعي ولّ بعثي ولّ ما عارف شنو
وأهو عائشين ملوك

ما تمً تحديد المكان بالضبط.. ودي ما نقطه أساسية..
النقطه الأساسيه.. أخو عمر البشير هو منو عشان يؤتي الملك لمن يشاء.. وللا الحكايه سايبه ساي..زي ما البشير بيوزع للمصريين ، أخوهو عايز يطقًم معاهو..
بلد ما عندها وجيع

ًتسلم يا أبوي.. شوق (مطعًم ) بإحترام وتقدير..

[QUOTE=ود الخير;441154]تسلم ياحبيب

لكن الشقي عمرو ما بسعد
كان ما كدا عليك الله شوف السعوديه الامارات قطر
فد يوم سمعتلك واحد قال أنا شيوعي ولّ بعثي ولّ ما عارف شنو

هسي المداخلة دي تتقري بياتو سياق ! وتتقري كيف !
حاولت أربطها بالمداخلة الفاتت بتاعة حزب الله البطن ، مع إنو ما عارف قصة البطن دي خطتها شنو.. لقيت إنو ما بتتلايق بفرضية إنك ما شيوعي وللا بعثي ، بل بفرضية إنك تبع ال (ولً ما عارف شنو ) لأنك بتتكلم في السياسه..
حاولت أقراها كمواطني دولة السعودية وقطر والإمارات.. لقيت إنو السؤال ما وجيه ، ومافيهو فايده على القراء.. لأنو الإجابة معنية بمواطني الدول دي إذا إتكلموا في السياسه...
قريتها بفهم عايز تقرص أضان مقيمي السعوديه وقطر والإمارات ، لقيتها إنها محاولة رخيصه منًك في إنك تسكًت أصوات السودانيين المقيمين في الدول دي..
وفي كل الأحوال مداخلة مغتغته وفاضيه وخمج.