سيف...
حين مات خالد كفكفت أحزاني بصوت أمي..
يمة خالد مات بكينا كثيرا أنا و أمي وحين هدأ نحيبها ..سألتني حائرة خالد منو يا ولدي؟ أقسم بالله يا سيف كان صوتك طازجا بنفس طعم دمعك القديم مع والدتك الطيبة وأنت تحكي أحزانك الخاصة جدا ...تذوقتها فتطاولت قامتي كألف سنبلة و سيف شاب سوداني جدا ..كثيرا ..شاب تطالع ما بين نبرات صوته الملائكي كل شئ تتمناه لك و لكل الناس.. و سيف فرد في عائلة سودانيات الكبيرة الممتدة وإن كان يكتفي بالنظر من وراء ستار فيكفينا ما تحمله من الحب والود لهذا المكان..و بك يا صديق لحرفنا ضوء و شرارة قال لي سيف في إتصاله الجميل كم فرحت لعودة شليل كم أحب هذا الشليل و سألني من أشتر ياخ غيابه طال ...سألني منكم جميعا و يحبكم جميعا فردا فردا و فردة فردة سس شكرا حافظ إذ لازلت تجيد يا صديق نثر الألوان علي حوائطنا الباهته شكرا سيف شكرا كتير ملحوظة أخيرة: هناك من يتابع ما تكتبون جيدا يا أهل سودانيات..فاملأوا الجنبات بالمحبة ملحوظة تانية: غدا صباحا يا سيف لمن تقرا الشي دة رسل لي حوالة كان بي دولار كان بي ريال إن شاء الله يورو برضو مية مية سلامات يا سعودية |
يا سلام عليك
يا اميرى فعلا فى ناس يجبروك على محبتهم كالاطياف وتترك اثر طيب فى نفس الشخص |
يقرأ المرء منا ويقشعر بدنه من حفيف المحبة.
التحية لسيف .. وهو يرقب الجميع من على البعد. والتحية لسيوفٍ كثيرة توارت بالحجاب،غيرأن المحبة تلمع من نواحيها ولو لم نهتدي اليها. صباحك صباح ياوجه الصباح تحياتي |
أميري
أ ُشهد الله أني أحبك يا صاحب |
سلام يا صاحب والتحيه لسيف.. وياريت لو إشترك بالموقع ده ، عشان نتعرًف عليهو أكتر ، وتمتد أواصر المحبه..لأنو الزول البيتابع برًه السايبر ما بيكون عارف أمزجة الكاتب ونفسيتو إللي بتأثر في نوعية كتابتو ، بعكس العضو إللي قد يلتمس ليهو العذر في حال إنو لقى شبهة تغيير لونية كتابة.
تحياتي |
أميري المرسوم في ضميري/نا
مشتاقين يا حبيب طولنا ما سمعنا صوتك تحياتي ليك ولسيف انا لمست متابعة القراء لسودانيات وايميلي فيهو رسايل احتفظ بها للان من القراء رسائل مواساة ايام فقد الخال عليه الرحمه ورسائل اشاده بمواضيع وعتاب على مواقف سودانيات حقت الجميع دا جزء من رساله اقتباس:
|
أميري
سلام ومحبة بكامل الصِدق يا أخي اقتباس:
لو جانا بالدرب العديل مرحب بيهو ياخ ومرحب بهذه المحبة الالدافئة |
أنا كنت تمام زي سيف يا أميري ، بخُش اتزوّد واتجيّه واستمتع وابقى مارِق ، لا مِن شاف لا دِرِي gap لحدّي ما اتوكلت علي الوهاب الما ضهاب ، وجيت دقيت الباب.
هناك سيوف كُثر يا مان يقرأون لسودانيات في صمت ، فـ ختوا الموضوع دا في بالكم باللهِ! _____ أميري ياخ إتا الخيال الطاعم دا بتلقاهو وين؟:rolleyes: غايتو عموماً ، كل ما أقرا ليك حاجة .. بقرِّب أقول (القُرْ ال ينفُخك):rolleyes: |
سلام ياال(أمير)
يبدو أن سيفك هذا هو (سيف الجامعة) :D اقتباس:
ومرحبا ب(سيف) |
اقتباس:
حيّاك الله حبيبنا عادل |
| الساعة الآن 08:10 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.