حاجات تحرق الروح
يعني شنو لما الواحد افتخر بمعرفة شخصية لامعة ... علمياً او ادبياً ولا فنياً
غايتو بضايقني شديد لما زول احاول ادخل ليهو اسم شخصية زي كده في حوار لا والمشكلة انو الموضوع احياناً ما بكون ليهو اي علاقة بالشخص المذكور يعني الواحد احاول بشكل او بآخر اوريك انو هو ليهو معارف لامعة ...... . . اول مرة امشي القاهرة ما كان لي فيها اي حد او معرفة .... بالصدفة اتعرفت علي شاب زول طيب شديد والله .... لكن الكضبة اقرب ليهو من حبل الوريد ... في اي شئ يعني نجي نتكلم عن السياسة اقول ليك قبل يومين كنت بتكلم مع دكتور نافع او الصادق المهدي اها الفن اقول قبل شوية في تلفون البيت اتصل علي ود الامين شغال معاي بي الطريقة ... لحدي يوم كان عندي موضوع في السفارة ... قمت بس قلت ليهو اتا السفارة السودانية هنا وين .... قال بعرف السفير السوداني طيب تمام انا عندي موضوع في السفارة تمشي معاي بكرة .... قال لي جداً اها بكرة جات ومشت وبعد بكرة جات ومشت ... واسبوع حتي ظهر لي وين يا زول قال لي مشيت الاسكندرية فجاءة والله لانو كان في ناس عايزني اخلص ليهم مهمة طبعاً قبل ما اجي اتصل علي وعرف اني قضيت موضوعي ..... اها عمل ليهو شكلة مع عسكري مصري وفي مصر قال للعسكري والله انا ممكن اوديك ورا الشمس العسكري قال ليهو كدي وريني ... قال ليهو والله انا صديق شخصي لمدير أمن مكة المكرمة :eek: والله اديت نفسي كف . . اها لاقيت زول قبل شوية كل كلمة والتانية اقول لي انا بعرف دكتور فلان ومضاف عندي في الفيس بوك وبعرف الفنان علان وبراسلني طوااااااااااالي في الفيس بوك وبعرف الوزير فلان وعلي اتصال بيهو طوالي طيب وانا مالي ياخ .... انا مالي ومالهم .. ده شنو ده ياخ اها كان في طبيب نفسي هنا اشخص لينا الحالات الزي دي معناها شنو نقص ولا عدم ثقة في النفس . . هسع انا ضايف مهند وحافظ حسين عندي في الفيس بوك .. عُمري جبت ليكم سيرتم ;) |
واحدة خطبها واحد زى دا
فرتكت الخطوبة اوعة اكون هو سلامات محمد |
اقتباس:
محمد مصطفي كيفنك يا الحبيب ،،، في ظني هي حالة مرضية نفسية والله أعلم ،،، مجرد إتمام شخصية هي في الأصل ضعيفة وماعونها فاضي ،، بيحاول صاحبها يتمها موية ساكِت بذكر واحد من الشباب ديل ،،، في حوش الإذاعة طواااااااااالي بشوفو ليك قاعد في كافتيريا الإذاعة الزمان كانت موجودة بعد المدخل مباشرةً علي اليمين ،،، وطواااااااااااالي هو معاه أجمل الحِسان ،،، والبنات دايماً بيكونن ما من زميلاتنا الفي الإذاعة. في يوم من الأيام لقيتو متوسط ليه زي خمسة بنيات حليوااااااااااااااات يسرن العين ويسدنها ،،، عيني وقعت علي واحدة فيهِن لقيتها كانت طالبتي في يوم من الأيام ،،، توووشك مشيت عليهم في تربيزتهم والسلااااااااام عليكم يا أيتها الحسان الجميلات ،،، البنات شئ ضحك وشئ خجل من بعضهن وردن علي السلام ،،، إزيك يا فلانة كيفنك وكيفنهم أهلك نعلكم طيبين ،،، والحمد لله ومشيت علي الإستديو أهااااااااا بعد ساعة كده جيت ماري تاني علي الكافتيريا ،،، لقيت البنيات قاعدات براهن متمحنات ،،، ناديت طالبتي وسألتها ،،، مالكن زي المات ليكن زول ،،، قالت لي ،،، فعلاً مات لينا زول ،،، الراجل الكان قاعد معانا ده ،،، أنا ما بعرفو ،، بتعرفو صفية صاحبتنا دي ،،، هو قام أتشبك فينا وقال لينا لاااازم أعزمكم إنشاء الله شاي ،،، وبدأ يقول لينا ( أنا خريج معهد الموسيقي والمسرح) ورئيس قسم الدراما في الإذاعة ووووو ،،، إلخ وأنا أضححححححححك ،،، أها وعزمكم السيد المدير ده ؟؟ عزمهم فطور مدنكل ،،، وبارد وشاي وجبنه ،،، ولهط نص الفطور براه وشرِب كبايتين شاي وتلاتة كبايات قهوة ،،، وفجأة قال ليهم دقيقه بس عندي ضيف مهم جاي أمشي علي الإستقبال أكلمهم ما يوقفوه ،،، وفوووووووووو فكَ البيرق الشئ اللذيذ في الأمر بإنو صاحب الكافتريا جاء للبنات وقال ليهن الحساب ،، وكان مبلغ كبير بالنسبة ليهن ( ما معزومااااااااااات وكدي) :p صاحبنا قال لصاحب الكافتريا الحساب عند البنات ديل وطفش ،،، لاقيتو بعد فترة كده في مكان عام آخر غير الإذاعة وبررررضو وسط حِسان جميلات ( زول عينو عزاااااله خلاث :p) ،، ما حسدن مني يعلم الله ،،، تووووووشك مشيت عليه وقلت ليه ،،، أوووووووووو السيد مدير الدراما بالإذاعة ،،، قلت لي إنت خريج معهد الموسيقي والمسرح ؟؟؟ !!! ههههههههههههه ياخي الدنيا دي فيها عينات مريضة بشكل ؟؟!!! ;) ;) اقتباس:
|
هؤلاء عرفتهم وبعضهم حتى "فردتهم" وهم في سفري بالصحراء
كأني لقيت ينابيع، محبة ومعرفة، ذوق وفهم، غيرة ووطنية، جمال وطيبة منهم على سبيل الذكر ولست الحصر.. ناصر يوسف أبو رحيق، يرويك قبل يعطرك بدور التركي بث لساتني ما شفتآ الحفيد عشان أطبع قبلة محبة في جبينه (قال ليك إن فاتك الميري، أتمرمغ في ترابه،، وآآآآآك) مرمر وهموسة شخصيات مقدرة وليها وضعيتها،، أم التيمان وحتى كمان إتغدينا مع بعض بي حضور نبروسة وسمورة وأبو دعد الراجل الفخيم وأبراهيم والشاعر الاديب ود بدري أخوي "سي قعفر" وروفي المعمدان والكنس والكنيسة والزوول بي ظاتهو وصفاته والعمدة والباش والسيدة القوت الماليآ قلبه ديل كدآ يعني ضرب مثل .. بالله عليكم مش أفخم من صحبانا البتبجحو بنافع والمتعافي وعمر حسن أحمد والقائمة الزايفة وهلما جرآ :eek: |
ما فوكا حاجة بطل حسادة يا اخينا
يعني شان ما حصل ليك الشرف ولاقيت بله محمد الفاضل:D تقوم تحرم الناس من شرف معرفتن بيهو ........ حِكم يا عمك قبل فترة ظنيتني كتبت في الكلام دا بس بي طريقة تانية وهي متعلقة بذكر الأسماء والمصطلحات الأجنبية في غير موضعها بس كان سعلتني وين الموضوع أكيد يعلم الله... يا عمك المهم ما قدمت/فعلت أنت لا ما قدم/فعل الناس وبما تستطيع عموماً ربنا يعينك زي ديل بقصروا الأجل |
اقتباس:
:D:D:D:D |
ياصديقنا الذي في البلاد البعيدة ، كيف حالك
ياخي انت بعد تعرف الفكرة ما تعصر عليهم.:) قت لي قال صديق مدير امن مكة المكرمة ؟ مرات الواحد بكون في حاجة لهكذا شخصيات عشان يحمد ربو على النعمة.:D |
اقتباس:
تحياتي محمد وزي ديل امانة ما مورمننا ورم ياخ...:( |
اقتباس:
وانت زاااتك ماك هين يا حبيبنا... ودي الاكيد |
اقتباس:
ديل ناس اقصرو العُمر بالجد الزواج ضروري يقوم علي الصدق والواقعية غير كده فقع مرارة ساي ده ..... . . أم التيمان اعلم الله مشتاقين |
اقتباس:
شفت كيف ... عليك الله مش يحق لي افتخر بيهم .... ثم استغفر :D والله يا ناصر هذي العينة من البشر بتفقع مرارتي شديد لا وكمان اي زول زي كده والله ما بقدر احترمو عديييييييييل كده لذلك تلقاني بعاني جداً لما احتك بيهم ..... تعرف الناس الزي ديل والgay كلاهما مجبرين نتعامل معاهم . . اعلم الله مشتاقين ... وشهر خمسة علي الابواب كتر من دعواتك looool |
اقتباس:
الحالة دي لسة ما لاقيتني انا :p اقتباس:
:D:D:D والله الميري استعجل وفاتكم بس :) تحياتي واشوقي الكثيرة يا عمنا |
اقتباس:
لما كان الحوار ده قبل ما اكتب بيهو البوست وقلتو قبل كده لي زول من نفس العينة دي . . تحياتي وودي |
اقتباس:
|
اقتباس:
هسع عليك الله كون الزول بعرفك ده براهو شرف وفخر كمان بس ما عايزين نجدع ساي علي خلق الله هسع انت مش شاهد اني اتصورت مع الفنان ابراهيم خوجلي :D اها وما نزلت الصورة دي اصلو في الفيس بوك :) والله يا طارق اغلب الظن انه مرض ونقص وربنا يعافي اي مُصاب زيهم . . مشتاقين يا كانديك والله |
| الساعة الآن 10:17 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.