بابكر عباس
 

عشان تبطل فرفرة:)

عامل صداع جميل ياباكر
لكن فى النهاية وجع راس ..

فهمك شنو ياعمك؟

مداخلات بابكر عباس
تعمل على تخليل الثابت
وهى فكرة جيدة ..ولكنها تفتقر لمنهج
يقيمها على أرجل ..
أفكار هائمة
يتم التقاطها بجهد

يابابكر
البوست دا راس
أنا وانت فى هذا الفضاء
يمكنك أن تأتى حينما أحببت
وكيفما احببت لتقول كلمتك ..

بس عليك الله ماتقول انو الشيوعيين بكمموا فى الأفواه !!!

خلى الواحد يشوف نهاية مهزرتك دى شنو !!

مشكلتك شنو يامواطن؟

لمن تجى ياعمك
أدى معاك حبل الصبر لكزة ..


شوفتا أنا كيف أديتك قدرك كما يجب ..
يلا كمان انت أتحزم لى فى مسألة الرأى دى

هووووووي..واحد واحد باللاي ما تتلمو علي الراجل..أنا غايتو لو من بابكر أكتل ليك يالجيلي البوست دا وأخليك تموصو وتشرب مويتو وتدي معاك ود حليمة جغمة والباقي تكشحو في سارة.(كاس الغايب):D:D

عم فتحى + سارة

غير مرحب بكما ....


البوست راس بينى وبين بابكر عباس

بابكر عباس يعتقد أن التهازل والمزاح أشياء تصلح فى كل الأوقات ,
ولقد بلغ به الأمر فى ذلك التجنى على الآراء مبلغآ عظيمآ
فأصبح كل مايكتب مدعاة عنده للتندر والامبلاة ..
غاب عنه ذلك الحد الذى يفصل الأشياء عن بعضها
أو تغابى عنه ... فكله سيان ...
أنا لم أوجد فى الحياة لأحدد له تلك الفواصل
ولكنى خلقت لأصنع مقاماتى ...



هذا ماكان فى شأن الرسالة نمبر ون ..

ومنو القال ليك منتظر ترحيب:p:D:D

من وين ليك الحق دا؟

لمان زول ينزل ليهو موضوع للحوار بالمنتدى، القصة دي بتعني بالنسبة لي:
الزول دا داير يدعوني كي أرى معه هذا الموضوع من كل الجوانب وأن نسد ثغرات ضعفه لإخراجه متكاملا.
أستطيع أن أرى بعض "مواطن" الضعف في المواضيع المطروحة، وكي لا أترك للمحاور فرصة للمجاملة والمناورة والهروب، أستعمل معه الأسلوب الثقيل المباشر الساخر
مثلا:
البوست دا، انت داير تقومو على حوار بيني وبينك فقط، انت لا تملك حق منع الآخرين من الدخول لهذا البوست وكذلك لا تملك حق إخراج الناس من البوستات زي ما فعلت مع عبد المنعم!
آها، لو أنا كنت محل سارا أو فتحي، كنت قلت ليك: دا ما صالون بيتك تستقبل فيهو الناس بمزاجك. لو داير بابكر عباس دا راس أعزمو عشا أو أضرب ليهو تلفون.
المفيد:
فكرة البوست دا، ضاربة، عشان كدا أحسن توديهو الخور، أو تعتذر عن طردك للناس عشان تستحق عودة للحوار.
نسبة عالية جدا مما يطرح للحوار في الأسافير السودانية، ني ساكت وعاطفي زي طريقة حزنك على نقد، والمزعلك فيها عدم تكسرنا معك في بيت فراشك، وجيت جاري عاضي عراقيك داير تورينا ليهو هنا!
المشكلة شنو لو أنا سخرت من موت نقد شخصيا ورسمت كمان فيهو كاركتير ذاتو؟
تقول لي حرمة الموت
ومحاسن موتاكم
وإحترام مشاعرنا
وما وقتو
بقول ليك

قوم لف*

* بالله قوم لف دي، مرات بتكون مُعبرة خلاص!

الحبيب الجيلي
لو بترحب بينا نواصل