شاعر الشعب يرد على خال الرئيس
محجوب شريف يرد على الطيب مصطفى: كان الطيب مصطفى قد شتم الشاعر الإنسان المرحوم عمر الدوش و شاعر الشعب محجوب شريف.. ((رأيت بعض صحافيي الغفلة يحتفون بتافهين وتافهات ويسوِّدون بسيرتهم الصفحات.. أحدهم شيوعي متشاعر ــ وهو قريبي بالمناسبة ــ قالت له زوجه: (يا أنا يا العرقي) فقال لها: (العرقي) فكان أن ليّف العرقي كبده ومات! أخر.. سمَّوه شاعر الشعب وهل يحتفي الشعب السوداني المسلم ويمنح اسمه لشيوعي لا يصلي؟! وكثير من الزبد الطافي على صفحة حياتنا يعطِّل مسيرنا ويملأ حياتنا بؤساً وتعاسة!!)) الانتباهة 1فبراير 2012م تنبش حي وميت سكاكينك تسنها بالكراهية معلم تنتج الكربة وتدي الفتنة ماهية تدس في إيدا كبريتة بخيت وسعيد عليك إنك مكانك من ذوي القربى وعندك من كراسي السلطة مسند للرفاهية مالك ومال قريبك ساكن التربة؟؟ منو البسرق عشم ميت أمام الله والحكمة الإلهية؟؟ يمين الله كاتب حر نسيج وحده ومن طبعو الفروسية وأصدق من ملامح طفلة وسط اللمة منسية عصافير الكلام ركت تحت شهقة غنا الفواح مع الموجة الصباحية أدى الود وشال الود وجمّل للحزن ممشى لا كذّب ولا غشّ وما منو الضمير طشّ وما شنّق بريق الشهرة من فوق راسو طاقية أبسط من حرف كسرة ومن بذرة ومن نقاع سبيل يوماتي تشرب منو تحت النيمة قمرية كذلك لم يكن يوماً هوين قابلاً للكسر والذلة أما العبد لله إذا ما عارف أعرفني من غير الله ما خايف ولا شايف هنالك من يهد حيل الثبات فيني ويخوفني فما خجلان ولا نادم وما متوجس الإحساس من القادم لا طعّان ولا لعّان ولا فاحش ولاني بذئ ولا نسناس وما بجرح مشاعر الناس وأنبل من حليب السترة ما عبّت مشارب كاس أدوسا محاكم التفتيش بأعلى الصوت علانية تخربش في مسام الروح وتتجسس علي النية بسوء الظن والمكرِ ضميري لم يكن يوماً من الأيام ولد مكري شبر والله في البكري ولا الفلل الرئاسية وطن حدادي مدادي ما بنبنيهو فرادي ولا بالضجة في الرادي ولا الخطب الحماسية وطن حدادي مدادي قد شفناهو يتقسم ذبائح وإنت تتبسم لديك الخضرة تتفحم وتصبح في الأيادي عصي وأوتاداً بلا خيمة وصحراءً بلا غيمة سلاماً يا وطن بحلم أشوفك يا وطن آمن حر وسعيد ومتفتح محل ما يمشي إنسانك عزيز النفس مطامن ومتضامن والخير الظاهر والكامن في الأيدي جميعاً قدامن تعيش إنت ونموت نحن لكي يا غالي ما يكبر جنانا تحت شرا المحنة جرحنا إذا بفرهد فيك ح نمشي علي البجرحنا وحزننا لو يضوي سماكا هو الحزن البفرحنا ودمنا لما يسقي ثراكا ينزل من جوانحنا وإن راحتنا ما ترتاح نقول إنشاءالله ما ارتحنا تضيع أيامنا بس ما تضيع ملامحك من ملامحنا بنرجع ليك توصينا ونسمع ليك تحدثنا ولو علّينا صوتنا عليك يا والدنا سامحنا تنبش حي وميت سكاكينك تسنها بالكراهية معلم تنتج الكربة وتدي الفتنة ماهية تدس في إيدا كبريتة بخيت وسعيد عليك إنك مكانك من ذوي القربى وعندك من كراسي السلطة مسند للرفاهية مالك ومال قريبك ساكن التربة؟؟ منو البسرق عشم ميت أمام الله والحكمة الإلهية؟؟ يمين الله كاتب حر نسيج وحده ومن طبعو الفروسية وأصدق من ملامح طفلة وسط اللمة منسية عصافير الكلام ركت تحت شهقة غنا الفواح مع الموجة الصباحية أدى الود وشال الود وجمّل للحزن ممشى لا كذّب ولا غشّ وما منو الضمير طشّ وما شنّق بريق الشهرة من فوق راسو طاقية أبسط من حرف كسرة ومن بذرة ومن نقاع سبيل يوماتي تشرب منو تحت النيمة قمرية كذلك لم يكن يوماً هوين قابلاً للكسر والذلة |
نيبو ... ده شغل جديد يا كــ ... |
ياااااااااااااا نيبو
You made my day بالجد .....بالجد شكرننننننننننننننننننننننننننننننننننننننننننننننن ننن |
مي تو واللاي..
ميد ماي دي بمزاج ، ربنا يمد المحجوب بالصحه والعافيه ويسقًط حجر الكراهية والعنصرية |
الما بعرف الشاعر عندما يكون حر يجي بجاي
الما بعرف المثقف المنحاز للإنسانية برضو يخش هنا سلمت يا شريفنا و سلمت الأقلام الحرة شكراً نيبو و الي مزابل التاريح صحفيو الغفلة |
الإنسان محجوب شريف متعك الله بالصحة والعافية لا تنظر لهولاء فالشعب أحوج مايكون لقلمك
وكما قال حافظ الى مزابل التاريخ يا الطيب ورهطه شكرا نبراس |
يا نيبو سلامات
صحى الما بعرفك بحقرك و الطيب مصطفى دواخلو مليئة بالشر ليس بها مكان للحب و الجمال |
الطيب مصطفى أسوأ نموذج في السودان، رجل مليان عهر سياسي لا يحتمل.!!
التحية لشاعر الشعب الشريف محجوب متعه الله بالعافية، والرحمة للشاعر الكبير الدوش. قال -قريبي بالمناسبة- صحي والله بطرانة.. !! شكرا نبراس |
اقتباس:
آمنت بالحب والوطن.. |
الله عليك يا محجوب شريف ياخ
الله يريحك.. ريحتني وفشيتني في الطيب مصطفى هذا العقرب النافث لسمه أينما تكلم |
اقتباس:
ولو في محمدة من الغثاء بتاعو دا، القالوا في حق الدوش وشاعر الشعب، فهي النص الشبعان دا. |
يا سلام
دا شاعر الشعب وداك ربيب السلطة والعنصرية شكرا نبراس يو ميد ماي دي تو |
اقتباس:
يالله يالله هذا زمان الطفابيع فعلا يالله يابلد اللهم ارحم الدوش وادي الشريف العافية يارب |
شبر والله في البكري
ولا الفلل الرئاسية:cool: |
رأيت بعض صحافيي الغفلة يحتفون بتافهين وتافهات ويسوِّدون بسيرتهم الصفحات..
صحافيّ الغفلة زي منو كدة ؟ |
| الساعة الآن 04:21 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.