حتوصل يوم غناوينا ...!
الإهداء إلي الصحفي الحر الأستاذ/ فيصل محمد صالح
وكان كبرت خطاوي البال أكيد الممشي ما بكمل وكان طعم الزمان القيح رافق لي خطاوي الفال حتوصل يوم غناوينا منو البقدر يسد شمس اليقين جواك ومنو الأقدارنا في إيدو ؟ ضراعك يا ولد قدام مسيرات البنية لهب نفج الدنيا بالأحلام وبالأشواق وجيداً جيت وهاك أدخل تعبنا من المشي الودار ومن وهم الخطي التايهات ومن عرق المظنة الخوف تعبنا من الرصاص والدم تعبنا من النزيف والهم ومن بلداً نهاتيبهو يصر يهدينا سوء الظن شرايين البلد ضاقت سحابات المظنة تشيل تشيل وتشيل وما بالإيد لا عرقاً سكبناه لا دماً نزفناه ولا وطناً سمعنابو ونظل نحلم نظل نحلم تكون قدامنا شعلة تقيد ونوصل لي غناوي الفال وكان كبرت خطاوي البال أكيد الممشي بتجمل وكان طعم الزمان القيح رافق لي خطاوينا حتوصل يوم غناوينا حتوصل يوم 8/مايو/2012 |
وطبعا ح نتوقع البوست التالي كالاتي:
يا حريات قصيدة حتوصل يوم غناوينا للشاعر خضر حسين وليس بابكر عباس gap |
يا وجدي ناس حريات ديل سفهوني ياخ :D:D واخوك اتنازل لي فاروق ادريس
لكن بابكر عباس ده بتبوا كان نط في دي :D:D |
|
خضر حسين ... إنا لله ياخي ... أوعي تقول لي قمر الحقد المظلم برضو بجاي ؟
|
اقتباس:
الحرية للاستاذ فيصل محمد صالح شكرا خضر |
الاغنية بصوت مصطفى وايقاع عبد المنعم الفك كلمات حميد انزلها فى سودانيزاونلاين الاستاذ بدرالدين الامير ياجمة حشا المغبون في الزمن الهلاك منجا تكون حانت مواعيدك يكون وكت المطر قد جا شرق ضو البلد عيدك وطابت نسمتو العرجا نكون ياطيبة غنينا وبدينا ولفنا غنينا الغنا الراجا وبدت كاس المودة تدور عشق من حلفا لي راجا الف .. الف حبابك الف ايه يا عنزنا العرجا يا لبانة في الزمن المراحو نشف يا########ا للخوانا والعوج البدور ويلف دميرتنا البتروي جرف بصيرتنا وعرش بيتنا تميراتنا اللي كانو وقف اصابعين الرجال رصاص شعر راس البية سقف تكون دارة الزمن عمرت نكون لمينا في الفاتو وتكون فاقت ملامحنا تضاريسنا القبيل غمرت دغش ساقت بوابيرنا وندت شتلات بعد بعد ضمرت ضراعيك ياالولد كبرت مراعيك يابلد كترت خدار خدرت غزار غزرت غزارا زين برغم الصيف وصناتو برغم البين وأناتو عصافير الجلد قدرت تباصر نسمة منتحرة وتطمن غيمة مندحرة تضاير الغابة والصحرا من الغمة وضلاما شين ومنك يا قريد ننفك تكون حلت عقدة الدين عقب سيرة البلد سارت علي النغمة العديل والزين بعد ها لحال بلا مرسال يجو العمال يجو الكداح يجو الناس البخبرو شليل وشقيش راح وقمريتين جناح يندلي فوق الصاح من الغفلة ورياح الليل وللدنيا الجديدة جناح صباح ينسله شدة حيل فياخيالا عدو الخيل وياطيبة البتملا العين مدي ونباه في حزالقلب فى غنوة وآه حنان بلدو وحنين منفاه يابت العز ياست الجاه ياهسعتينا يابكرانا ياماضينا يابعدين نكون كنا وبقينا متين متين نقدح مواعيدك مواعيدنا نساورك وين http://www.youtube.com/watch?v=9QU0FGqnUqw الحرية لصاحب القلم الشريف فيصل محمد صالح |
اقتباس:
المشاركة الأصلية كتبت بواسطة AMAL http://sudanyat.org/vb/images/buttons/viewpost.gif http://www.sudaneseonline.com/arabic...article_medium حتوصل اكيد ياخضر شكراً لليقين يا أمال |
اقتباس:
لا أحد.. الحرية للأستاذ فيصل محمد صالح |
الحرية للاستاذ فيصل محمد صالح
لا لكبت الحريات .. ولا لقهر الصحفيين تحياتي خضر |
يافيصل ....
ايها الحر في بلاد القيد .... سلاما .... تحياتي ياخضر ... |
عذراً صاحبي
وإن درمتِ الحواسَ حروفٌ فإنها تثب بما يُنكر تأخرتُ هناك نعم وبالبال بستانُ نحيبٍ ورجاء لكنما ذا جراء الإنشغال مرات والتشتت أكثر وكلاهما قتال قتال ــــ و (عين الحق ما بتنوم) عن الناس البتوزن زين وتدي الزين عن الناس التربي الشين تكيل تدي الزمن مُنكر وداك نكير يعاين للبشر في شر ولا يلقالوا درباً بين مداراتم عشان فاقوهو في المُنكر... عشت يا فيصل لكمة حق بوجه الباطل ولا حناك الكيد... |
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif خضر حسين ... إنا لله ياخي ... أوعي تقول لي قمر الحقد المظلم برضو بجاي ؟ هههههه يعني انت بي جاي يا أمين كويس والله علي الأقل نعرف خبيراتك ياخينا والله الأشواق كيمان كيمان ـ ودالبوكس وأميربريقع وقدورة وحليم وسيسليا وكل الناس الـ(زولهم صامد) شوق وسلام . |
اقتباس:
هههههه يعني انت بي جاي يا أمين كويس والله علي الأقل نعرف خبيراتك ياخينا والله الأشواق كيمان كيمان ـ ودالبوكس وأميربريقع وقدورة وحليم وسيسليا وكل الناس الـ(زولهم صامد) شوق وسلام . التحيات الطيبات ليك يا حبيبنا و لفيصل و ودالبوكس وأميربريقع وقدورة وحليم وسيسليا وكل الناس الـ(زولهم صامد) ... و قول لفيصل : أيمن ابوالشعر قال ليك : قول لكلاب الامن : لن يقدر أحد أن يخنق صوتي ... لن يقدر حبل يلتف بعنقي أو سجان ... إن كان الحر بهذا العصر يدان ... فخذوني للموت خذوني ... خير لي أن اشنق جسدا ... لا أن يقتل في الأنسان !! |
| الساعة الآن 06:48 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.