لماذا دوت مجاك؟!!!!
كما قال دوت مجال ذات نفسه يوم ما (النعكنن عليكم شوية), عفواً أعلم إني سوف أعكنن علي الكثيرين و لكن خير لي أن أفقد كل معارفي من أن أموت كاتم شهادة .... تساؤلي لإدارة موقع سودانيات أو من ينوب عنها, و أعلم تمام العلم أن الإدارة الموقرة لا تحتمل مناصحتها في العام و لكن بما أن إفرازات قراراتها تزكمني في العام فسوف لن أناقشها في أي خاص أو عبر رسائل.... ممكن الإدارة كجهة في يدها السلاح و القلم تحذف البوست دا, لكن بطمنكم حأنزله تاني و ثالث, حتى يجاب علي تساؤلي أو أفصل من هنا؟
لماذا دوت مجاك يا إدارة؟!!!!!!! |
منذ مدة و أنا في حيرة من أمر توقيف العضو دوت مجاك, و لكن دوماً العجلة من الندامة و لهذا قررت في هذه الجمعة أن أنقب عن هذا الأمر .....
هنا سوف أورد تفاصيل ما حدث و ما بنت عليه أدارتنا الرشيدة حكمها, حسب خطاب السيد مدير عام سودانيات. و أحب أن أنوه لست هنا بصدد محاسبة أو نقد كلام العضو زول الله أو الوقوف مع دوت مجاك, كل ما قصدته إضاءة علي أحكام لا تستند علي أي قاعدة قانونية أو أخلاقية.... كل ما حدث أن العضو ناصر يوسف فتح بوست يشدو طرباً لتحرير هجليج بواسطة الجيش السوداني, و في إطار تفاعلية المنبر بالأخذ و الرد, كتب العضو دوت مجاك مغلطاً خبر ناصر و الذي بموجبه أتي ناصر مصححاً ذاته و معتذراً علي الخبر الخاطئ التي أورده, رد العضو دوت مجاك كان في بوست ناصر ما يلي: اقتباس:
اقتباس:
اقتباس:
اقتباس:
يلا خليكم معانا |
و الذي يهمني هنا رد الإدارة التي إنتخبناها و في تقديري يحق لنا أن نحاسبها أو نستوضحها و علي الجميع قراءة خطاب السيد أمين عام سودانيات الوارد في المقتبس أدناه:
اقتباس:
1. إدانة العضو زول الله لشهر و بعدها رجع يكتب كأن شئ لم يكن... في تقديري الشخصي جداً زول الله لم يفعل ما يستوجب العقوبة لأن ما فعله لحد متراضياً عليه من معظم الشعب السوداني الذي في يده السلطة... و لكن المحير أكثر إدانة العضو دوت مجاك و علي فكرة زول الله تم إدانته لمدة شهر فقط و دوت مجاك لمدة ثلاثة أشهر و لك أن تتأمل عزيزي القارئي ذو الفطرة المعقولة. 2. لدوت مجاك مداخلتان كردود علي زول الله الذي إنتهي بقصة العبد و العصا, في مداخلة دوت مجاك الأولي كان رده علي ناصر فيما يختص بعدم صحة خبره فيما يتعلق بهجليج و كل ما فعله دوت أن صحح الخبر لان تصحيح الخبر فعلاً بعكنن كل الأمزجة و هذه حقيقة فالكل يتمني هجليلج سودانية و كان فرحاً بخبر ناصر الفالسو ... فمنذ متي أصبح تعكنين المزاج الإيقاف؟, و إذا كان الأمر كذلك فما أكثر معكنني الأمزجة في هذا المكان و يحمدون الرب مداخلاتهم تتطاقش و معجبينهم في إزدياد 3. الإدارة بهتافية و تجييش تحسد عليهما بعد أن فرغت في خطابها من إدانة زول الله بدأت ببيت الشعر المجيش للمشاعر (و للأوطان و الخ ...............), بدأت تخلق في مرقات لإدانة دوت مجاك, المهم ببيت الشعر المجيش للعواطف بدأت تكيل الإتهامات لدوت مجاك .... و خلصت بحكم قرقوش بتوقيف دوت مجاك ثلاثة أشهر. 4. و في تطفف ذو غرض تحسد عليه الإدارة حين تقطتف بعض من كلام دوت مجوك بغرض محاكمته فتورد مقتبس (معليش يا شباب النعكنن ليكم مزاجكم) و ترد علي هذا المقتبس المبتور بان هذه ليس طريقة للحوار, لم تورد كامل المداخلة و إنما إكتفت بالمقتطف كي تصفه بمجافة طريقة الحوار, و فلنفرض جدلاً أن هذه ليست طريقة للحوار هل عقوبتها التوقيف؟ و من منا يحدد أن هذه طريقة للحوار و تلكم لا؟ وحد زعم الإدارة أن هذه ليست طريقة للحوار من جانبي سوف أورد عدد لا متناهي من الكلام علي شاكلة هذه ليست طريقة للحوار و كتابه أحياء يرزقون اسفيرياً... و يتواصل العبث و عدم الأمانة في أبشع صوره و بتر الحديث علي شاكلة لا تقربوا الصلاة ... الكلام المبتور من بوست (و نحن و الاخرون لدوت مجوك) و ذلك بايراد كلام مبتور و هو (الاخرون هم المؤتمر الوطني ومليشياته بكافة مسمياته) و لكن قليل من الأمانة لا يضر يا إدارة فدوت مجوك كتب الاتي : (الاخرون هم المؤتمر الوطني ومليشياته بكافة مسمياته الجنوبيون حكومة وشعبا ليسوا فى عدا مع الشعب السوداني ولن يكونوا يوماً ما ) و لماذا دوت مجاك؟ تساؤلي قائم و حاجي أكتر افند خطاب الإدارة البتكيل بخمسية مكيال |
اين دوت مجاك؟
و لماذا دوت مجاك يا إدراتنا؟ |
اقتباس:
لأنو دوت زول أجنبي استغل منبر سوداني عشان (يبشّرنا) فيهو بالغزو. وجا يتباهى إنو هسّه قاعد في هجليج خالِف رِجل علي رِجل. وحكاية إنو (الآخرون) دي، ما بقصد بيها الشعب السوداني، دا حنك بيش والله. من حق دوت، يا حافظ ، يمارس الإعلان والدعاية لجيش دولته، لكن صعب نقبل تهليلو - في منبر سوداني - باحتلال مدينة سودانية. |
اقتباس:
أصلاً ما تقبله و لا تصحابه .... لكن هل عدم قبولك دا بعني الغاء دوت مجوك؟ دوت مجوك أتكلم في قضايا سياسية و مستهلكة بشكل يومي ... و بعدين الزول دا إتكلم في قضايا عامة جداً.... يعني ما أتعرض لإنسان في نفسه أو دينه أو أسرته.... تيف نلقاه أتفصل تلاتة شهور و بجريرة انه كلامه ما عجب الناس إسرائيل يا قيس جات ضربت السودان و إتخارجت سودانيين شمتوا شماتة ما عادية ما في زول سألهم و في المنبر دا ما في حتة تانية؟ هل لأنهم من الشمال دا بشفع ليهم؟ و بعدين حد علمي سودانيات ما أظن مفصلة الناس يا قيس دا سوداني و دا أجنبي ... يعني ما في لائحة للسوادانيين و في واحدة تانية للأجانب مفروض تحكم كل الخلق الحايمة لايحة واحدة حد علمي طبعاً هل ممكن يفصل إنسان لأنه خرب أمزجة الناس؟!!!! أها نجي لأخرين و الحنك البيش زي ما إنت قلته, ما ملاحظ أن الزول دا وضح و لا بقت سودانيات تحاكم بالنوايا كمان؟!!!!! |
اقتباس:
و بعيد شوية من موضوع البوست، الوطن يحتاج لتعريف دقيق، فالحدود السياسية قديمها و جديدها رُسمت بمكر و بفعل بشري لا يرتقي لمستوى أنه الحد الفاصل للإنفعال بمعنى الوطن و لا أظنه يفوت على فطنتك....هل يتحرك الوجدان تبعاً لأقدار السياسة؟ فالسياسة في صراعاتها الأزلية ربما تقود لتقزيم الجغرافيا أكتر من الذي ماثل الآن، فهل يتحرك وجدانك أينما رست مركب السياسة؟ و هل أي حدود إستقرت عندها الصراعات و مصالح الجماعات السياسية كفيلة بإستقطاب مشاعرك و تعبئتها؟ خود معاك أنا ضد الحرب من حيث المبدأ و لا أؤمن بها كخيار مطلقاً مهما بلغت الإختلافات أشدها يبقى الحوار هو الوسيلة الوحيدة المناسبة.... |
اقتباس:
غايتو الظاهر الوطنية ذاتها بقت قِسَم! إنت يا حافظ يا كنت بتدك حصة التربية الوطنية أو الطابور المدرسي الصباحي ما كان ليك منو نصيب!! مع إني من المعجبين جداً بكتاباتك وتعليقاتك لكن تلميحك بتمجيد المحتل الغاصب الغادر دوت جعلني بالجد أنظر بحيرة وشاعر بدمي بيغلي وخاصة بمقارنتك إحتلال لهجليج بضربات بورتسودان.. فحقو نساعدها ببر الوطن دا شوية ولّ شنو؟؟ |
خطاب العضو دوت مجاك يا حافظ لا يمكن إستحسانه بأي حال كما الحرب ذات نفسها، و هو بهذا لم يمثل الشخصية الجنوبية الجديرة بالإحتفاء بها....هذا الرأي بالطبع لا علاقة له بأن يكون له الحق في عضوية المنبر |
اقتباس:
وطالما المفهوم وصل هنا .. شوية الغرابة والفور الهنا زى حافظ البتفاصح ده .. موش نسور الدين الحرروا هجليج ديل ياهم الأغتصبو الفوراويات وكما قيل هن لاقيات ودعرب .. ياخ والله مافى أمل مرة واحدة .. ويا ود الخير الوطنية خليناها ليكم وماتنسوا توماس وصاحبو العميل اللسة فى أويل .. وفتحى حنفى أمو هندية وأبوه مصرى .. نضفوا ياخ وأبقوا على الجنس الآرى بتاعكم ده .. |
هناك في الجنوب شخصيات أكثر جدارة بالاحتفاء بها، هم دعاة سلم، و كانوا سابقاً دعاة وحدة مزقهم الانفصال و أصابهم في مقتل كما فعل بالوحدويون في الشمال...
الحركة الشعبية و التي تتحكم في مفاصل الفعل في الجنوب خاضت الحرب منذ الخمسينيات و ضد مختلف القوى السياسية، و لم تعلن سابقاً أن حربها ضد المؤتمر الوطني، كانت حرب تتعلق بالتهميش و المطالب، أحترم المطالب و لكن لا أحترم الحرب.... ما كنت سأعاتب دوت مجاك لمجرد أن الحركة الشعبية إحتلت هجليج..فهذا الفعل تعاتب عليه حكومة الجنوب.... على دوت مجاك أن يثبت بالفعل أنه جدير بالاحتفاء به، و أنه يمثل إمتداداً لحسرتنا على الوحدة، و انه يمثل نقاط التلاقي التي تشكل عمق الوطن في الوجدان... أما عن العضو زوول الله فكان نصيبه من العتاب كثير حينئذٍ و لا داعي أن نكرر |
اقتباس:
|
اقتباس:
غايتو أنا ما أستحسنت بوست ماجوك .. لكن لا يعرضو ليوم عقوبة توقيف .. أما قاله زول الله يحتاج شطب من السستم |
اقتباس:
ودعتك لي الله غايتو كلامك الفي بطنك قاعد تمرقو كلو!! أنا غايتو بموت بكلامي الفي بطني دا.. |
اقتباس:
هنا دي وين؟ أنا ما بقصد أي جغرافيا و لا إسفير كمكان للإحتفاء...الإحتفاء الأنا قاصدو هو تقدير معنوي للشخص بإعتباره يمثل إمتداداً للخير و الصواب حسب رؤيتي... بعدين (حكاية دايرين كلام علي مزاجكم) دي، نحن منو؟ أنا ما قاعد أمثل تيار و لا مجموعة معينة، و لو قريت المداخلة بدقة بتلقى فيها خيط حقي براي... بعدين مداخلاتي دي ما ليها علاقة مطلقاً بتقييم موقف الإدارة، ولا مستحسنو، أنا ما داير كلام على مزاجي/نا ، أي زول يتكلم علي مزاجو، و الحق دا برضو مكفول لينا في تحليل و تقييم المزاج دا....و لو إتبعنا منطقك ممكن أقول ليك حكاية (كلام يا عوض دكام ) دايرني أقول كلام علي مزاجك مثلاً؟ عليك الله يا رأفت أقرأ كلامي دا بعيد من حكاية الإدارة و توقيف دوت مجاك.. أنا ضد الحرب جملة، و من البشر المتحسرة على الوحدة، و عندي صداقات كتيرة مع شباب في الجنوب شايفهم أكتر جدارة لأن أحتفي بهم... و دوت مجاك ليهو كل الإحترام، و لي أن لا أحتفي بخطابو...و لي أن أحلل خطابه... لو قريت القصة دي بعيد من حكاية الإدارة و مواقفها ما أظن نكون مختلفين كتير... بعدين الأخ زول الله أنا من أوائل الناس العاتبوه في البوست وقتها...يعني أنا في البوست دا ما قاعد أكتب في موقفي من المشكلة مجملاً... هذا مع خالص الود و الإعتذار لو غلظ القول |
| الساعة الآن 09:21 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.