وانا زي ورق الخريف
وانا زي ورق الخريف
تتخطفني زخات المطر كل مااقول غرست عروق من زكرتك في سكتي... تمرق تفز جواي ملايين الصور.. القاك واقف في الدرب لا راضي تمشي تزح لي لا راضي تفتح لي درب كيفن معاك ضاعت ملامح فرحتي وبتهجدك رغم الوجع في هجعتي بتنفسك امل غريق فاتت نسائم رجعته يازول عنيد ابعد من الليل العلي وخليني افتح باب صباح يستر علي من حرقتك |
سلام مها ٠٠
رغم الحُزن المغلف فى كلماتك الأ انها رمانسية اتمنى من يقراها ، يكون فى ممر فى حديقة دخمة مفتوحة شبيهة بالغابة ، ومفروشة باوراق وصفق الشدر المٌتساقط فى فصل الخريف ٠٠٠ مع غروب الشمس ٠ ولكن تذكرى يا مها الشمس دائما تُشرق ، وهى املنا فى حياة جديدة كلماتك مثل مشروب الكاكاو الساخن فى يوم ممطر بارد ٠ لكى زخات مطر خفيف فى يوم مشمس ، لكى ترى قوزقزح ، ذو الالوان المُتعددة ٠٠ لكى التحايا٠:) |
اقتباس:
شكرا لمرورك الدافي .. وليك فرح ممتد.. |
اقتباس:
كلمات بسيطه ,,, عميقه ,,, معبرة مغروسة فى سكة مطر تحياتى اخت مها |
اقتباس:
مها عبد المنعم صباح الخير مرحب بيك في سودانيات الذي بدأ لي من نهاية القصيدة شئ من التعارض في الفكرة اذ من لوازم التهجد بذكرى الحبيب ابانة الاستمرارية رغم الوجع وعدم الرغبة في انتظار ( صباح) جديد ، أو هكذا يخيل لي. لك تحياتي |
اقتباس:
شكرا كتير |
اقتباس:
اولا شكرا للترحيب ثانيا نقلت النص من بوح لتسميه قصيده ولي حق الاعتراض هنا فما هي الا بعض البوح... مافهمت شديد التعارض لو ابنت اكثر للفائده.. داك الكلام الفوق كان قبييييييييييل..لكن هسه فهمت فكرتك القصدتها وقد يكون ماقلت صوابا الاان مثلي ممن يدونون خواطرهم عادة لايقصدون بطبيعة الحال قول الشعر وان قاربت اللغه لغة الشعراء شكرا تاني. |
كلام حلو
الاخت مهوية
مرحبا بك في بيت الكل سودانيات يا سلام انا بعشق الكلام الحنين الرومانسي حتى الحزن الجو الكلام جميل تسلمي علي الكلمات الحلوة دي وكتيرى منها غيرى لينا جو ولو ممكن كلام عاطفي كمان |
اقتباس:
وتسلم انت علي كلامك الحلو انت قايلني عبدالله وداعه والاشنو:D:D دي خويطرات (ماعارفه الكلمه صح والالا) تامر ياعزو كل ماتطرق خاطره بابنا نجيبه ليك |
اقتباس:
ما عارفه أعبر :cool::cool::cool: |
اقتباس:
وصل وصل احساسك:D |
| الساعة الآن 10:06 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.