باني ليك في البال منارة.
باني ليك في البال منارة
والمريكب كان حنين مجداف هواي ماطالو شك شقاق ظروفك كل حين ودرب لقاك مهما يطول مابسألك عن آخرو وين وماطالما النبضات توالي بيني بينك مافي بين واسمح معانيك الشواطئ وعدمانة مرساك البشين وأهي البلد مافاتا خيرا دام عامرة بالواعي ورزين والمحنة الفي دروبنا بالعديل حيسوقا زين ومهما ضاقت لينا فكرة ربّك العطّاي بيعين ماطالما الايدين تسالم والالفة مالية وعابّة عين بس كيف نسوق احنا اختلافنا لي فكرة مافيها البهين وشان أيّ زول في بحرو صيد لا تبقى نصّاب للكمين وشان أيّ زول ليو راي براو فِكرك محال يبقالي دين عارف مساحات اختياري وعارف مساحات غيري وين. وأنا بلتقيك في كل حتة فيها لمحات السماح بلتقيك في الشمسة ضاحكة وقرقراب شاي الصباح بلتقيك في الكلمة مارقة تشفي بالطيبة الجراح انت موسوم فينا ريد انت عنوان للمحبة وللعصيفير الجناح يلفا جسمي معاك روحي ويلتحم ريدنا المباح انت سكّات للهموم لولاي جرح غلبو الصياح بهواك عدد هذي النجوم ماطلَّ نورا ضحاي وكت ألقاك ماف بهواك عدد أحرف غناي ماابحرت من دون عينيك لابتلقى من غيرن ضفاف بهواك قدر ماغطت السترة الكفاف بهواك عدد مااروت المطرة الجفاف بهواك عدد ماخطّ حرفك في احساسينا الرهاف أيا يوسف هواي بهواك عدد ليلات هواي ماشالتن جوعة هواك صبحن عجاف بهواك عدد مياه الابحر الهبشن شغاف قلبك ملن أيامي بالناس النضاف في السيرة واللونهم عفاف بهواك قدر ماطلّ نورك في سماي وشال غناك طرحة زفاف انت ذيّك فيني ماف اتفرعنن فوقي الهموم أياموساي عصاك فجّت بحور الغمة والهم النساك عدّن علي ريدك كتار واخترت انت هواي براي. |
سلام يا تماضر،
متل الكلام ده يتقري مع الصباح عشان يعدل اليوم والمزاج! قريتها واستمتعت، والحتّة دي: اقتباس:
وشان أيّ زول ليو رايو وإنتي مخيّرة عاد. :D تسلمي. |
اقتباس:
|
نضم والله ..
محتاجين ( نقصعا) كم جره .. مش شان نكتب فيها رأى .. تداخل مذاقات ولا أروع ... |
عكود والنور،
يسعد مساكم عناوين محبة سودانيات وتواصلها الودّي. النور ياخ رايك مرحبتين حبابو والله:) |
باني ليك في البال وطن:
جفلن خيول الرهبة ساقن للكلام ساعة بجر دوبيتي ليك والزول موهّط في دماي ووطني لو جواهو فيك بحتريك في كل خطوة تفوت مداها بلا رجوع وفي كل غايب عن بلادو والربوع وفي كل حزن مستني توقيع الدموع الواطة نامت والرملة راقدة على الشخير جرّت هموم اليوم عليها وغتاها بيشيلك غناوي وترنيمة لللحن الأخير فاتن هناك بالله مافترن مسير صحّت خيول الشوق ترابك في لحظة بيسابقن رمالك.. حليل جريهن في غيابك لو كان برجعن...الوجود أو مرّة يوفن للوعود أنا وعذابي عليك شهود دي الخيل عشيقات الصمود والصحوة من تاني بتعود.. نَمَّ ماخلالو حتّة إلا جرَّ عليها ريد في الصحاري العاش براهو وفي خيالو وطن بعيد وفي بواديهو الحنان المطرة بنوتة غمام ساقت بنياتا السغار هطلن عليك هوى وغرام ويوماتي كم صبّن عليك رديت سلامن اخضرار وزعتو في كل اتجاه وضمّت فروعن جانبيك عرفت ليه بهواك وطن جوّاك..ودايماً..مشتهيك. الفكرة مافكرة جداول لمّا ترتاح في جريها برانا نعرف من حنينها انو نيلنا كان بيديها الأمان... الفكرة انو تعيش مشيها في شواطيها القريبة وبين مساحاتا البعيدة في تقبّل وبي حنانهم يغمر الأرواح سلام وبالله ماتنسالي شئ وكتين هطولن كان عليك أحكيلي من ساعة السحاب كان بحنّس في مشيك وحمّلتو انت الريد براك للغرامن محتويك بالله ما طاف البلاد؟ شوقنا دايماً في ازدياد حام علي كل البيوت الكان بيغشاها ويفوت قالن كلامك مرّة واحدي وردّن سلامك..مرتين يالله ياخالق الوجود خلّن وجودو عليّ يبين لسّه مفضوحة المقاطع بي ملمح الزول الرزين ولسه ماقادرة الغناوي تحفظ أسرار الحنين. |
اقتباس:
يا خنساء عنوان ( يبغّر):). ليس هناك ما يقال كثافة جمال النص، ورقة الإلقاء تسلبك كل شئ.! يا له من بنيان. لك محبتي وتقديري |
اقتباس:
والبعجبني فيك إنك بتكتبي بكم طريقة وعندك لونيات مختلفة من القصائد .. وبتجيدها كلها سبحان الله . واسه كمان لمن سمعت صوتك وإلقاءك تمت الناقصة ,صوتك يقطر دفء وعذوبة .. |
اقتباس:
|
اقتباس:
تماضر حمزة.. سلام مأخوذ بإيقاع القصيدة ومعانيها.. ومن الصباح اتاوق وارجع تاني اتاوق ما عارف عبارة (هواي براي) محسكنة لي كيف وليه ما عارف!! |
اقتباس:
مرّات الزول بكون دليلو لقراية نص محدّد، نص تاني، ولا لحن معيّن. العنوان، قريب لأغنية الطيّب عبدالله "إنت يا الابيض ضميرك" المقطع البقول "باني ليك أرفع مكانة" هسع انا بقرا في النص دة وسايقني لحن الأغنية ديك، تصدّقي قريتو ملحّن!! :D شاكرين ليك النص، وعفواً "مقدّماً" علي اللحن الرميتو فوقو. |
سلامات ويسعد صباحكم،
طارق، شهرزاد، آمال وأشرف تشكرات على القراية ومداخلاتكم محل تقدير كبير: ) رشيدنا، ياخ حمدلله على السلامة وطلب العفو يلزمني انا لأنّو مقارنتك أدّتني بونتات زيادة. محبتي للجميع. |
تحياتي بعد جمال ابداعك يا رائعة
ما أنت ترياق القوافي والند المعطر للخواطر كافي أيوب للجروح وللعواطف شافي عناب الفهم وللبنتر صافي قيثارة الزمن للاصيل والجافي أستاذة علم للحافي والمتعافي لك تحياتي ولا تنسي رد الزياره |
اقتباس:
:D |
اقتباس:
تحياتي يا رائعة لن اضع لنك أدخلي علي أسمي وتصفحي فأطلاعك علي اعمالي يهمني |
| الساعة الآن 12:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.