ســـودانيات عالم من التواصل ...والتنويرات !!
 

والله المنتدى منور جنس نووور
مع انو النور يوسف مافى !:D

___

قف / كملتو الكهرباء

نيبو تعالى نزلى تنويرك بجاى ياحبيبة :D
خلاص الكهرباء فضل فيها كم خط
والحمولة عالية



اى زول بالاى لو سمحتو عندو تنوير يجى يكبو لينا هنا

نحنا بعون الله نرعى تنويراتكم ^_^
ضد السرقة ..والنقنقة ..وشيل الحال

سلام يا رويعية البوست..

ممكن أنوّر ؟

أو بالعدم أضيء....

تنويري كالتالي:

نسبة لسحابات العجاج والكتاحة واختناقي بهكذا أمور..
والدكتور زاتو مانعني من التعرض لهكذا أجواء غير صحية

فإني أنوّر لكم بالتالي:
و شفتوا دا تنويري الجد جد
يعني ما مضاري وراء اللغة و لا الكلمات المنمغة
اسم الحساب: اشرف السر
كلمة السر: *******
و من اللحظة دي انا بكتفي بإدارة الصفحة الرئيسية والمكتبة فقطن.. فقيطن

يلا فتكم بعافية
أوعكم تحذفوا الكلام دا
و لو فقدتكم بقوقلكم
__________

تقوقلك السعادة والليام الطيبة ياود حاجة فاطنة
قولت لى فقدوك سوائل وجاتك خمة مفاصل ؟
بركة يايمة
اها سيرسير
وبنتلاقى فى خشم الباب عشان تدينى مفتاحك
مغرودددة فيهو
:D

والله يا سمراء، ما قلتِ إلا الحق،
سودانيات نورت وجهرتنا عديل! بقينا ما مركزين وشوفنا طشاش طشاش!
أضحت- في نظري البسيط على الأقل- عبارة عن مماحكات تتبعها ممحاكات وتربص يتبعه تربص.

يا أخوانا، روقوا المنقة، ما ضروري الزول يكتب كل يوم وكل ساعة وكل دقيقة!
صاحبنا محمّد حسبو نصحنا قبل أيام في منتدى مجاور بأدب الإمساك، وأدب الإمساك هو معنى من معاني عدم الإسراف في المساهمات البتجهر أياها!

تنويري الما جد ولا حبوبة:D
احتفظ بحق الرد كاملا
هي الحكومة دي احسن مني في شنو
ويالصوارمي جاتك اخت
واتاري حق الرد دا حلو حلاة
لاكن ماذي راجل المرة:o وراجلي تحديدا
مش راجل مرة برضو
قالو زمان الناس بتسأل من العريس
اهلو منو
هسي بقي السؤال
مرتو منو :D
ونورك جهرنا ياسمور

سلامات
يا سمراء من بلادي
لعلك بخير فهمي كمل وغلبني اجر حتة سطر
في بوستك دة اصبنا بهاء السكت
واوهو بنمط في اهاات كتيرة ونحلم
بشخبطة في ظلال خواطر الرائعين ودوم
التواصل والمحبة بين كل الناس
كل سنة وانت طيبة

الصديقة سمراء

كونى بخير

وامسكى فى التنويرات دى قوى شديد

وسيبك من الاول

تحياتى