ملاحظات حول مقترح تعديل اللائحة ...
ـ
مجمعين كلكم على أن ثمة ضررة ملحة لتعديل اللائحة ع الاقل فيما يتعلق بمعالجة سلبيات العملية الانتخابية أسمحوا لي أقدم نقاط ـ على تواضعها ـ أرى أن تؤخذ بعين الاعتبار ـ |
ـ
حول من يحق له المشاركة في عملية التصويت والترشيح والتثنية : إن مسكنا في الفاصل الزمني بين مشاركات العضو ممكن نهدر حق ناس أصيلة في المنتدى .. واهتمامهم بيه وبقضاياه ما محل خلاف وإن طلقنا القيد ساااي كما هو مطلوق نوعاً ما الان قد يفتح ذلك الباب للشبهات ـ كما فُتح الان وإن مسكنا في أقدمية التسجيل كذلك قد تُغمط أراء أو حقوق مهمة ، وقد تُفرض وصايا على المنبر ، وقد تولد فكرة حرس قديم .. ـ |
ـ
أقترح : ( 1 ) أن يتم تصنيف العضوية ـ كما هو الحال في منتديات أخرى ـ الى درجات استناداً على تاريخ التسجيل مرتبطاً بعدد المشاركات كمثال ( عضو ماسي .. عضو ذهبي .. عضو فضي .. جديد .. مشارك .. الخ ) وأن يُحصر حق الترشيح والتصويت على درجة ـ درجات ـ بعينها لضمان أن يسهم العضو الفاعل ـ فعلاً ـ في تحديد من يتولى مهام الامانة العامة ومجلس الادارة ، على أن يربط بقاء العضو في الدرجة التي تتيح له المشاركة في التصويت بدوام مشاركته ـ لوضع الفاصل الزمني في الاعتبار . كمثال يستحق العضو الانتقال من درجة عضو فضي الى عضو ذهبي متى بلغت مشاركاته خمسمائة مشاركة .. ويظل فيها ما لم ينقطع عن المشاركة لمدة تجاوز الستة أشهر ، ويعود تلقائياً الى العضوية الفضية في حال الانقطاع عن المشاركة لمدة تجاوز الستة أشهر ـ ويستعيد العضوية الذهبية في هذه الحالة إذا تجاوز عدد مشاركاته بعد عودته المائة مشاركة ... ـ |
ـ
( 2 ) تصنيف العضوية : عضو مثالي ( كل الذين سبق لهم أن شغلوا مقاعد في الادارة أو الامانة العامة أو الاشراف ويكون لهم ميزة في التصويت وفقاً لما يتوافق عليه الاعضاء . كمثال الصوت بصوتين ) ويصنف بقية الاعضاء وفقاً لتاريخ التسجيل مربوطاً مع عدد المشاركات عضو ماسي عضو ذهبي عضو فضي مشارك مبتدئ ـ |
ـ
( 3 ) العضوية المثالية ـ مجلس حكماء : يكون له حق المشاركة مع ممثل المالك في تحديد أسماء المرشحين لشغل منصب الامين العام ، ونائبه .. حتى لا يكون الامر ملكياً وفق ما هو الان ـ |
ـ
( 4 ) اختيار أسماء المرشحين لشغل مقعد الامين العام ونائبه : مع الابقاء على حق ممثل المالك في تحديد اسماء المرشحين لكن يشترك معه في هذا الحق مجلس الحكماء ( الاعضاء المثاليين ) . كما أنه وبعد تحديد الاسماء يتاح لبقية الاعضاء الذين يحق لهم المشاركة في التصويت أن يقدموا طعونهم ـ قبل فتح باب التصويت ـ وفق الالية التي يتوافق عليها الاعضاء وعلى ضوءها يتم التعديل في القائمة حسب مقتضى الحال ... ـ |
ـ
يتبع ـ |
عذرا لسحبي المداخلة
|
اقتباس:
ماجد تاج ،،، كيفنك أخوي ،، يا الحبيب بي كدي دحين ما عصرت علي سودانيات دي ياخ ؟؟؟ ;) ثُم إنو هل كثرة المشاركات بتعني أجودها يعني ولا مجرد طقة كي بورد ؟؟؟ أنا غايتو ما بوافقك علي النقطة دي بتاعة أكثر المشاركين دي لأنها ببساطة ممكن تقودنا للكمية دون النوعية ،، ( أعني المنثور من حروف عبر البيت الوهيط سودانيات ده ياخ ) ثُمَ أنا شخصيييييييياً كدي ،،، كُجنتي في الدنيا دي حكاية تأطير المسميات الأنا شايفها باااااااايخه شديد والله ،،، حكاية ده ماسي وده ذهبي وده فضي دي ياخ ،،، اقتباس:
هنا شايف المسألة زي الفيها تمليك من لا يملك ياخ ،،، وكأنك بتقول للمالك ده ،،، كدي زِح لينا من بيتنا ده ياخ وياهو بقينا نحن أسياده وخلينا نديه لون قمحي ولا لون زينب بدل اللون البمبي المديه إنت لحيطانه وكده ،،، آي نعم يا ماجد ،،، الكل هنا مشارك بقلمو ،،، لكن ده ما بيعني إمتلاكو للموقع ،،، والنقطة دي مهمة للغاية ياخ ،،، مسألة أمين عااااااااام دي مهمة بالغة الحساسية وهي من صميم حق مكفول لمالك الموقع وبس ،،، ولا أعتقد بإنو أي فرد من حقو إنو يرفض أو يعترض علي ترشيح مالك الموقع لمن يري إنه المناسب لتولي أمانة الأمانة العامة في رقبتو دي ياخ ،،، لأنو مهما حرصت أنا ولا إنتَ يا ماجد ولا أي عضو فينا علي مصلحة الموقع ( سودانيات) ما حنصل لحدب صاحب الموقع عليه ،،، معاك ممكن يكون في مجلس حكماء لأمور أخري ،،، بس ما لأي زول حق في فرض أو الإعتراض لترشيحات المالك لمن يتولي أمر الأمانة العامه ،،، دي زي لما تشتري ليك بيت ياماجد في السودان وإنت في الرياض وتجي تديني مفاتيحو عشان أديرو ليك ،،، وتديني معاه كل أوراقو ،،، شهادة البحث وصورة من بطاقتك الشخصية ولا الوطنية وصورة من توقيعك ومعاهم برضو دفتر شيكاتك بتاع البنك وكل الشيكات موقعه بتوقيعك وتقول لي يلا ،،، أمشي دير لي بيتي ده ياخ ،، شفت كيفن المسألة هي مسألة ثقة في المقام الأول وإطمئنان ؟؟؟ ويلا لا قدام يا الحبيب |
اقتباس:
في الحقيقة انت جبت المهم يا ناصر ـ أول حاجة كيف احوالك ياخ ـ المهم هنا موضوع رهن الترشيح بمسألة الثقة لارتباط المهمة بمفاتيح التحكم كلها ، ما عارف لكن بالرغم من نقاش سابق مع الاخ النور يوسف وآخرين حول المبرر دا .. أنا شايف أنه ما منطقي .. المسألة دي ـ والناس التقنيين ممكن يفتوا فيها ـ يمكن معالجتها ببساطة .. مش كله سوفت وير واللا شي تاني ؟ عن مفهوم البيت والملكية يا ناصر .. اتفق معاك في نقطة واحدة .. حق المالك في الملكية ، لكن ما تنسى أنو دا منتدى ـ وأهو شفت الاعتراضات على الترشيحات من بعض الاخوة ـ ممكن ببساطة نفتح باب الطعن فيها ، ولممثل المالك ومجلس الحكماء التقرير بشأن الطعون وما تحمله ، والتقرير بشأن استمرار طرح الاسم من عدمه محور الاقتراح يا ناصر حول استمرار اسم المرشح لا تحديده ـ |
اقتباس:
دا كله جايباه الممارسة الغير سوية في واقع السياسة في السودان يا أخ عادل لو كان الكيزان ديل اتعاملوا مع بقية الاطراف بنزاهة ، وارتضوا أن تتم ممارسة الديموقراطية بشفافية ما كان توقفنا هنا بعد كل الزمن المنصرم دا للتباحث حول كيفية ضمان تحقيق أقصى قدر من النزاهة والشفافية في التطبيق ، مهم جداً أن تتم كل الممارسات المتعلقة بينا كبشر على أسس أخلاقية متعارف عليها ومتفق عليها ، لكن المؤسف أن نظام الحكم المسيطر على الامور في السودان خلال التلاتة وعشرين سنة الماضية ، وقبله الممارسات غير النزيهة للجبهة الاسلامية هي التي أوصلتنا الى ما نحن فيه من قلق على كل مسلك نسلكه ، وإلى تخوفنا الكبير من تسلل الجبهة حتى لأماكن تحاورنا حول امورنا العادية . وفي الحقيقة بما أنك دخلت البوست ، خليني أؤكد على كلام مسبق وأنا غير مطلع على كتاباتك السابقة يا أخ عادل ، قليلاً من الشفافية والوضوح لا يضر ، وطرح ما تريد بلغة واضحة اجمل من تغليف الكلام والاهداف ، ما أنا بصدده أرجو منه فقط إغلاق أبواب للنقاش فتحت من قبلك نوعاً ما بسبب ملاحظاتك السابقة ، وحتى لو أدى ذلك الى تضييق مساحة الحرية ، لكن طالما سيلقي بالمزيد من الاضاءة على ممارساتنا فلا ضير . تحياتي .. وشكري على مدحك الغير مستحق لشخصي الضعيف ـ |
اقتباس:
ما قادر أفهم مسألة حق المالك في الملكية فقط دي يعني شنو ؟؟؟ لأنو ملكيتي لشئ حتي (لو إنو مجرد منتدي) دي ما بتقود لإبعادي من حقي الأصيل جداً في تعيييييييييين وليس مجرد ترشيح من أراه أنا مناسباً بإنو يكون أمين عام علي ملكيتي دي ،،، ولا شنو ؟؟؟ وإتخيل لي النقطة دي ما بتحاتاج لسجال كتير حولها مع فائق إحترامي لوجهة نظرك بالطبع ،،، بس ما متفق معاك فيها |
دحين كدا يا ماجد ما بتكون ظلمت مغتربي سودانيات خارج حدود المنتدى
ياخ في ناس مغتربين في سودانيزاونلاين وناس في الراكوبة وناس في منتديات الفضاء الواسع دا وناس اربعة سنين ما بقدروا يجوا عشان كدا انا بقترح تتعمل ليهم مكاتب للانتخاب بهناك بدل نتعبهم وكدا |
اقتباس:
يا أستاذ عادل أن للأسف ما ح أقدر أسحب مداخلتي ولا اقتباسي لمداخلتك المسحوبة ، لأنها بتصب في صلب موضوع البوست وإن ضايقتك احرفي فرُد ذلك لتبعات ثلاثة وعشرين سنة من الظلم عشناها ، وما زلنا ، جعلتنا نخاف بالفعل من جر الحبل على كل ، وحتى تستقيم الرؤى تجدنا مضطرين الى البقاء في ضوء الشمس وإن احرق .. ـ |
اقتباس:
ما ح أقدر استرسل معاك في النقطة دي اكتر من كدا يا ناصر يا اخوي لأنو فيما يبدو أن الناس هنا متوافقين معاها كل ما قصدته زيادة مساحة المشاركة المتاحة للاخرين في الحتة دي من غير ما نقدح في حق المالك أو ممثله ، أو ننقصه ممكن نلقى صيغة وسط إن لاقت الفكرة في عضمها القبول ممكن ـ |
| الساعة الآن 09:19 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.