أها ونسة دا كمان بيعلمو كييييف ؟
 

صديقى ..

لا يعرف يتونس لا مع الناس ..

ولا مع الجكس..


الا معاى انا بس ..
لانى بحترم صمتو..


اها امبارح قام جا قال لى علمنى الونسة..



قلت ليهو يا زول بسال ليك الناس ..

الجميلين وانت اقرأ معاى ..


اها النحول ليكم سؤال صاحبى دا ..

لانى احترت..



هى الونسة بيتعلموها ؟

قلت لي فرزت عيشة الجكس ومرقتهم من زمرة الناس زي الترتيب!:D

الأستاذ دخل الفصل وقال الحصّة تسميع، الجماعة ما حافظين، في واحد فيهم حافظ الموضوع لكن ناسي البداية، لمّا الأستاذ حصّلو قام يتكبكب، الأستاذ فال ليهو: مالك؟ ما حافظ صاح؟
التلميذ ردّ: والله حافظ يا استاذ، لكن مسِّكني طرف الخيط
أها:
الونسة في السودان عبارة عن "طرف خيط" والباقي بجي بالنيّة، كلمة واحدة والناس بتندفق والونسة تبقي مارقة وسواقة العجلة بعد داك، ما بتتنسي.
صاحبنا لو داير يدخل شمال في ونسة مع جكسوية، عندو فرمالة واحدة بقول:
إنتي مالك سمحة كدة!!؟

بتخيّل ليّ السودان دة، بلد صالح جدّاً لحاجتين:
عمل الخير "لأنو كل الناس محتاجة صدقة"
الونسة "لأنو مافي موضوع"

تحياتي يا حرسم

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif
قلت لي فرزت عيشة الجكس ومرقتهم من زمرة الناس زي الترتيب!:D

الأستاذ دخل الفصل وقال الحصّة تسميع، الجماعة ما حافظين، في واحد فيهم حافظ الموضوع لكن ناسي البداية، لمّا الأستاذ حصّلو قام يتكبكب، الأستاذ فال ليهو: مالك؟ ما حافظ صاح؟
التلميذ ردّ: والله حافظ يا استاذ، لكن مسِّكني طرف الخيط
أها:
الونسة في السودان عبارة عن "طرف خيط" والباقي بجي بالنيّة، كلمة واحدة والناس بتندفق والونسة تبقي مارقة وسواقة العجلة بعد داك، ما بتتنسي.
صاحبنا لو داير يدخل شمال في ونسة مع جكسوية، عندو فرمالة واحدة بقول:
إنتي مالك سمحة كدة!!؟

بتخيّل ليّ السودان دة، بلد صالح جدّاً لحاجتين:
عمل الخير "لأنو كل الناس محتاجة صدقة"
الونسة "لأنو مافي موضوع"

تحياتي يا حرسم


الرشيد مقالدة ياخ اولا لانو جيت وتانيا لانك عبرتنى وثالثا لانك جبت لى حاجة مفيدة ورابعا لانك لامست فينى حتة سمحة كدا
كتر خيرك ياخ

اها ويلا بالنسبة لفرز الكيمان دى من عندو هو (صاحبى ) قالها كدا ههههه


اها تفتيش البدايات دى هى ذاتا المشكلة الكبيرة

وفى نوع دقسات

بجيك بى رواقة عندى مسلسل محرقنى داير انزلو فى الجور الحاااااااااار دا

سلام محمد
صاحبك لذيذ
هو وكت الله ريحو من الكلام بفتش ليهو مالو

شفت المسلسل دا موضوع ونسه
الجو دا بداية ونسه
والكوره ولا الساعه كم

السلام و التحايا لمحمد عبد الله حرسم
و كل الاحباب هنا .. و يا يحي الرشيد
استاذ وجدي في المأثورة و الختيرة ..
و تلميذه في اللاموضوعي و الخستكات و كدا :D:D

ارقدوا عافية..

تحياتى يا حسين

مشكلة صاحبى انو ذكى جدا لكن ليس فى كل شىء كما يبدو لانو الكلام بيقطع او احيانا ما ببدأ ذاتووووووو خاصة لكا يكون داير يدردق ليهو زول لاتجاه معين

نعم اتفق معاك انو الصدق جزء مهم

ولكن الا تتفق معى بان الكلام والونسة موهبة احيانا وورثة احاينا اخرى وممكن يكون زى تعليم العربية كمان مرات


اقتباس:
المشاركة الأصلية كتبت بواسطة حسين عبدالجليل http://sudanyat.org/vb/images/buttons/viewpost.gif
سلام يامحمد :

صاحبك دا بالأول تطمئنه بأنه الونسة مادايرة اي حرفنة و لا ذكاء - زمان كنت بعلم واحد من أولادي سواقة العربات و عشان يطمئن نفسو قال لي هو بيعرف ناس أغبياء كتيرين بيعرفوا السواقة .

المهم أنصح صاحبك بالايتصنع just be himself .كل الناس بيحبوا الشخص الصادق مع نفسو .

شايفك ياالرشيد بقيت تقول أقوال مأثورة,ختيرة, زي وجدي بالضبط .

هههههههههه نبراس منحكم الله العافية
حاجة عجيبة العندو كلام كتير زهجان منو
والماعندو بفتش ليهو
وال ماب فتش عندو رغبة
وال معندو رغبة بيكون كلامو كتير
والعندو موضوع ما قادر يعبر عنه
والماعندو موضوع برااااااااااى


اقتباس:
المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif
سلام محمد
صاحبك لذيذ
هو وكت الله ريحو من الكلام بفتش ليهو مالو

شفت المسلسل دا موضوع ونسه
الجو دا بداية ونسه
والكوره ولا الساعه كم

:D:D:D

عبرتنى دى لزيزة ياخ .. أنت مستحمل زولك الساكت ده كيف .. أنت زول نقة شديدة

تعرف صاحبك ده جيبو يكتب هنا .. والله لسانو يتفك لامن تطفش منو .. ده بكون مخزن كتير شديد :D:D

مرحب بيك كتير

لو عمل دويتو ساي مع سمراء
تاني بعد ده الله قال بقول الناس + الجكس:D
تحياتي .

تحياتى الفاتح

نكمل السهرة