MTN تجارب
1) الموبايل دا معاه انترنت مجاني ثلاثة شهور ورصيد مجاني ووووو.
* النتيجة: انترنت مجاني يقطع بعد 43 يوم. لأنه حصل "Data Migration" والجماعة ما عرفو ينقلوا حقول الداتا صح من القديم للجديد :) 2) الخط دا احسن كونيكشن انترنت في السوق وPost PAid. * النتيجة: الكونيكشن المذكور يفشل في فتح هوتميل أو رفع ملف صغيرعبر النت. 3) حناخد منك ديبوزت. وفور انو انهاء استخدامك للخط حيرجع ليك مبلغك. * النتيجة: أ) عند كنسلة الخط: تعال بعد 15 يوم شيل الديبوزت حقك. ب) بعد خمستاشر يوم: الموضوع بياخد ماكسمم ثلاثة أسابيع. ج) بعد ثلاثة أسابيع: نحن آسفين أمسحها لينا في وشنا. * ملحوظة: يكرم وشكم. ما عندكم ذنب انتو. مالي ومالكم؟ انا عايز قروشي ما عايز وشكم. :) * ملحوظة: كان المبلغ البسيط دا حيأثر في ميزانية شركتكم العامرة أدوني اشعار بالكلام دا عشان بعد استلمو اتبرع بيه ليكم تاني. مشترك حردان. |
بتخيل كورس تدريب خدمات المشتركين في الشركة العامرة:
* تسأل المشترك ساكن وين؟ بعد يقول ليك ساكن وين قول ليه نحن آسفين في توسعة في الشبكة. |
هههههههههههه
تحياتي ياهاني ماعجبتني ليك الماسوره التوقيع : موظف خدمات مشتركين (سابق بإم تي إن) |
اقتباس:
سلامات عمر عبد الكريم .... لمن كانوا بيدربوكم كانو بقولو ليكم شنو؟ |
النصيحه ياهاني أول ماتتعين بتاخد اسبوعين كاملين في قسم التريننق وأخدنا تدريب ممتاز شديد بعرفوك فيو على كامل خدمات الشركه واقسامها وطبيعة عمل كل اقسام الشركه بعد كده بتتوزع في الحته الحتشتغل فيها وهناك بتاخد تاني تدريب لمدة اسبوعين مع موظف قديم حتين بعد داك بتشتغل لكن النصيحه مكنة (في توسعه في الشبكه) دي كنا بنقولها لأي مشترك بشتكي من مشكله تقنيه تتعلق بجودة الخدمه
|
اقتباس:
هاني ازيك وسعيدة اشوفك هنا ياخ... اسمع انت ماعارف كلام العسكرتاريا؟؟؟ كل ماعرفته هنا أتركه هنا... اها اللصوص الما بشبعو ديل في اصلهم عسكر وقع ليك الرابط العجيب ياهاني ؟؟؟ عمر لمن ساب بيكون ساب بعد وقعوهو على موثق بالدم فما تحلم يفشي ليك أسرار المتبطرين ديل:D تحايا وود ------- |
تحياتي يالنا
مافي عسكرتاريا في الموضوع ووظيفتي لم تكن ترقى لأحوذ على معلومات تستدعي أن أمضى عليها عهداً بالدم بالتأكيد أي موظف في شركة اتصالات بمضى اوراق بعدم إفشاء اسرار العملاء واسرار العمل وده شيء طبيعي في مجال زي ده .. |
اقتباس:
مساك سعيد ياعمر ياسيدي الموضوع فيهو هزل كتير وعذرا لو فهمت اني قصدتك شخصياً ...المقصودة الشركة ياعمر تحياتي ومودتي |
مساك أسعد يالنا
ولايهمك يازوله وشكراً لإزالة اللبس ومع إني مامرقت من ام تي ان سعيد وفي ظلم وقع علي انا شخصياً ومجموعه كبيره من الشباب إلا إنو الواحد بكن إحترام وتقدير كبير لعدد كبير من الزملاء وجزء مقدر من الإداره العاصرناهم في فترة شغلنا مع الشركه لسنتين ونصف تقريباً ... وانا شخصياً يالنا وهاني شغال بي نت زين انلمتد (حسي زين وقفت الحاجه دي) يعني العندو عندو والماعندو دقس وده انترنت انا شايفو ممتاز عديل كده حسب تجربتي .... |
| الساعة الآن 06:21 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.