نص ساعه باقيه علي تنفيذ الاعدام
 

وانا اعاين للعساكر ديل وقلبي مقطوع من الخوف والا الخلعه مابعرف:( هسه مافضل لي من الدنيا الا مسافة بين الحبل ومكان واقفه دا:confused:
بس بسمع بقولو الموت للرجال gooodgooodلا داك السجن للرجال gooodطيب السجن للرجال والموت لي انا ذنبي شنو مش كان هسه قاعده في بيتي راجيه راجلي يجي من صومعته الكان فيها مالي ومال الانقلابات اشان اقلب الحكومه دي اريتني كان كنت مدنيه وعيني للعسكري بجهز في حبل الشنق دا واهلي ديل مش كان يجو يحضرو يوم اعدامي التاريخي دا
هسه منو يخبر العالم عن بطولة تقبلي للاعدام بشجاعة غير منقطعة النظير
منو يقسم انه راني اتشهد واني شهيده
منو يشهد اني كنت البس سلسله ذهبيه كان مشتريها لي الراجل قبل ابقي متمرده
منو
ومنو
مافي زول زاتو بس انا وكم عسكري والمكان زاااتو ولا تقول قاعة تنفيذ احكام
وهسه بدل الحبل الشنقو بيهو قبالي المجرمين والمجرمات والمغتصبين للشفع والمغتصبات لو شنقوني بعمة:Dمش اخير
بس يلا الموت للرجال هي الابطال امثالي:D
قلبنا الحكومه وطيرنا ناس ن وع وماالي ذلك
وان مت فمن اجل الوطن كل شي رخيييييييييييييييص حتي رقبتي دي
والله بنجرح وبخاف من الدم هسه العسكري دا بعد رقبتي تنكسر كان كبت دم بعمل شنو
قلبو قوي مالقي شغل غير اعدام الابطال امثالي وقعدت في الواطه راجيه الراجل يخلص من ربيط الحبل وسرحت ببصري لتلك الايام الفكرت اقلب الحكومه عنوه كانت ايام عصيبه عصيبه عصيبه عصيبه
يتبع

الشي تلك الايام فد حيله نجحت ليخرج الشعب من جحوره مافي:mad::mad:المهم في قعدة الجبنه عن واحده صاحبة بت جيران واحده من نسوان الرئس جات سيرة العيش بقي بكم والسكر والبن وهكذا قمت اقترحت انا ست الجبنه المره الجايه رايكن شنو نقلب الحيكومه الماعاجبانه دي:D:D
ووافقت النسوه في سرعه عجيبه شديد وبس الشي قلنا رجال مامعانا كان دار يقلبوها كان يمرقو المظاهرات :mad:داب انهم مامرقو براااااااااااااانا بنقلبه:Dوبس بدات الترتيبات قائدات الالويه يكونن وين وقائدات المدفعيه ومنو يستلم الاذاعه والتلفزيون وقناة الشروق:D:Dوالبتزيع الاعلان الاول اجملنا صوتا وصوره :D
والامور ماشه سمممممممممممح وقلنا مافي مره تدخل راجله اشان مايحميها ولا يبلغ فيها gooodبس بت الجيران مابتتبلي في خشمه فوله كلمت راجله وفي فد ليل جو قبضونا جميعا قبيض الجراد :(والنسوان الفتانات ) السعالوها كلها قالت انا قائد الانقلاب الفاشل :mad:
وماسجنوني كتير تلاته يوم وقالو اعدموها فانها شرا مستطيرا :(
وجابوني ترا راجيه العسكري يخلص من ربيط الحبل دا
يتبع

الشي الراجل ماعرفتو بعقد في الحبل والا بعمل في شنو غايتو بعد مساااااافه اظنها دهرا:Dقال لي :
قومي لحيلك استعدي
واتذكرت الناس البعدموهم بقولو ليهو قول ااخر امنيه
قلت ليهو ماقلت لي اخر منيه شنو
اخلصي عندنا نسوان غيرك عاوزين نخلص:mad::mad:
عاوزه جبنهgoood
لا دا من تاثير الخوف
هي خوف شنو من الموت المافي منو فوت ابدا وطبعا لا لاتظنن اني جبنت وااااي عندي بت صغيرونه هسه البرضعه منو تلقي البكي دار يشقها واااي يابنوتي الصغيرونه gooodهسه البرعاها منو مافي طريقه تهربوني من هنا :confused:
لا انت اكيد مجنونه نهرب شنو انتي بلوه
ورفعوني فوق كرسي ولفو الحبل في رقبتي انا اكثر النساء صبرا علي البلوه :oالدموع دي مامقياس يمكن وقعت في عيني ترابه والا شي
غايتو اشهد ان باقي الشهاده نسيته ياربي مالي كدي لقني الشهاده ياعسكري
سمح قوليها في قلبك
وشات الكرسي واطوطحت اطوطحت وكروووووووو جيت واقعه الحبل انقطع
فد عوجه جاتني مافي:D
يتبع

سلامات يامها

قالو في تلاتة حاكمنهم بالاعدام
يوم التنفيذ جايبنهم ليك التلاتة راصنهم والقاضي واقف والعساكر واقفين والجمهور واقف هنااك يعاين
وخاتين ليهم مشنقة وكرسي كهربائي
اها نادو الزول الاول والقاضي قال ليهو اها عايز تموت بالكرسي ولا المشنقة
الزول قال الكرسي .. ختوهو في الكرسي وشغلوا الكهرباء فقام اتضح انو الكرسي معطل
قام القاضي قال ليهم خلاص فكوهو لايمكن تنفيذ الاعدام مرتين ... قامو فكوهو

نادو الزول التاني والقاضي قام سألو عايز تموت بالكرسي ولا المشنقة .. الزول قال الكرسي فقام اتكرر نفس السيناريو
قامو نادو الزول التالت .. القاضي قام سألو عايز الكرسي ولا المشنقة ؟
الزول قال المشنقة :eek:
الجمهور قعد يكورك من هنااك الكرسي ياغبي ... الكرسي الكرسي

قام الزول كورك ليهم ... ماشغال .. ماشغال :D

اهلين ياخالد
بالغت اطوطحت اطوحت دي ماسمحه:D
ههههههههههه

شكرا ياهشام
نعم نعم :D

وبس بعد الحبل الهش الانقطع من تقلي داgoood اتبسمت معناه عندي امل كبييير في ان تمتد فترة اني حيه لسه كم دقيقه تانيه لمن يعقد الحبل من جديد هسه كان غالبن يشترو حبل جديد :confused:
كل زول يعدمو بحبل براه مالو وفجاه انا بفكر كدا صرخت البت السجمانه في راسي نامن نطيت علي حيلي لقيت نفسي نايمه في سريري وبتي جمبي :D
كنت بحلم اتاريني:D
ثم انه زاااته الجيش مافيهو نسوان:D



تمت:D

بسم الله الرحمن الرحيم

الأخت مها عبد المنعم ..

من المتابعبن لكتاباتك هنا فى هذا المنتدى
احياناً ألمس نصوص غاية فى الذكاء وسعة الخيال
نصوص يتحول فيها الحدث اليومى الى فكرة تضج بالحياة ..
وأحياناً أفاجأ بنصوص فاتره و( دايخه ) ، لا تغري قارئها بالمتابعة ..

وبين إستخدام موفق لدارج القول فى نصوص وفصيح الكلام فى أُخر يتعذر فى كثير من الأحيان تتبع نهج مها عبد المنعم الكتابى ، إنما معالم اسلوبك القصصى لا تخفى ، وهو اسلوب ممتاز ولا شك ..

إن كان جميلاً قسوف أكتب هنا بعض خواطر عن القصة لدى مها عبد المنعم ..
فقط إستناداً على ما قرأته فى سودانيات ، ولو كنت أتمنى أن تمدينى بروابط للإطلاع على المزيد من كتاباتك ..

وشاكر جداً ..

سلامات وشاكره جدا ويسعدني ان تكتب بعض الخواطر عن كناباتي بحاول اجيب ليك روابط لبعض الكتابات ..

.facebook.com/profile.php?id=100002425252253&sk=allactivity
دي ان شاءالله الرابط يظبطgoood