غايتو يا عبد الوهاب، لو وردي كان عارفك بتدغمس ليهو تأبينو كدا؛ قطع شك ما كان مات ليك
 

ما زلت مساهرا لحضور تأبين وردي على الهواء
يا أخي عبد الوهاب دا، ثقيل الظل

تقريبا التأبين عبارة عن أداء لألحان وردي من غير كلمات

عليكم الله، قوموا كدا، شن طعم الموسيقى السودانية بدون كلمات.

الحمد لله، أبوبكر سيد أحمد الجميل ح يغني

ما مشلكة خلى عبد الوهاب يحرك يدينو

صاحبك ده اظنو فاهم موضوع التوزيع ده غلط !


لكن كان ماصحي الصباح لقى عندو فليتة.. لومني

انتا نشرة الأخبار دي مالا؟ عيبا لي:p
ول أمشي الشروق شوف اللواء نمر مزانقنو بي جوع الناس وعطالتم

وردي جاكم؛ بس جاكم مننا
ورغم أنف كل شي؛ اللغة النوبية أقدم من
وبعد داك رطانة حلوة

خليهو يتفلت؛ فقد أفسد علينا سهرتنا
وأنا تاني باخد بنصيحتي لمرافي:
داير حاجة تستمتع بيها؛ أدفع قصادها

المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

يا أخي يا كيشو، رطانة النوبيين دي، تشبه أبجورات الزينة الموجودة في صوالين نسوان أم درمان، أو جبنة وطبق سعف معلقات في صالة مهاجر بأوربا أو أمريكا، أوعك وانت ضيف تعلق عليهن تعليق سالب؛ ممكن تنطرد.
دحين الفنان جانا من هناك وهم فرحانين بالملكية، خليهم يفرحوا ولما يغني: لو لحظة من وسن، خليهم يقولوا شوف وردي بغني للإهرامات!!
حضارة سبعة ألف سنة!

غايتو فى " قوون" وردى شخصيا

و بستف ليك عبد الوهاب مباشرة

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

غايتو ابعدو من السيد عمر والا ما حتتهنى بيهو:)
ثم تانيا من الذى زين لكم القالاكسى المسأله فيها انّ , انت ونسيبك الاتنين شايلين جالكسى فى اسبوع واحد
:rolleyes:

...
سلامات يا بابكر
الفول المدمس ده هو الفول حقنا المعلوم ده (الفول المصري)
البنضيف عليهو الجبنة والشمار والزيت والبيض ...الخ
التسمية حقتنا (في السودان) غلط
لأننا بنطلق التسمية دي على الفول السوداني
وده كلام ما صحيح
ف شنو
افتكر انك جبت صحن فول سوداني
اما لو كنت فعلاً مع عنبك وجلاكسيك ده جبت صحن الفول بالزيت وقعدت تمزمز فيهو لمدة ساعتين
فعليك الله اعفي لي
...
لمزيد من المعلومات عن الفول المدمس
...
الفول المدمس - ويكيبيديا، الموسوعة الحرة
...

يا دكتور كيف حالك ياخي

غايتو ناس ويكيبيديا عصروا علينا والله:)

بعدين حكاية (مدمس)دي بشوفا جاية مع طريقتنا أكتر:D

يا بابكر طالما بتابع القنوات السودانية، أبقى عشرة على الجلاكسي والعنب والمدمس.

نهاركم سعيد يا شباب
بابكر يا اخى ما عندك تسجيل فديو للاخ القلد وردى فى نشيد اكتوبر....نزلو ياخ يصيبك ثواب يعدل موازينك الخاسرة دى