التحرش بالرجال ... اشياء صغيرة
هل يكفي الشمار لتوصيف الامر بانه ظاهرة
وماهي تأثيرات ذلك علي نسيجنا الاجتماعي المتهتك اصلا يا أمل هباني ماكسبتي فينا خير ياخ وضربت في عصب علاقاتنا الاجتماعية وحنمشي في سكة السعودية وماشابه ولن يأتمن بعد الان الاخ اخاه علي بيته ناقصين نحن :mad: [youtube]http://www.youtube.com/watch?v=0Wt1LGZQ-qQ[/youtube] |
سلام يا آمال ...
ما حضرت الفيديو لسه، لكن لو تحرش النساء بالرجال في السودان الشقيق بقى ظاهرة لدرجة تناولها في برامج تلفزيونية معناتها البلد دي تاني ما بتقوم ليها قايمة !! ---------- بالجمبة كده : محزن جدا إنو الزول يمشي السودان كل سنة و زوله واحدة تتحرش به مافي !! :( |
ياخ الشحدة دي لو من المرا او الراجل لازم تكون بطريقة احترافية والله دي قصة قال ليك بارتو لحد "البرميل" وبدت تلتصق فيهو من الخلف وكدا شكيتها على الخلقا وطلقا يعني الولد تقيل لدرجة انو مافي طريقة يقدمو ليهو العرض بصورة مباشرة ماهو واحد في الاثنين اما بت هباني دي عاملة زي هالة سرحان في برامجها المشهورة او كمان المتحرشة دي فاض بيها في اللحظة ديك ومافي رجال في حلتهم - غايتو الفلس بعمل اكتر من كدا كان فلس قروش كان فلس برامج تخريمة: يعني ماكان في موز تقضمه وتبكي؟؟ اقول قولي هذا واستغفر الله لي............ |
اقتباس:
لمن تمشي السودان اغشى بيت عرس وركلس جمب برميل البيبسي وصفة مجربة حسب الفيديو اعلاه اقول قولي هذا واستغفر الله لي............. |
اقتباس:
ياخ أمل دي كنت بحبها بس زعلتني شديد في المقدمة قالت بدينا بالتحرش بالاطفال ووبالنساء وعشان الرجال مايزعلو مننا حنناقش التحرش بالرجال:eek: المسألة دي لو ظرافة منها وسماجة مقدمين برامج صراحة الموضوع مابستحمل يلا علي نهج البرامج الخليجية جابت شاب شكلو تجاربو ثرة في كل اشكال التحرش:D الرجالي الرجالي والرجالي الستاتي واخرة المخيرة حكي شمار خطير عن زول مأمن زول مرتو :D والمرة اتحرشت بالامين ياخ بنات السودان اتلومن معاك يكون دا من الصلعة:p |
اقتباس:
ياخ شكلها مزابنة الكشك داك اثرت عليك looool غايتو واجعني قصة الشاب المحرسنو المرة غايتو في السودان تاني راجل بحرس زول مرتو مافي بعد البرنامج دا :D |
اقتباس:
امل هباني شكلها جنحت لخيار الـ(استعانة بصديق) في حلقتها دي بالذات عشان (الرجال مايزعلو منها) واضح جداً التلفيق في مايحكيه الرواة هنا غايتو الحبكة تصلح للافلام ثم انو المحرسنو المرا ماعليهو حرج... ذنبه في رقبة راجل المرا اقول قولي هذا واستغفر الله لي............. |
اقتباس:
كل شئ استحملنا الا التحرش!! |
اقتباس:
ولاحتى الطبيبة http://www.youtube.com/watch?v=F0uIxREgeQI بتكون احرشتا* بى روحك, يا أب دربآ ماكِن __________ * انتو الكلمات الصعبة دى بتلمو فيها وين |
وعلى التى لاتفنى على جليد آمالو, سلام
|
سمعنا وسلمنا
كدى نشوف الفديو ونجيكم بالنجيضة امال والناس الهنا ديل يسعد مساكم |
ما تابعت الفيديو للنهاية لكن الفكرة وصلت
قبل كل شئ سلامات كتيرة والله يا امولة بت الشيخ تحرش المراءة بالرجل ما ظاهرة جديدة بقدر ما انها ظاهرة خفية تحرش المراءة عموماً بيثير شهوة الرجل الا من رحم ربي ... لعل كلام الشاب افتقر لبعض حقائق موقفه من المراءة في سورة يوسف ( ولقد همت به وهم بها لولا أن رأى برهان ربه كذلك لنصرف عنه السوء والفحشاء إنه من عبادنا المخلصين ( 24 ) ) وده طبعاً سيدنا يوسف همّ بها لولا برهان ربي اذن ما اعتقد انو الشاب ده الموقف مر عليه مرور الكرام وكان كسيدنا يوسف حينها نرجع موضوعنا التحرش ما ظاهرة جديدة لكن عند المراءة تختلف الطرق والوسائل الترغيب واثارة شهوة الرجل من خلال العيون من خلال تقاطيع الجسد ... التبسم .. وكثير ده نوع من انواع التحرش خصوصاً اذا صدر من امراءة متزوجة واغلب المتحرشات من النساء هن المتزوجات ... وربما نادراً ما نجده عند الفتيات اختلاء المراءة بالرجل في مكان بعيد عن العيون قد يثير فيها هذه الرغبة اذن الحالة ما اختصت شعوب دون غيرها ولا بلدان دون البلدان ... وانما لكل قاعدة شواذ بتذكر رجل مسكين في منطقة من المناطق معروف عنه انه يقضي طلبات النساء في غياب الرجال يعني حاجات من السوق ومن الدكان والزريبة وهكذا ...... بعض عدة سنوات عرفوا ان الرجل ده عاشر اغلب نساء المنطقة المتزوجات الموضوع ما موضوع ترغيب من الرجل ولا هو الزول الممكن اشاغل فقط هو زول كتوم لا يتكلم كثيراً .... فلا مناص اذن ان تستخدمه المراءة لحاجة اضافية والروايات كثيرة في هذا الشأن |
اول امرأة اتحرشت بالرجل
حواء اتحرشت بادم |
اقتباس:
أديهم بالفجة الفيها الحديدة.. بالله أى زول مااتحرشو بيهو يمشى يجيب مستنداتو ويسجل عند البروف.. |
اقتباس:
عشان الناس يعرفوا بل "يغرفوا" ويستنيروا من الافكار دي وكمان يعملوا ابديت لمعلوماتهم الناقصة امال سبليهو اقول قولي هذا واستغفر الله لي............. |
| الساعة الآن 07:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.