من هم سكان شمال السودان .. ومن أين أتو؟.
ما جو من اى حتة. قاعدين هنا من سنة يك حوالى 10.000 سنة من الآن بدأ البحر بالانحسار عن وادى النيل تاركا ورائه أرض صالحة للزراعة حول النيل ... تقدم اسلافنا الكوشيين لإعمار أى أرض يتركها البحر وراءه.... وبمرور السننين اجادوا الزراعة وتفرغوا للفنون والعلوم والميثولوجى... ووصلوا مرحلة من التطور شهد بها قدماء اليونانيين هيرودت وغيره ... قالوا إنهم اتعلموا أول طقوس التعبد وتكريم الإله والعلوم والفنون على يد كهنة سودانيين فى طيبة ودنقلا وكبوشية....كل الميثولوجى الدينى القديم يشبه الى حد بعيد ديانة التوحيد القديمة فى وادى النيل(التي أعلنها جدنا اخناتون حوالى 14 قرن ق.م .. وكانت موجودة قبله )..... منقول يتبع.. |
اسلافنا الكوشيين شيدوا حضارة وادى النيل على طول النيل من منبعه الى مصبه .... وهناك امتدادات اخرى داخل وخارج القارة .... وقد استمر تقدم الكوشيين وانتشارهم الى الشام والقارة الاسيوية ... وفرضو سيطرتم عليها ... حسب شهادة اليونانيين ديل. قاطنى الجزيرة العربية كانوا كوشيين... استمر تواجدهم هناك الى أن إنهزم تهارقا حوالى 6 قرون ق.م. بدات العودة الى موطنهم الاصلى فى وادى النيل .. وتواصات هذه الهجرات الى تواريخ قريبة سميت فى يعض الاحيان دخول العرب الى السودان .. ثم تواصل تقهقرنا وانهزامنا امام جيوش الغزاة وخسرنا مصر لصالح اجداد مصريى اليوم... ولكن لازلنا نشكل حضور حتى كوم امبو واسوان. طوال ال 26 قرن الماضية تواصل الصراع بيننا ككوشيين وبين الغزاة ..حول السيطرة على وادى النيل... مرحلة اخرى من الصراع كانت فى 651 م على يد عبد الله بن أبي السرح لم يحسم عسكريا ... ويقال أن المعركة حسمت لاسلافنا... لم نهزم عسكريا وقبلنا الإسلام لأنه الأقرب لتكويننا الدينى (مسيحية وديانة توحيد قديمة).... وتواصل الشد والجذب حتى سقوط سوبا ودنقلا وشندى 1504م نتيجة صراع اقرب ما يكون الى صراع دينى اسلامى مسيحى منه الى صراع عرقى عربى نوبى....يعنى كلا الجيشين كانوا سودانيين... |
مرحلة اخرى من الصراع وهى أوضح مراحل الصراع: 1821م جيش الامبراطورية العثمانية ... أوضح مراحل الصراع لانهم هاجمونا ونحن مسلمين لينا اكثر من الف عام... لم يشفع اسلامنا بل استباحوا ارضنا قتل وقطع أذنين وبيع كعبيد...استبسل أجدادنا فى كورتى وشندى وأبودليق والنصوب وسنار وكردفان.... خسرنا لتفوق السلاح النارى ... ردينا بالمهدية وانتزعنا الخرطوم 1885م على يد النجومى الباسل ... النجومى تحديدا لأنه هاجم مصر بجيشه فى محاولة لاستعادة ارض أجداده ... يشبه لى حد بعيد تحرك بعانخى ومن قبله أحمس لطرد الهكسوس من مصر.. هم اربعة قادة سودانيين فقط الحاولوا يستردوا مصر تلاتة نجحوا وواحد ااستشهد وهو يحاول...نعرمر مؤسس الدولة المصرية الاولى ... احمس طارد الهكسوس... بعانخى ... وعبد الرحمن النجومى.... بسقوط المهدية فى كررى 1898 دانت السيطرة للغزاة مع تغيرهم الى انجليز (كلهم كانوا بيض وبيجوا من اتجاه الشمال من قبل 5000 سنة والى الان) .... |
تعرف يابو جعفر الكلام في الموضوع حسب عنوانك بجيب مشاكل وهيجانات بي سبب وبدون سبب مع ان الحقيقة واضحة وما محتاجة لعنصرية من بعض من يعتقدون ان الكتابة بحيادية في الموضوع دا معناه انك بتسلب السودانيين حق من حقوقم وبتجردم من هويتهم ولو قلت ليهم انتو أصلكم كوشيين أو نوبيين بيزعلوا أكتر..وفي الآخر الواحد قرر ما يخش في نقاشات عن الهوية السودانية ويقبل بانو حلبي وبس ويتفرج من بعيد..
|
القصة دى بدت هنا ... نحن كسودانيين ما كان عندنا وكت طوال ال5000 سنة الفاتو لاننا كنا مشغولين فى جبهات القتال ... مرات ندافع ومرات نحرر ومرات نخسر المهم فى النهاية طلعنا بالسودان الحالى دة. مع وجود ضعيف فى مصر ...الكانت بتمثل امتداد حضارتنا. انشغالنا بالقتال اتسبب فى خسارتنا للارث المعرفى يتاعنا المتمثل فى الحضارة الإنسانية الاولى .... (ديانة التوحيد الفنون والعلوم) .. وحتى مساهمتنا فى تكوين لغات مؤثرة زى اللغة العربية (الاصل الكوشى للأدب العربى) ... بالتزامن مع خسارتنا لمنجزاتنا المادية المتمثلة فى الأهرام والمعابد ... وحقنا الادبى التاريخى فى اننا كسودانيين نمثل الوريث الشرعى لمؤسسى اول حضارة انسانية فى وادى النيل ...حتى إننا فقدنا هويتنا كنتاج لى تعرضنا لهجمات طوال 5000 عام حولتنا لمحاربين فقط ولكن ينقصنا الايدولوجى. بدأ توهاننا الحقيقى عن روحنا فى 1504م لمن الفونج اعلنوا انهم أمويين وحلفائهم اعلنوا انهم من جهينة ... ومن ديك وعيك....الفور جدهم سولونج العربى والزغاوة من سوريا والجعليين والشوايقة عباسيين المحس خزرج والدناقلة أشراف ....(راجع الباقر العفيف . يوسف فضل.) .. وعبد المنعم حاج الامين (الاصل الكوشى للشوايقة والجعليين). |
متابعة باهتمام
|
مع تقدم سنوات القرن العشرين خاض الأفارقة فى انحاء العالم صراع للتحرر من سيطرة البيض والمركزية الاوروبية وأفكارها القائلة أن الافارقة لم يساهموا فى التاريخ الإنسانى لزلك يتم استعبادهم فى اوروبا وأمريكا... ويحكموا فى مناطقهم فى إفريقيا فى مقاطعات تم تفاسمها بين المستعمرين الأوروبيين. قادة لتحرر فى امريكا وافريقيا استندوا على كوش للرد على ادعاءات المركزية الاروبية ... وأسسوا المركزية الإفريقية لقراءة التاريخ ... وهى المدرسة المعنيين بيها نحنا السودانيين .. لأنها مبنية على تاريخنا. المدرستين ديل خاضوا صراع أكاديمى فى سوح أوروبا وأمريكا حول من هم مؤسسى حضارة وادى النيل؟. اتحسم الصراع لمصلحة المركزية الافريقية .. بالأصل الإفريقى لحضارة مصر الفرعونية... من رواد المدرسة الافريقية : انتا ديوب. يوسف بن جكنان .. وأخرون. بالنسية للرواد ديل الأغلبهم ما كانوا سودانيين... ما كان بهمهم التقسيمات الداخلية للسودانيين على اساس اللون باعتبارم كلهم سود افارقة. وهم الأسسو الحضارة دى .. لكن بالنسبة لينا كسودانيين كان الموضوع حساس وخطير جدا بسبب مسالة التمايز اللونى .... ولأننا غايبين عن تاريخنا بدينا نفتش فى تفاسير واحيانا اتبنينا اراء مستعمرينا وتفسيراتهم... |
ببساطة لو عاينا فى أثار الحضارة على طول وادى النيل حتى فى متاحف العالم بنلقى بوضوح اننا كسودانيين كوشيين طوال التاريخ كانت الواننا تتراوح بين الاسمر البنى والأسود الصريح...كما يظهر فى لوحة (بيان الملوك) الصورة فيها ستاشر نفر... الاول من الشمال الفوق دة حورس شايل عصاية بى رأس واحد تطابق العصاية البشيلوها ناس الطرق الصوفية.. الاربعة البعدو ديل بمثلوا شخص واحد لونو اسمر بنى ويمثل اسلاف شماليي السودان اليوم ومصريي تلك الفترة.... الاربعة السود تحت بمثلوا بقية الشعب الكوشى ويمثلون مع السمر شعب وادى النيل القديم مكون الشعب السودانى الحالى ... سمر وسود لينا الاف السنين. |
اقتباس:
قبل أيام دار نقاش حاد تحالف فيه بوبا وحافظ حسين ضد طارق جبريل حول عروبة الطيب صالح .. وتمت فيه الدعوة لإجتثاث اللغة العربية من السودان .. ف شنو الموضوع ده وقع لأخوك في جرح لأنو أظهر أن الكوشيين أصل في هجرات الجزيرة العربية .. ولهم مساهماتهم في اللغة العربية. |
اقتباس:
مرحب بيك كتير عبد الحفيظ وعشان تاني ما في واحد يقول أرجعوا محل ما جيتو. |
الموضوع ده داير تطوير من طارق جبريل حتى ينفي عن صديقه الراحل المقيم الطيب صالح صفة التعورب ضد مصالح الأمة السودانية.. فالطيب صالح يقول: رضعنا العربية من أمهاتنا .. ولم نتكلفها.
أمانة ما وقعوا عنصريين .. قال شنو نرجع محل ما جينا.. وأن رجل واحد من بني العباس، غير السمة القبلية على طول المسافة من كريمة وأبو حمد لجبل الأولياء.. وعلى مدى يزيد على الألف ومئتي عام ونيف ... أي ثلاثمائة جيل ... الشيء الذي يخالف أي قانون للوراثة. |
تاني يجي عنصري يقول دقيناه عشان يتعلم اللغة العربية المستوردة ..
|
الدعوة لتصحيح مسألة الأصل الكوشي للسودانين مهمة جداً وحقو الناس تبطل حكاية كل واحد يمسك ليه في صحابي أو أصول عربية .. لأن البلد اتملت سلاح ودعوات عنصرية يغذيها الغرب.
علماً بأن الواقع يقول بأننا لم نأتي من أي مكان ... نحن أصلاً هنا منذ ما يزيد على عشرة ألف سنة ويستشهد بحضارتنا باقي أهل إفريقيا. |
اقتباس:
طيب البيقنع البعثيين بالكلام ده منو ...! |
متابعين يا حبيب
|
| الساعة الآن 02:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.