الطيش...إعادة إعتبار
يا ولد إتأخرتا مالك؟
كنا زافين الطيش يابا ...و الورقة الملونة في يده كان ترتيبها ما قبل الطيش بي فرد بونت ... كان ود الظريف فتي فكها و مشوطنا أحمد الله أن جمعنا صف واحد في زمان قديم كنا نسائل بعضننا ببراءة إتا لمن تكبر داير تبقي شنو؟ أنا داير أبقي ممثل..هكذا أجيب ببلاهة مصنوعة وإنت؟ أنا داير أبقي مضيفة هكذا كان يطلقها وإشارات أيدي مميزة تسند حجته من نوع غزة كوع في الوسط أو طقطقة لبانة وهمية..هكذا خلاعة يعني أعلم أنه لم يصبح ما أراد ولا أنا فالطيش لن يزاحم المدرجات ولا الأول ستستقبله المسارح ... كان ملحنا بارعا لنشيد الطفولة و نشيجها..و كنا كورالا جيدا لحنجرته ..بعد أيام طويلة لاحقة إكتشفت إننا كنا شيالين وكان هو يتقدمنا علي المسرح مقدار الف درجة و إن كان الطيش .... الساندويتش المتبل جيدا هو ما كان يبعدني عن شلة صحن البوش..الله يسامحك يمة ياخ ده كان فقر أم عقوبة؟ موسي ود خالتو كان قائد صحن البوش..جيب الملح..قطع السلطة سريع..شطة الدكوة وينها؟ والجميع يتجاوب بهمة محارب و موسي كان دوره مسك الختام بأن يعجن الفته بيديه شديدتي الخشونة ،،يعجن و يعجن حتي يسيل لعاب جماعته فيتكالبون علي القصعة و بسم الله تروح في حق الله و ما إن ينتهي درس الوجبة حتي يكرع موسي بصوته الأجش و يلحس أصابعوا أصبعا تلو آخر وكأن له الف أصبع أو هذا ما بدا لي حينها كان قائدا بدرجة طيش ،،، بعد سنوات طويلة فاجأني إبن أخي الضغير حين سألته لي ما مشيت الروضة قال لي أنا ماشي الشغل قلت ليو تشتغل شنو قال سواق لوري ههههه الآن أحمد الله إنو ود الظريف وموسي أخيرا بان لهم نسل في بيتي ،،،، جيت الكم؟ |
موسى دا ممكن تقول عليو: الرئيس الفخري للجنة المطوطره(ما عارفه كان كدا صاح ولا لا)
يقعد يتطوطر يتطوطر في الناس: أمشي يا ولد جيب الشطة، قوم يا ولد جيب الدكوة و هاكذا gap |
اقتباس:
(أميري مركب مكنة أسعد الأسعد) إلا تكوني موسي الأخري و نحن ما أعرفوش دي ع وزن أحبووش لقيتيني بتاع مسلسلات مش هههه |
اقتباس:
ثما إنو لالا انا ما موسي الأخري انا مريم الأخرىgap |
ياخي كتابة زيّ الكتابة، أبداً ما جابتني المحبّة، جابني الطيش الذي لم تتسني له مزاحمة المدرجات.
|
| الساعة الآن 01:01 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.