سودانيات .. تواصل ومحبة

دنقلاوي متشّيق

[SIZE="6"]هسه في المشور الطويل ده برااااااي لو كان معاي شريط ينضم ويقول
مليت من الغربه آعلى .. ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين

ما كان هوززتا رقبتي تاله اليمين والشمال وما حسيت بي طول المسافه وزهج الطريق
في البلد البعيده دي
مالو مسجل العربيه دي لو رطن بي جنس الكلام السمح ده بدل(اف ام بانوراما)
عقلي ده قام سدر يمه المدرس لو فكر
كان يلقي قاعد فوق ككر **** في الدونكه لسع ما فطر
والله مش لو كان نهر لو كالني بي سيطان بقر
ما دام عقيل الجن سدر ما اظنو من عندك حضر
يا سلاااااااااااااااااااااااااااااااااااااااااااااااا اااااااااااااام
وكنت احدث نفسي يا احبتي طوال الطريق من جده حتي بلجرشي في جنوب غرب المملكه واخذني تفكيري الي البعيد هنااااااااااااااااااااااااااااااااااااك بي قادي في آخر الديار
والزمان غير الزمان ونحنا قدامين لي جامعه الخرطوم جداد لنج
والشارع الطويل حتي المكتبه(المين روود) وانا اتلفت يمين وشمال واحدث نفسي(بلاهي شوف الناس ديل نضاف كيفن والبنيات وااااااااا سماحتن وااااااااا سماحتن ووااااااااااااا
واقول يا زول اها الدباره شنو ,, اربعه او خمسه سنوات في الداهيه دي حتتصرف كيفن
وين الداهيه كليتنا والفصول؟؟؟؟ ويسألو منو في الكبسيبه دي؟؟؟
ممكن اسأل الزول المشلهت والمكلفت الواقف تحت الشدره داك.. الياهو شبهي
ومددت يدي مصافحا ,, عليكم امان الله كانما ادخلت يدي في غصن شوك
(مرحب .. )اخوك ابوالقاسم من القرير,, القرير الليلتا الشايقيه سمعتبا ؟؟؟
وهززت راسي بالايجاب .. اخوك ......... من دنقلا
تذكرت كل ذلك بسنوات وسنوات ابوالقاسم وانا والشدره الكبيره
,, الدراسه والامتحانات والداخليه وكيف تقاسمنا سندويتش الطعميه وكيف كنا نشد بنطلون الطوكيو من بعضنا والتمر والقرقوش يجينا من البلد وناس البيت عاملين حساب ابوالقاسم كانه وارث معانا
واخذني ابوالقاسم الي عالم الشوايقه ,, اعراس وسمايات وفاتحات ومهرجانات التخريج واستقبال الطلاب الجدد والطنابير الترن واولاد حاج الماحي
مكنوس حرمك اب شباك يا النبي *** يا حبيب مولاك
عارفنك نبيا ذو كرم جيناك *** معلوم الرضا وجمله عصاه تالاك
كم ثبت قلوب يا شافع الادراك****سائلك ما بصد مفهور يمين حاشاك
يا النبي يا حبيب مولاك
واخذته الي عالم الدناقله والرطانه (اشي كنيقر دقوقر روقي بونا ,, ارسري نقامبو,, هييييي مشندل مشندلي كول)
في كل مناسبه كان يقدمني للجميع (دنقلاوي متشيق ,, صديقي وحبيبي وزميلي في الجامعه والسكن وبنطلون الطوكيو) واقدمه انا (شايقي متدنقل ,, صديقي وحبيبي ودفعتي وزميلي في السكن والجامعه
وومكرهني في بنطلون الطوكيو(
طاردنا الطنابير اين ما رنت نكون اول الحاضرين
يا المشتنهك وفي غيابك بالنا بيك ضمه انشغل *** والنوم وراك يبقالنا شر
فارق عيونا خلاص رحل
يصنقع للسما وهو يقول (يبقالك يوم نتخرج من المصيبه دي ونلقلانا شغلا كدي ونركب لنا عربيه ذي بتاعه البروف ونعرس ولا حالنا حيكون)
اهرب من دناي وين أمشي ياريت الامــاني اماني
طال ما الدنيا ياهـا الدنيا طال ما ياني ياني انا ياني
ياسجم السجم يابخـــــــــتي ياحظــي المولي وفاني
كيفن في الشقــــاوه عترتا والخير فاتني وإتعــداني
عيني بي الدموع ملياني
اربعه سنوات يا احبتي رايت فيها بخيالي جناين مروي ونخيل القرير والكاسنجر ومنقه نوري
اربعه سنوات وانا الوك نغمات الطنبور نغمه نغمه وازاحم الشوايقه في الصفقه والعرضه
اربعه سنوات حوارنا وونساتنا انا وابوالقاسم مقاطع من اغاني الطنبور
انط من السرير وقبل الحق الباب ابوالقاسم يقول لي (وين ماشي يا شقي الحال ؟؟؟)
وانا ارد
مسافه السكه وارجع ليك معاي الشوق وغنواتو
يغيب عن الجامعه يوما او بعض يوم وعندما يعود اسأله (علك عافيه يا زول مالك وكنت غاطس وين ؟؟؟
فيرد وهو يكرطع كبايه الليمون كلفتني الكثير من كافتريا بزنس
كنت بحدد الميعاد لو عارف متين ارجع
وكنت بقصر المشوار وابقي من الزمن اسرع
انتهت سنوات الجامعه سريعا واذن مؤذن الفراق وكنا نقف تحت الشدره الكبيره والوزين حولنا يقدل وقد ضاعت شئ من غباشتنا وكنا نعرف انه اليوم الاخير.ذرفنا الدموع ,, سالت تسقي تلك الشدره الكبيره ,, تعانقنا (ابقي عشره علي رقبتك) يقولها وهو يربت علي كتفي
توجهت انا الي باب الجامعه الرئيسي خروجا.. وخرج ابوالقاسم من باب المين روود
ولم نلتق بعدها ابدا ..
وتلوح من بعيد لافته ’’بلجرشي 15 كيلو,, امامك نقطه تفتيش ,, هدئ السرعه
اعتدلت في قعدتي وربطت الحزام ......... يا لنداوه لتلك الايام
[/SIZE][/SIZE]