جارح الإحساس .... عمل جديد
اهداء للجميع خاصة النقاد القاعدين للسر قدور في الزرارة الاولى ديلاك:D
إختلستها من شاعرها بدون معرفته وبعد دونتها عندي كلمتو وأخذت موافقته عليها طبعا قعدت عندي فترة طويلة شديد لحدما أمس لحنتها اسمعوها وأدونا رأيكم كلمات الشاعر هاشم احمد خلف الله لحن وأداء ودالشيخ "زول الله" [media]http://www.ml0k.org/do.php?filename=137365695741.mp3[/media] في الطريق عملين... الأول مسروق من الاستاذ مجدي مسعد حنفي والثاني مُختلس من الاستاذة تماضر حمزة وبرضو لاااابد لـ حجة آمنة اقول قولي هذا واستغفر الله لي............... |
جارح الإحساس – هاشم خلف الله يا جارح الإحساس كفاك اشفيني من هذا العشق يرضيك تعذبني وتفوت تفضحني بين كل الخلق ما عُمري كلو وهبتو ليك حبيت عِيونك بي صدق سافرت في الاحلام معاك بين الغمام وضو البرق ضحيت عشان ريدك سنين لكن شُراعي معاك غِرق وإتبدد الفرح الجميل وما كُل فرجة بتتلحق خليني انساها الجراح واشكيك لي سيد الخلق وما بفتش ليك واعود لو كان وِصالك بالغصب والذكرى لو جات من جديد بطويها واتحاشا الدرب واعصر على قلبي الحنين بي هداءوة مِنك ينسحب انساك واتناسى العذاب الـ عِشت فيهو بلا ذنب |
شخصياً استمتعت حد الطرب .. الكلمات منتقاة بعناية واتقان .. واللحن منسجم يقودك الى عوالم الفن الاصيل .. اعدت الاستماع لاكثر من مرة للوقوف على حقيقة الاحساس الاول بهذا الانتاج الفني المنحدر من أعالي الرهافة. لذا فقد اطمأن قلبي تمام الاطمئنان بأن فينا ما يزال الرائعون كثر. وزول الله واحد منهم. شكرا نيابة عن (الذويقة). |
سلام زول الله
دخلك انا براى الاغنية ما ظاهرة عندي؟؟ ما بتنزل في ايفون ؟ أرجو الافادة بنوعية النظام النازلة بيه.. شكراً |
اقتباس:
انا زاتي ابت تفتح معاي الليلة غايتو هاك ليها تاني يمكن تزبط [media]http://www.sudanyat.org/vb/uploaded/1353_1373657130.mp3[/media] يامختصين عووووووووك اقول قولي هذا واستغفر الله لي.............. |
اقتباس:
سلام يا زول الله ورواد البوست الاغنية في الاقتباس الفوق دا ظابطة وشغالة ميه الميه... والعود يجنن:) |
[rams]http://www.sudanyat.org/vb/uploaded/1353_1373657130.mp3[/rams] |
شكرا يا حبوب علي العمل المتعوب عليه
بالتوفيق ان شاء الله |
اقتباس:
والله يا حبيبنا بعد حد الطرب دا طوالي نشوف لينا واسطة مع ناس السرقدور:D شكراً على رأيك الواضح والمطمن في الكلمات واللحن تسلم ويسلم ذوقك اقول قولي هذا واستغفر الله لي............... |
شكرا اسمر على الاجتهاد والمحاولة
تسلم ياذوق اقول قولي هذا واستغفر الله لي............... |
اقتباس:
تسلم ياحبيبنا ولا اراكم الله مكروها في رابط لديكم:D اقول قولي هذا واستغفر الله لي............. |
اقتباس:
شكرا انت دا ياخ ونثمن لكم مروركم بهذا البوست ونجيكم في السمح ان شاءالله اقول قولي هذا واستغفر الله لي............. |
يا زول الله،،
غايتو ركبنا صف الناس الأبت تظهر ليهم الأغنية، صفحة بيضاء ساي، لكن بما أني واثق من مقدراتك اللحنية والأدائية، عليه أحييك علي العمل الجميل (مقدّماً). رمضان كريم |
اقتباس:
يازول البتاعة دي زي الفُـل شغالة في إقتباسي للمشاركة الاولى وشغالة في مشاركة الأخ أسمر وشغالة في مشاركة الاخ اشرف السر بستعمل متصفح قوقل كروم وبتشتغل براها لما افتح البوست شكرا ياحبيب على الثقة والدعم رأيك فيها بيهمني جداً يارشيد اقول قولي هذا واستغفر الله لي................ |
جا جميل حاحلو بس يارجل سلامات يامتطامن ومطمن باقي الناس
|
| الساعة الآن 02:29 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.