رحيل عمك تنقو
 

رحيل عمك تنقو


غيب الموت يوم السبت الموافق 12 اكتوبر2013 م مربي الاجيال الاستاذ/عثمان محمداحمد تنقو بمدينة الجنينة - دافور , عن عمر يقارب ال85 عام ويقام العزاء بمنزل الراحل بالجنينة - حي المجلس

الراحل الاستاذ/عثمان تنقو درس في بخت الرضا دفعة 1945 م , عمل فى التعليم وتدرج الى ان وصل لدرجة التوجيه , انتدب فى معلما في دولة اليمن فى الثمانينيات , وبعد المعاش عمل بالمشاهره مستشارا في مجال التعليم بالجنينة , له مساهمات كبيرة فى مجال التعليم بولاية غرب دارفور و خاصة مدينة الجنينة و ريفها

الكثير يعرف عن شخصية (عمك تنقو) فى مجلة الصبيان , اختير اسم شخصية (عمك تنقو) الكاركتيرية من اسم هذا الاستاذ /عثمان تنقو ابان فترة دراسته ببخت الرضا سنة 1945 , فاغلب اهل السودان يعرفون (عمك تنقو) ولا يعرفون الشخصى الحقيقى الاستاذ /عثمان تنقو

له الرحمة والمغفره و لاهله ومعارفه الصبر



ارجو مشاهدة الرابط ادناة للراحل و هو يتكلم عن قصة تسمية عمك تنقو

http://www.youtube.com/watch?v=KsSa_8lbpuA

الاخ دكتور عصام اليقين لك التحية والتقدير وانت تتلمس هذه المساحات المضيئة فى تاريخنا

يا سلام ياخى الرحمة والمغفرة والجنة لاعمامنا عثمان تنقو وعوض ساتى....لكم امتعوا طفولتنا...... والله كنا نستقطع ثمن مجلة الصبيان من حق الفطور

اللهم أغفر له وارحمة واجعل الجنة مثواه يارحمن الدنيا والآخرة ورحيمهما
انك ياربي وليُّ ذلك والقدر عليه
انا لله وانا اليه راجعون
تسلم يادكتور عصام على المعلومة

اقتباس:
المشاركة الأصلية كتبت بواسطة Hassan Farah http://sudanyat.org/vb/images/buttons/viewpost.gif
الاخ دكتور عصام اليقين لك التحية والتقدير وانت تتلمس هذه المساحات المضيئة فى تاريخنا

يا سلام ياخى الرحمة والمغفرة والجنة لاعمامنا عثمان تنقو وعوض ساتى....لكم امتعوا طفولتنا...... والله كنا نستقطع ثمن مجلة الصبيان من حق الفطور

سلامات حسن، انا لله وانا اليه راجعون، فعلا عمك تنقو مع مجله الصبيان فعلا امتعو طفولتنا، تمن مجله الصبيان علمنا الادخار، لكن عمك تنقو في ايامنا كانت برسم الفنان شرحبيل، فعلا زمن جميل

تحياتي

اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif
اللهم أغفر له وارحمة واجعل الجنة مثواه يارحمن الدنيا والآخرة ورحيمهما
انك ياربي وليُّ ذلك والقدر عليه
انا لله وانا اليه راجعون
تسلم يادكتور عصام على المعلومة

سلامات عادل انا لله وانا اليه راجعون وندعو الله عز وجل ان يتقبله قبولا حسنا

تحياتي

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif

شكراً جميلاً يا عصام .. أو مرة أعرف المعلومة دى

رحمه الله وتقبله وأحسن إليه

سلامات رافت،انا لله ونا اليه راجعون, طبعا مجله الصبيان لعبت دور مهم في ايام الدراسه، ولازلت احتفظ بها في السودان اتمني ان تكون موجوده، ولكن قبل فتره وجدتها علي النت ونزلت منها جرء، ايام لاتنسي

تحياتي

اللهم اغفر له وارحمه
شكرا يا عصام

للفقيد الرحمة والجنان ولاله الصبر وحسن العزاء
وانا لله وانا اليه راجعون

شكرا اخ عصام وانا طول عمرى دا كنت مفتكرة عم تنقو هو الاستاذ
شرحبيل احمد ربنا يطول عمره

سلام ياسارة
بالفعل شرحبيل حمد أطال الله عمره هو من كان يرسم عمك تنقو...
أما خبر الدكتور عصام فهو:
تحياتي

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif
للفقيد الرحمة والجنان ولاله الصبر وحسن العزاء
وانا لله وانا اليه راجعون

شكرا اخ عصام وانا طول عمرى دا كنت مفتكرة عم تنقو هو الاستاذ
شرحبيل احمد ربنا يطول عمره


سلامات ساره، فعلا كما قال عادل انو الاستاذ شرحبيل كان برسم عمك تنقو لمجله الصبيان والكلام كان في ستينيات وسبعينيات القرن الماضي، والصبيان تاسست عام 1947 ورئس تحريرها عوض ساتي وذكر قبل كده استاذ شرحبيل احمد في لقاء انو هو كان احد الرسامين لعمك تنقو وكان في رساميين قبله، احتمال الربط بين عمك تنقو و استاذ شرحبيل احمد ، هو امضاء شرحبيل الموجود في قصه عمك تنقو في سبعينيان القرن الماضي, لمن بداء شرحبيل يرسم كان رسم مميز ومحبوب لاغلب الطلبه وشخصيه عمك تنقو ازدهرت برسم الاستاذ بشرحبيل احمد وحبيناها اكثر برسومات الاستاذ شرحبيل احمد, في زمنا قرينا عمك تنقو قبل استاذ شرحبيل احمد

تحياتي

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif
والله ده يا ريت من يؤكده أن ينفيه .. المعلومة العندى (رسام) عمك تنقو فى الصبيان كان الفنان شرحبيل أحمد .. ما عارف جبتها من وين

ياخ دى دايرة شبارقة والله


سلامات رافت، شرحبيل كان احد الرسامين لشخصيه عمك تنقو، ولانو قريب واحتمال اخر فنان رسم عمك تنقو و الناس بتربط بينو بين عمك تنقو لقرب الزمن، وكمان التوقيع في القصه كان واضح باسم الاستاذ شرحبيل احمد، واستاذ شرحبيل قال في لقاء انو كان احد الرسامين واظنو درس في بخت الرضا كمان ودرس لفتره، طبعا في زمنا قرينا عمك تنقو قبل استاذ شرحبيل احمد، ولكن لمن بداء شرحبيل يرسم كان رسم مميز ومحبوب لاغلب الطلبه وشخصيه عمك تنقو ازدهرت برسم الاستاذ بشرحبيل احمد وحبيناها اكثر برسومات الاستاذ شرحبيل احمد

تحياتي

اللهم ارحمه واغفر له
واجعل البركة في ذريته وصبّر أهله

ولا حول ولا قوة إلا بالله

اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif
سلام ياسارة
بالفعل شرحبيل حمد أطال الله عمره هو من كان يرسم عمك تنقو...
أما خبر الدكتور عصام فهو:

تحياتي


سلامت عادل، اتفق معك في ردك، طبعا في زمنا قرينا عمك تنقو قبل استاذ شرحبيل احمد، ولكن لمن بداء شرحبيل يرسم كان رسم مميز ومحبوب لاغلب الطلبه وشخصيه عمك تنقو ازدهرت برسم الاستاذ بشرحبيل احمد وحبيناها اكثر برسومات الاستاذ شرحبيل احمد وكمان التوقيع في القصه كان واضح باسم الاستاذ شرحبيل احمد, واحتمال اخر فنان رسم عمك تنقو و الناس بتربط بينو بين عمك تنقو لقرب الزمن

تحياتي