إحتفاء بأعمامنا.. رافت, فتحى, حسن, مخير, عصمت, شوقى.. والبقية
تحياتى لهم جميعآ..
ليتنا نحتفى بهم كما يجب.. سنحاول تناولهم كل على حدة وسنبدأ بعمنا رأفت |
سلامات يا جيلي
التحية لهم والاجلال، منهم تعلمنا الكثير ولانزال. |
عن "عم رأفت" بحكي ليكم و " عم رافت" هو الاسم الذى يتردد فى بيتنا دائما و فى مناسبات كثيرة. كل ما حان الاوان للأنس حول الاسرة .. الناس اللطاف .. التنوع فى الوطن و تطبيق الديقراطية فى البيت كمت فى الحياة و السياسة. كل أعلاه هو ما تقوله ابنتى " حلا" عن زيارتها لرافت. فبين ورشتين فى ألمانيا .. سالتنى اين تذهب؟ فأقترحت لها سويسرا عند رأفت و رجعت بكل هذا الحديث .. الحقيقة لم أخبرها عن رأفت غير أنه من " سودانيات" وجدت أنها أول مرة تدخل بيت " أقباط" .. و تعرفهم عن قرب. تتقرب الى امرأة ملتزمة فى ديانتها و عطوفة و دغرية ونادتها " خالتى" من "أول نظرة" ثم بقية الاسرة دخل عمو رافت بيتنا من خلال " حلا" كما لو أننا نعرفه لأول مرة. أمس كانت تحكي عن وصف منزله و " بيت السقف" و لحظات الوداع. و سأرجع لأكتب عنه كما عرفته |
كدى نتابع بس أوع تكونوا داير تقعدونا فى الواطة .. نحن جيل خطر بنقاتل من المهد للحد .. كدى النشوف آخرتا
|
الباش,
والكانديك سلام ياصحاب, أحكى يامعتصم يااخى, ولنكتب عن الأجمل بيننا.. حلا دى صورة من أمها, وهى تدخل البيوت كما تدخل النسمة, وفيها من ابيها كثير حب للمعرفة وتشوق لفك طلاسيم العلوم والفن.. احكى يااخى فلقد فتحت النوافذ على النسيم |
اقتباس:
انت بس تنأطنا بسكاتك :p |
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif كدى نتابع بس أوع تكونوا داير تقعدونا فى الواطة .. نحن جيل خطر بنقاتل من المهد للحد .. كدى النشوف آخرتا --------------------------------------------- يمكن دايرين يحيلونا على المعاش يا مقدس....انا غايتو veteran وكمان فتران.... |
اقتباس:
دا الدبل كيك :D |
اقتباس:
كدي يا جيلي حدد لينا البقية دي حدها وين ما نقوم نطلع أنا وعمك عصام كيشو وعمك عاصم شبارقة من المحتفى بهم :D:D .... |
معرفتى بعمنا رأفت سببها ود الحاج..
قال لى ذات تلفون: - يااخى عمك دا زول جميل ومط جميل على طريقته.. تحادثنا أنا وعم رأفت كثيرآ فى اسكايب (قبل الخرف بتاعو ا):D وكان فى الاغلب يبدأ حديثى معه قائلآ (انت يالجيلى.......) ثم ترن ضحكته أفتقده وأفتقد الجلوس إليه والفضفضة.. شغلتنى عنه أنياب الدهر وأظافره.. فياعمنا الجميل أنا فى الطريق اليك |
اقتباس:
|
اقتباس:
انتو ناس جلاكين لسه ماارتقيتو لمرحلة أعمامنا :D:D |
حقيقية ما إتوقعت الذكورية و الشخصنة حقتك دي !!
ليه ما ختيت خالتك سارة مع المكرمين ؟!! الخالة سارة دي لمن قعدت ...عمك رأفت ده كان في ميعة الصبا !! :rolleyes: |
اقتباس:
هي يا رأفت مادايرين يقعدوك بس كمان فيها سكات... والله تحنن على قولة بابكر عباس الجيلي جميل منك هذا الاحتفاء فهم يستحقونه...:L غايتو ماعارفة من دخلت المنتدى دا رافت دا ليهو احترام خااااص,, له ولهم كل الاحترام والود... |
..حبيبنا الجيلى..
لك الاعزاز وانت تعيد ذكرى الرعيل الاول لجيل..فذ. يمتد ويسترسل.. وطالما بدات بكبير القوم..الاشاره والاماره...الجنرال رافت ميلاد.. فهو قطعا مثال فريد للسودانى القح المتماسك المرتبط بتراب ارض الوطن والمنتمى لذلك النسيج الذىصنع منه السودان..والذى شواه ما يجرى فى الوطن رافت رجل اخو اخوان وصنديد..وشيخ قبيله ..تلتقى به تحس بانك تعرفه منذ اجيال طوال.حبوب ومباشر..وودود.. التقينا معا من خلال سودانيات فى مطالع هذا القرن.وقتها كان السبب الراحل ود الحاج..والاخ اسماعيل التاج..وتوثقت بيينا العلاقه وبصفه خاصه مع الاخ الصيدلانى محمد ابراهيم قرض الى اختفى عنا منذ سنوات وارتبطنا معا من خلال اسكابى مع الباشمهندس بندر شاه فى سياتل بامريكا ..ومجموعه من الزميلات كانت فى طليعتهن الراحله اشراق ضرار...كانت الصله بينه وبين دكتور بابكر مخير لصيقه ومتينه..ولا انسى موقفا اجتماعيا راقيا ومؤثرا حين اتى لزيارتى فى لندن معزيا..وقتها كنت فى المدرسه السودانيه لتدريس اللغه..اتى خصيصا من اجل اداء فروض العزاء لى فى رحيل شقيقتى امال العالم...وتواصل معى ياستمرار وخاصة فى فترة مرضى الحرجه.. رأفت شخص نادر ووفى..وحبيب..وصميم.. طبعا كل جوانبه مشرقه ب كل ما فيها ...وله المشبوب باسحار الجمال...وينابيع تدفقه..وذلك السحر المقفىء..؟؟؟ دا الجن الاحمر الساكن فى دهاليز واضابير سراديب دواخل الحبيب الجنرال رافت ميلاد... لكن يبقى دائما هو ذلك الاسم المـتالق سيرة ...وجوهر..وصوره فى اشتراك متسع مع كل علاقاته الاجتماعيه..ومحبوب من الجميع... يعنى دا طراز نادر من الناس... فهو شخص نادر وفريد.. ودى شهادة بى تحيزاو تميز. وهو كما يدعوه الجيلى الخواجه..فهو خواجه من اصل البلد.. نتمنى له الصحه والعافيه هو واسرته الرائعه.. وبث...!!!! |
| الساعة الآن 02:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.