نحنا الفصلنا الباكم ...
 

إستغربت إستخدامه لكلمة (باكم)
لكن سرعان مازال إسغرابي عندما علمت أن له أقارب بحي السكة حديد بعطبرة ...

لايعلم الفيسبوكي الصغير أن فصل الباكم يعطل مسيرة القطار
لكنه لايفصل العربات عن بعضها ...

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif
سلامات يا منتصر

والله كنت متحير من (فصلنا الباكم) وقدر ما قريتا ما فهمت حاجة .. الفيسبوكى ده لاقطا وداير يستعملا والسلام

كدى ورينا فصل الباكم دى شنو عشان نفهم التعبير الأتبراوى ده .. تعرف أنا أربيت فى سكة حديد الجزيرة وما بعرف الباكم ده .. لكن بعرف (الدنكيبر) .. بعد زمن وسنين عرفت أنها الـ(timekeeper) :D:D
----------------------------------------
الباكم هو ال Vacuum... ولوتذكر يا رافت ان عربات القطار غير ال metalic coupling تكون مربوطة ايضا بانابيب للهواء المضغوط وظيفتها فرملة القطار عند الحاجة
اذا فصلت هذه الانابيب توقف القطار...وهذا ما يعنيه فشر الفيسبوكى

تحيه طيبه
اتذكر ونحن صغار جدا في بداية الدراسه اظن اعتدنا تمضية عطلة عيد الاضحي مع اهلنا في البلد فبنسافر يوم الوقفه ...والدنا ذلك العيد كان شغال يوم العيد فسافرنا مع والدتنا ونحمد الله نحن خمسه اطفال مفروض القطر بقيف خمسه دقائق في المحطه فهدن شويه ثم بدا يسرع وم نزلنا امي كانت اقرب للسلم تنزل اشان تمسكنا واحده واحده بس مع ازدياد حركة القطر امي كانت نزلت ونسمع ليك المره ضربه القطر المره وقعت المره ماتت ونحن الخمسه م صدقنا خبر هاك ياوأأي امي
واااي :D
واختي الكبيره الله يديها العافيه جنس مناطحه اشان تحصل امي قام واحد عسكري جر الباكم وفووووو القطر وقف نزلنا ولقينا امنا واقفه مع اهلها تتونس وتضحك من المناظر النزلونا بيها غايتو شديده تحمد الله
السفر بالقطر دا كان متعه متعه

سلام يا مها
انت من دربك دا تمشي وتخشي مع الفيسبوكي وتكتبي: نحنا الفصلو لينا الباكم، وبي كدا تكوني تبوأت وحفظت دورك بين الأجيال:)

وعليكم السلام مولانا

:)
الفيسبوكي دا بكون ناس 95وكدا
فنحن جيل الوسط الفصلو لينا الباكم :D




هيبه وجبره

كيفك رأفت
جدنا الله يرحمو فضل ينتقل من قطية لي قطية لامن بقا ناظر محطة المسيد
وأنتقلت العدوى إلى الوالد لكنها كانت عدوى عابرة لم تتجاوز العشر سنوات
ثم جاء النميري وفصل الباكم ...

حسن فرح

شكرا علي الشرح الوافي
شكلك عندك إهتمام بي مكنكة الديزل

يا مها خمسة دقايق دي بتكون سندة ما محطة .. وعادة الوقوف في السندة
أقل من 5 دقائق وأحيانا تكون (تهدينة) فقط ثم يبدأ في الإنطلاق .. عالم القطارات
دنيا قائمة بذاتها .. للأسف بعض المواطنين والعساكر يقومون بفصل الباكم لأسباب
لاتستحق ذلك إذا تأخر أحدهم في الصعود رغم صافرات القطار الداوية أو النزول في
مكان لايتوقف فيه القطار .. بل البعض يفصل الباكم ليكمل سجارته ...

سلامات كيشو

بعض الفسباكة وليس جميعهم لايعترفون بفضل الأجيال السابقة
ويعتبرون أن التاريخ الحقيقي سيبدأ من عندهم .. لن يستصحبوا معهم تجارب
الأجيال السابقة بل يعتبرونها عبئا يجب التخلص منه ومكانه الطبيعي هو متحف التاريخ
قد نتفق معهم في بعض التجارب أو الأخطاء الجسيمة ...

لا تجبروا أبناءكم على أخلاقكم

فإنهم مخلوقون لزمان غير زمانكم.

- أثر - منسوب إلى علي بن أبي طالب رضي الله عنه -

سلام منتصر
ترى هل يعود للسكة حديد مجدها، قطار جديد بين الخرطوم وعطبرة

http://www.alrakoba.net/news-action-show-id-121704.htm