لحن الجمعة
 

اسمعوا معاي

ست البنات صباحاتك بالخير وشكرا على اللحن المنعش والكيف يكتمل مع فنجان قهوة الصباح المطعم ببانجقلى من ام نص وام راس......


https://www.facebook.com/photo.php?f...type=1&theater

الأغنية دي عبارة عن مثلث متساوي الأضلاع

الضلع أ ب الفنان محمد ميرغني
الضلع ب ج الشاعر السر قدور
الضلع ج أ ....... الملحن ..... دا عليكم تجيبوهو عشان يكتمل المثلث الذي يضم أروع قامات الفن الجميل ....

مافي زول يقول لي حسن بابكر بإعتباره ملحن معظم أغاني محمد ميرغني ..أبداً واحد تاني وكبير ضمة ضمة ...وواضح جدا تعرفوهو من الميلودي بتاعت اللحن....

والتحية لللمبدعة حنان النيل والتحية ليك يا جيجي

كسرة: أخونا حسن .... ما أحلاهن وما اشهاهن (التميرات) ديل مع فنجان جبنة وخصوصا أم راس واللا نصها


+++++++++++++++++++


طيب حيث كدا النجاوب برااااااااي.....وتاني ما بكرر...وطبعاً وأكيد ما كنت قاصد إمتحن زول ولكن كان القصد الجرجرة لإثراء البوستا

الفنان الكبير والملحن الفذ .... العاقب محمد حسن

عرجونة الزمن الندى..
وشهرزاد سهر ليلى الطويل...
وترف الجمال الدافق ...
واشراقات الصبأ..وتفتح النضار..
وست الحسان عبر مرافىء كل الزمن..قيمه وحديثه..
ولعل انسرابة ذلك النداء وهو ينفلق..من بين النياط..فى تدفق الحنو الحنين..فى مناداة تبتل تهفو فى استدعاء الاستفاضه..تسعى وتبترد وتضطرب..
وجموح تلك الخيول المتمرده فى طراد العشق...وهى ترسل صهيل اشواقها..فى زفير..وفى شهيق...يحتدم...
جيجى..
ايتها العرجونه..المدى.
مالك على زمان شيخ هرم...تهتكت كل حواجز مقاومته..وتفتقت كل قوامات تجلده..
فاصبح فى مهب رياح العشق الجامحه..تقاذفه رياح الوجود..تتلاعب به امواج الهوى..وتذروه الرياح ..
برغم كل ذلك..
ما اروعه اختيار...من مصادر ذوق فنانه ذات حس وجرس نافذ..
شكرا..للعطاء الثر..الدفاق..