تهنئة لنا وللمنبر بصدور ديوان المهندس محمد حسن الشيخ العالم
 

الف مبروك وتمنيتنا بمزيد من التقدم والازدهار

على ناس الرياض الاحتفاء به بما يستحق واختيار زمان و مكان لوصول ناس الدوحة و الامارات على الاقل ..

الخواجات بقولوا:
you hit the nail on the head
وأهلنا بقولوا:
جبت الرايحة
والشباب بقولوا:
دا الزيت
والمكسيك بقولوا:
você disse direita

فالديوان يستحق (استراحة) للاستماع لبعض الاشعار مقرؤة من سيد الديوان
والاستمتاع بغناء خوجلي عثمان الصغير :biggrin:

لكن غايتو للضمان كدة
مبروك يا هندسة الديوان وعقبال المزيد من الدوايين
وان كان شعرك ما عندنا ليهو رقبة
لكن والله بكيفني للدين، فروح شعرك اقوى من معانيه

حقا ان الكلمة لديك تنتقي من ثيابها مايليق يا ود العالم...
ابارك لك -من القلب-الاصدارة وأرجو أن تترى من بعدها اخيات لها بذات الدلال...
وشكرا ود الشيخ على (بخ فتيل الريحة)...
ودادي

الف مبروك صديقنا و زميلنا محمد حسن الشيخ العالم هذا الابداع و
الإصدارة الأنيقة، الف الف مبروك، مع راسخ و وافر التحايا و اجمل
الأمنيات بدوام الالق و الانبهار..

يا ريت والله ،، وأتمني أن أكون حضوراً أيضاً هناك

فلَرُبَمَا { عُمرةً } ولو بعد حين ،،، رُبَّمَا


ياخي أنا ظاااااتي مكسيكي ياخ ،،، والعجب لامن يغني غناه ده خوجلي الصغير بالمكسيكي كمان :075:



هو مش ممكن الواحد يتني ويتلت كمان ؟؟ ياخي في القهوة الراس بيظبط بعد التلتاوي مروراً بالتني وبدءاً بالبكراوي

فشنو ،،، شباب الرياض قادرين علي تنظيم وتوثيق جلسة الإستماع

انا أضيف للباش معتصم والود أسعد والعمده عكود التحريض ،،، أحرضكم للإحتفاء بهذا الصديق الجميل وبديوانه وتوثيق جلسة الإستماع كمان

ياخي إنتَ بس كتر من مباراتك ليهم في شان تَبِرَنَا ببنات جداد لنج أخوات لذلك الجواز الذي صدر في الخرطوم

وبطل كسل يا مان ياخ


ألف مبروك صديقي الجميل محمد الحسن العمدة صدور الديوان وعقبال الفي بالي وبالك ياخ

صديقي الحميم
ود الشيخ ونحن هنا أيضا نلتقي ..
قالها الفيتوري ذات صيحة :
( لم يتركوا لك ما تقول ..... )

وها أنت الآن تحذوا
وليس لدي ما أقول
ليبق القلب متشبثاً بكم ..

ناصع المحبة.