أصدقاء المهنة
طبعاً نسيت أسم صاحب البرنامج التلفزيونى الناجح (أصدقاء المهنة) وطبعاً فى البزكرونى بيهو فما مشكلة
من داخل كل مهنة هناك حياة مليئة جهد ونجاح وخذلان وطرائف وأحزان .. بما أنو بقى بيناتنا مجموعات زملاء مهنة واحدة دايرين نتغلغل فى حياتم المهنية بدون بخل وبأريحية تامة المجموعات المؤثرة المحامين والأطباء والآن الشرطة دايرين نبدأ بالمحامين |
العزيز رأفت
فعلا الفكرة ممتازة نحنا ناس بيئة وموارد طبيعية وان شا الله علي الاقل ممكن نحكي عن تجربتنا في العشرين سنة ماضية تحياتي وتقديري عبد الله جعفر |
صباحك خير يا خواجة
الله يفك ساجورنا وأجيك. ياخي الوقت ممحوق، نباصر فيهو مباصرة. كثيرون هم الذين عبروا في ذهني. تحياتي لك ولهم حتى نرجع |
أستاذنا الجميل رأفت
أسعد الله يومك في المنتدى . . اعرف طلال وهشام ومجدى . . المشكلة إننا تعارفنا في الحياة أكثر من المستشفيات والمراكز الصحية وغيرها من المؤسسات الصحية والطبية . نبدأ كما قلت بفئة أخرى حتى تفتح وتسلك لنا الطريق لك الود |
بسم الله الرحمن الرحيم
بالجد ، نافذة مريحة وممرات نحو الماضى ، حيث الحكى الطاعم والونسة المرتبة ، بالنسبة لناس البوليس سبقتك الزولة اللماحة الخلاقة سمراء ، فى بوستها الجميل ( إستراحة مع الكاكى بسودانيات ) ، لكن لا بأس ، http://www.sudanyat.org/vb/showthread.php?t=21982 أبدأ بالدكاترة ونحن خلينا فى النهاية ، كل الود |
حبيبنا رأفت
اتكاءة مريحة كعهدنا بكم الاعلاميون ـ الصحافه ـ الاذاعة ـ التلفزيون ـ ...... خلينا نشوف مين |
*** ميلاد يا جميل سلامات أعتقد ان المذيع صاحب البرنامج هو الدكتور الشاعر المعز بخيت تقريبا .
:cool: بعدين أنا ناس البوليس ديل اديتم ورقتم زماااان ما تحسبني معاهم انا مع ناس الاستراتيجية حاليا فـ لو في زول استراتيجية يقول عوك :like2: |
الخال العزيز رأفت السلام عليكم
إن شاء الله تكون بخير وعافية وأسرتك الكريمة يا خال أرسلت ليك أكتر من رسالة على الفيس وصندوقك تبع سودانيات ، ولا هببتو لي إن شاء الله عافية التحية/ عثمان الطيب |
أعتذر على التأخير إثر وعكة أمهلتنى قليلاً :smile:
اقتباس:
ده جزء من الفكرة كبير وخاصة فى مثل هذا التخصص الذى لا يجد الإهتمام الجاد من الدولة ومن عامة الناس .. أتخيل هذا المجال لجنود مجهوليين بمجهودات أقرب الى الفردية وبإمكانيات تكاد تكون معدومة .. أتخيل المعاناة فيها لمن يؤمن تماماً بضخامة مهمته التى تقع على عاتقه .. هنا فى أوربا أصحاب هذا التخصص لهم وزن إقتصادى وإجتماعى وضغط سياسى لتوجه الحكومات فى حماية البيئة من غول الرأسمالية الذى يهدد البيئة بالتوجهات الإستثمارية يا ريت تتغلغل لينا فى هذا التخصص وخباياه وتجربتك الشخصية .. اقتباس:
تخصصكم من كفاح وطرائف ومفارقات أكيد يملأ مجلدات .. التجربة الشخصية والعلاقات الإنسانية بين أهل القانون مربكة ولطيفة ما تنسانا مع المفارقات التى تحدث من المواطنيين (مدمنى) المحاكمات لله فى لله :smile: اقتباس:
دى برضو منطقة لطيفة وهى علاقات الأطباء الإنسانية بعيداً عن دوامة العمل المرهقة .. علاقات الميزات واللطف فى العلاقات الذى يُضرب به المثل فى لون الشاى الأخمر .. هناك مضايقات من الناس تحول من ممارسة الحياة الطبيعية برضو ما تنسونا منها .. عندنا صديق طبيب إذا أشتكى ليهو زول من حاجة فى مجال عام ردو سريع جداً بيقول ليهو (ياخ دى حاجة خطيرة جداُ لازم تمشى للدكتور فوراُ) :biggrin::biggrin: اقتباس:
أنا غايتو أدفع نص مليون عشان ألاقى أخبار سمراء دى .. تلفونا ضاع منى فياريت ناس ناصر ومحمد زين يساعدونى حقو نخلى قصة البداية والنهاية ونخليها مفتوحة .. غايتو البوليس ده فيهو خبايا عجيبة فيا ريت نبدأ بالميزات على ذكر الميزات كان ضباط سلاح النقل عندهم ميز جيهات كبرى شمبات .. صاحب الميز عميد بدون أسماء كان رئيس نادى المريخ :smile: داير يفضى الميز لإستغلاله فى حاجة تانية .. نظم مع صديق ليهو فى البوليس يعمل (كشة) على الميز ويوم الخميس .. الضابط بتاع البوليس المسئول من الكشة (رائد) كان زول عاقل جداُ مشى الميز قبال الكشة بساعة وأخطرم بكل زوق أنو ماش يكشهم بعد ساعة اقتباس:
الإعلام ده مجتمع بحالو .. رغم لمعانو الشديد فى المجتمع برضو مُجحف فى حقو شديد وفيهو أسرار محزنة وطريفة ومجهودات فردية جبارة ونكران ذات ولا يخلو من دسائس وخباثة من المدسوسين والملمعين بدون موهبة ننتظر منهم اقتباس:
ود أب سن فاتو البنطون لامن ظهر فى القيفة البنطون رجع ليهو قام أفندى أخدرانى كده قعد ينقنق الرحلة كلها (حرروكم من العمودية وأنتو ما دايريين تتحررو) وكلام من الشاكلة دى .. ود أب سن ساكت يعاين ليهو .. لامن البنطون وصل ناداهو بهدوء وقال ليهو (يا ولدى العمودية دى تب كرهناها بس تقول شنو لصقت فينا زى قولت يا عب أصلو ما بتطلع من الزول) :biggrin: أها خليك معانا اقتباس:
وصلتنى رسالتك فى المنتدى وواحدة تانية من حبيبنا آخر الموانى .. راجع ليكم بمزاج بعد الوعكة الأمهلتنى دى :smile: هو أنا لاقيكم وين .. بجيك فى الفيس البوك الما قادر أتوائم معاهو ده .. ياخ خليك معانا هنا زى زمان تفرح أيامنا فى فينيسيا بتوعين الطبالى ببيعوا فنايل (تى شرتات) مكتوب فيها http://www.force18.co.uk/image/cache...ck-640x640.jpg :biggrin::biggrin: |
السلام عليكم رأفت ميلاد
حقيقة الموضوع شيق وجميل .. واول مرة اشوف لي سواق تاكسي يحمل درجة دكتور نكتفي بقرائتكم د / عبد الله جعفر دي طوبتي وحاجز في قاعة البيئة . والتنمية المستدامة وعن استعدادات السويد و النرويج والمانيا للاحتباس الحراري .. . دولنا الافريقية مكبات نفايات نووية .. والعربية اكبر منتج لثاني اكسيد الكربون .. قيادة سيارات بس |
اقتباس:
حبيبنا حافظ والشوق ليك وتلفونات الليل لامن تكون واقف منتظر بالله ما تقرانا خش معانا وأحكى تجربتك وتجاربك مع الآخرين من التخصصات التانية |
ماشى أدلى أنا بآراء إنطباعية عن التخصصات اللعبت الصدفة الإحتكاك بيهم عشان يتحركوا معانا :smile:
طبعاً الشرطة والأطباء لا مفر من الإحتكاك بيهم على مستوى الصفة الرسمية .. أما عن الخصوصية دائماً هناك حاجز فى أريحية التعامل إلا أن تكون نشأت مع الشخص أو ذو قرابة .. مثلاً عندما تجمعك وجبة (غدا) مع مجموعة من الأطباء تجد نفسك غريب عنهم وأكثر الوقت مستمع وليس مشارك ملاحظة عن الشرطة والجيش توجد هوّه بين الضباط والعساكر .. تقل فى سلك الشرطة عن الجيش .. للمصلحة الخاصة الأفضل التعامل مع عساكر الشرطة أكثر من ضباط الشرطة فهم يعرفون من أين تؤكل الكتف ويحسنون التعامل مع الضباط حسب نفسياتهم :smile: |
| الساعة الآن 05:05 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.