سودانيات .. تواصل ومحبة - البوست الليلي

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - البوست الليلي (http://www.sudanyat.org/vb/showthread.php?t=32012)

خال فاطنة

25-07-2015 05:36 PM

البوست الليلي

دا جخنون للكائنات الليلية...
البجي داخل هنا يتحمل مسئوليتو براهو...
في ناس بتكابس بالليل بس، ديل بنصحهم يجو شايلين معاهم البطارية ام حجرين...
ممنوع دخول من تجاوز الخمسين سنة من امثال ناصر يوسف

فيصل سعد

25-07-2015 06:04 PM

ناصر يوسف براو؟؟ قول اتنين..
بطارية تلفون تنفع ولا نمشي
نسعى لينا رتينة :biggrin::biggrin:
المهم،، حاجزين في الصف الأول..

احمد سيداحمد

25-07-2015 06:59 PM

اقتباس:

المشاركة الأصلية كتبت بواسطة خال فاطنة (المشاركة 640016)

انا غايتو لسة ما كملت الخمسين ، فشنو: احسبوني معاكم وبساعدكم بالاغاني .
تحياتي

عبد المنعم حضيري

25-07-2015 07:17 PM

وانا برضو اندر تونتي ... تين ايدج....

مرابطون

فيصل سعد

25-07-2015 10:16 PM

اقتباس:

المشاركة الأصلية كتبت بواسطة عبد المنعم حضيري (المشاركة 640020)

وانا برضو اندر تونتي ... تين ايدج....

مرابطون

أندر تونتي من المية و كدا :biggrin::biggrin:

تسلم يا حبوب.

منتظرين البوست يبدأ
و لا زال الليل طفل يحبو..

قرقاش

25-07-2015 10:34 PM

اقتباس:

المشاركة الأصلية كتبت بواسطة خال فاطنة (المشاركة 640016)

دايرين تقعدوا في راس الشارع للصباح ..والله حكمتوا بالغه ...ماينفع والله الباب ح يتربس مع نهايه اخبار الساعه تسعه بعد داك كل واحد أخير ينوم قبله ...ماعندكم شغل بكره .. شكلنا متكلين على حيطه مائله ..ونق نق نق نق نق

ود الخير

25-07-2015 11:02 PM

فما أطال النوم عمرا ولا
قصر فى الأعمار طول السهر

خال فاطنة

26-07-2015 04:22 PM

يا هلا ...ناس الليل...الضلام سمح و الله...
يا فيصل الرتينة زااااتا ما بتحلك...

خال فاطنة

26-07-2015 04:24 PM

اسمر و الحضيري و قرقاش...نزلتم اهلا و الله...
سلامات يا ود الخير

خال فاطنة

26-07-2015 04:40 PM

نتمنى ان يرافقنا الطرب و الوجه الحسن و شوية حوار يستعدلنا.
واحدة من المقولات المثيرة للجدل في الفلسفة الوجودية فيما معناه كل مسودات الاخلاق التي توجه السلوك البشري انتجتها ارادة بشرية مقيدة...
مقولة جديرة بالتفكيك لكونها تلمح لغياب الارادة البشرية في نظم الاخلاق المتبعة...
الجيلي و الحضيري اتحزمو للكلام دا...
فيصل اب رتينا دا خلوهو لمن يتبين الخيط الابيض من الاسود بجينا..
اسمر بالله اسعفنا بوجه حسن من القرن الافريقي...
ود الخير و قرقاش شكلهم بسخنو...

الساعة الآن 10:15 AM.