رحلتين في مشوار واحد
دهشتي وصلت مداها حينما أخرجت المضيفة عند مدخل الطائرة
قطعة حلوى ناولتها صغيرتي وهي تبتسم بلون الصباحات البهية ، أحلى ما لدينا هو التضاد بين بياض أسناننا ولون بشرتنا !! شكرتها بعد أن ألجمت عربدة "الخلعة" التي إعترتني .. يا ربي أنا بالجد في السودن ؟ وفي الناقل الوطني كمان ؟!! فقد بدأ كل هذا المشوار بنفس المنوال .. قابلني موظف الخطوط بأريحية متناهية وهو يكمل إستخراج كرت ركوب الطائرة وتمنى لي رحلة سعيدة وعوداً حميداً وقريباً لأرض الوطن ... أحكمت قفل أزرار سترة طفلتي لئلا يصيبها مكروه من فرط برودة الصالة داخل المطار ، ساعدني الموظف في وضع لسان حقيبة اليد على كتفي .. لم نجلس كثيراً في صالة المغادرة لإعلان مكبر الصوت عن موعد أقلاع طائرتنا .. لم أجد زحامنا المعتاد .. على بوابة السفر رقم 44 .. والمزيد من الإبتسامات تتوزع عند مدخل الجسر للطائرة ، وطفلتي نالت نصيب الأسد من المداعبات ، عبر الجسر وصلنا لمدخل الطائرة فكان موضوع الحلوى الذي ذكرت ..!! فجأة تناهى إلى مسمعي صوت ديك محشرج .. الله !!! دا شنو دا ؟! قالت مفاصلي .. تأملت حولي ، كان حوش بيتنا الما بغباني ماثلاً ملء البصر .. و.. و.. حينها فقط أدركت إنني قد جئت اليوم من سفر بعيد وبكل عناء الدنيا تهاويت على سريري القديم ولم أستيقظ إلا الآن ، فقط من عناء الرحلة قد علق بذاكرتي عبارة المضيفة في سودانير حينما طلبت منها ماءا لطفلتي قبل الإقلاع .. فردت علي بكل ما أوتيت من مقدرة علي الإرهاب: أسمع يا أخو ، ما تفتح لي باب موية ...!!! وتبقى إيه الدنيا من بعدك تكون؟؟ |
اقتباس:
الشكية لله يا عاشق كتلت في خالك الفرح بتفتكر يجي يوم يتحقق حلمك ده وأظنه حلم كل" الأزوال" إنه علي كل شيئ قدير!! |
عاشق النيل
مرحبتين بي حضورك قال حلاوة قال :eek: أسمع يا أخو أفتح للأحلام شارع :D |
[grade="00008B FF6347 008000 4B0082"]ياعاشق النيل
مادام النيل يجرى سنظل نحلم ............. بوطن أجمل لك خالص الود بنت النيل [/grade] |
أها والحلاوه ........... بتك أكلتها ؟؟!!!!!!!
يعني شوية ظكاوه وكدي ... إلا لكن يا عاشق النيل عندنا في البصات حقات السفر بين الولايات يعلم الله قاعدين يدونا حلاوة وحاج ساااااااااااااااااااقطه وكمان وجبة فطور سمعنا كدي مرة إنو بص كاااامل إتسمم بي وجبة السفر إياها وقاموا وقفوها طوااالي بقرار وزاري أها ومن ديك أنا تاني ولا سافرت ولا حاجه بس عليك أمان الله البنيه المفعوصة بنية الطيارة الما مضيافة دي صدقت والله .. لأنك غلتان وثم غلتان والغلت راكبك من راسك لي كرعيك . إنت وكتين عارف إنك ماشي تركب طيارة السجم والرماد دي ومعاك بنيتك عاد مالك ما سويتلك إحتياطي وكدي ؟ يعني فوق المعني كدي ما شلت معاك موية صحة ساي كدي مالك وأهو النيل قدامك عبي منو من هسي موية الرجعة . أيا عاشق النيل حبابك بين أهلك وبيناتنا ونتمني لقياك هنا في الوطن البراح .... |
اقتباس:
نبقى معاقرين الأمل بما تبقى لنا من تحيز للوطن لكن الشايفاه عيني ... الله يستر !! دم طيباً |
اقتباس:
مرورك هو أكبر شوارع الحلم .. تسلمي |
اقتباس:
والله كلامك بدي العشم رغم إنتفاء دواعيه لكن طول ما النيل لديه أمثالك من البنيات مافي خوف على الوطن تسلمي |
اقتباس:
والخلى بصات الولايات تتطور إنشا الله يغشى سودانير والمرة الجاية بعمل حساب موية الصحة .. وربنا يجمعنا في ساعة خير دمــــــت |
| الساعة الآن 10:58 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.