كفارة البيك يزول ...هدية للمعرِّسين
[align=center]
من زمـني الصِّبَي وأنا كنت بحلم أعرِّس حد ما أشوف لِي تُوب دَاقِّي الوَحِيح مِتجرِّس واقف فـي المـرايا وكل يـوم مِتلبِّس أجلـُط فـي وَشِي بالنِّيفيا ليهـو أملِّس مَاسْكْ أمِّي وأخـالي ومـرَّة فيها أحنِّس تَخَتِِب لَي بنية سميحـة ليّـَا تونس باريت الشباب في الحِلَّة حـايم أجكِّس لاقيت لي بنية ورُحـت عييييك مُدبِّس شَـرَك الحُب قبض ووقعت فيهو مكبِّس كِنكيشة عـدوك بى إيدها أخنق فَطِّس مرَّت بى سنين جوّا القفص متكـرفس في الاول هُـيام وزهـور وباقات نرجِس وهسه بقيت عديل أشهق براي وأعطِّس حليل أيام زمان كابِّي الضِّحِـك متونِّس حتى أكان بقيت جيعان وجـيبي مفلِّس هَسَّـه بقيت تجي وتلقاني صارِّي مدبرِس ومـَرَّاتاً براااي أنضم تقول ده مهلوس كان الجيب زمـان مليان قروش متكدِّس وهسـه العنكبوت ماليهـو لمّـا مسوس فرَّامة الجيوب بى إيدها ماسكـا وتهرِس جنَّنَت التِجـار تمشي وتجـيب وتَدَفِّس دولاب الهـدوم نامن بَكَى وبقى يرفِس والإيدين دَهَب كِشكيشو لامَن يَضرِس وكان شُفتُو الشُبَاطة الكـارًّو زااتا تَفَنقِس إن دُرتَ المـروق قالت لي قبَلَك أجلِس روح شـوف الولاد ذاكِر معاهم ودرِّس وإن زعلت تَنِقْ والنِقَّة حـاجة تَمَغِّس وإن فَـاقَت كَلِيلَة ودِمْنَة لمَّـا تَنَعِّس وإن جـونا الضيوف تلقاها ماسكة المجلس تَحَمِينِي النَضِم دايمـاً عَلَيْ مِتحَسِّس شهَّتْنِي الهَـبُوب يا أخـواني كُتْ متنفِّس يا ريت لو زمــاان ما قلت داير أعرِّس[/align] |
اقتباس:
الله يجازي محنك يا عبد العظيم يا اخوي... يعني ما نفكر في الموضوع دا ولة شنو؟؟؟ :p كيمان مودتي... دايرييييييييييييينهِن إنشاء الله يشِدِّن سرِجِن!!! ;) :D أبو الحســـــــــــــين... |
واضح المدام ما شايفه شغلها كويس
--- لسع عندك فرفره يديك العافيه |
اقتباس:
والله فرقت علينا ربنا يديك الفى مراادك.... تخريمة: نيفيا...يا ربى هسى بيستعملوها...؟؟؟؟؟ |
اقتباس:
فكر يا اخوي .... وكان عزمت توكل وحضِّر ( البردعة ) للسرج :D |
اقتباس:
أم راشد .... :D :D سلم لي على أبو راشد :D |
اقتباس:
فرقت عليكن .... علا الله يلمني في الفرقتها أنا ... :p أماني فرقت لي كترت ورق آ ود عثمان |
اقتباس:
|
اقتباس:
والله ياعبد العظيم كان فى زيادة تبقى مصيبة ما هو البانتومايم ما ماخدنو فن . الموضوع تكميم للأفواه الواحد لما يطلع من البيت بعمل بروفة يتكلم براهو يشـوف حسـو قاعد ولا اتبلع . كان سـمعك زول يفترك جنيت بتتكلم براك :confused: تحياتى |
ما دخلت الفلم دا لكن قصيدتك دي بخليها في بالي في اي خطوه لي قدام ..
:D :D |
:D
كود PHP:
وانت يا عبد العظيم بتبالغ خصوصا في كود PHP:
بالغت والله ننضم جنس نضم :D :D :D |
:(
اقتباس:
سلام قمت بتوثيق كلامك بالإقتباس أعلاه و مافي طريقة يتغير نهائي(وثيقة إتهام) أديني موبايل و إيميل المدام و أرجى ورقة المحامي :mad: قال كليلة و دمنة قال يسكتوا يقولوا اصابتهم هاء السكت ينضموا..يقولوا ماسكات المجلس حددوا عايزين شنو بالضبط إنتوا :mad: :mad: :( :( |
اقتباس:
عبد العظيم، ما تؤاخذني يعني (حقوق الطبع لود أب ريدة) قصيدتك دي بدّيك فيها أعد .. وقابلني كمان :mad: ياخي تذكر الهدوم والدهب والنعلين بس؟ ما حرام عليك .. أين الترامس أين الطقوم؟ أين الملايات أين المفارش؟ أين السجاجيد أين الصواني؟ بل أين .. الصندلية، السرتية، الفلور دامور، الصندل والمحلب؟ ويا أم أحمد دقّي المحلب .. ودقّي يا مزّيكة. كان كدي زولتك دي صحابية بس .. أمسك فيها بي إيديك وكرعيك. |
اقتباس:
ما بنقول هاء السكت ولا سكون الهاء، يسكّتكِن الله إنتِن.. سيدنا آدم نزل من الجنة من شويّة؟ |
اقتباس:
ممكوووووون .... وصاااااااااابر :D :D |
| الساعة الآن 10:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.