هواجس الغياب ... وشياطين اخري .. اعتذار ..
[media]http://www.3aza.com/upload/user_uploads/3mkTango65c4/tango1.wmv[/media]
|
اعتذار لكل الحبايب في سودانيات .. عن غياب غير مقصود في الفتره السابقة ..
واعتذار عن غياب لاحق قد يطول او يقصر حسب المستجدات .. لظروف طارئة ساحاول بقدر المستطاع ان اكون متواجد كلما سنحت فرصة .. التفاصيل لاحقا .. امكن داير اعرس ... ما معروف .. امكن داير ما اعرس .. برضو ما معروف .. :D :D :D دعواتكم بس .. |
الحبيب تنقو
سلامات يازول يا حبوب .. ربنا يتم ليك الفى المراد كان عرس ولا سفرية تانية لبلاد النجاشى :D وأهم شئ حا نكون فى إنتظار التفاصيل بالدقة :p إديك العافية وتعود بالف سلامة وعافية ... |
حبيبنا تنقو . .
ربنا ييسّر طريقك ويزيل عقبات غيابك إلاّ إن كانت خيراً. من ناحيتنا العِمّة جااااهزة . . إنت بس أشّر على الـهدف.:D |
اقتباس:
ربنا يعدل طريقك محل تقبل يا خالد يا ود أم خالد الغياب ممنوع و الزعل مرفوع و أختك عارفها كان بقى فيها عرس...هاند باق بس بتكفي يومين نجيهم محل ماشي نجيب الحريرة و الضريرة و الذي منو كمان و بنديك حقك في الغياب (بس ما تجي تقول شالوني للصالح العام) :D :D :D تعرف يا تنقو أختك ما بتعرف توادع كلو كلو مشكلة ما قدرت أتغلب عليها نهائي رغم سفري الكثير.. ما زالت دموع المطارات و الوداع هي همي الأكبر في كل المطارت أتحاشى النظر للوجوه الباكية.. أيوة...تصدق لأنه الزول بيكون على الهبشة كدي خليني أجيك راجعة عشان أغنيتك دي متعبة بالمناسبة محبة أختك التي تعرفها |
يا اخ تنقو
أزيك يا عمك تحياتي و وصياتي ما تهوجس و لاتشوطن العرس اسهل من شربة موية وانت كان مسرت بتلقالك مرة بت حلال هنية و رضية و الله يديك بت الحلال مودتي ,,,أحمد يوسف |
حبيبنا قارسيا
اقتباس:
:D :D تسلم |
الغالي عكود ..
اقتباس:
:D |
الاخت حنينة
دعوتك سمحة والله مافي اي زعل والغياب محدود لظروف خاصة .. الشنطة خليها جاهزة بنحتاج ليها في يوم مشهود لوووول :D الاغنية دي طبعا بسموها اخر طلقة في مسدس الكابوي عشان كدا اغنية كسارة .. وبعدها الكابوي بجي طالع بنفض في طاقيتو .. :D احترامي |
الاخ العزيز احمد يوسف
اقتباس:
اها لو كان ما عرس دعوتك دي بتجيب الهواجس .. اقتباس:
احترامي وتقديري .. |
[frame="9 80"]الأخ خالد تنقو
لك التحايا ، الزواج هو أكمال لنصف الدين وهي سكن لكم مع المودة والرحمة ثم الرفاء بالبنون وأنت أصلا القروش عندك ربنا يسعدكم نحن جاهزين بالبقعة المباركة للمشاركة يديكم الصحة والعافية[/frame] |
اقتباس:
كان عرفتو ياتنقو قولى عووووك وكان ماعرفتو سجم خشمك;) |
غايتو ناس طيبين طيبة وبحبو الخير للزول كيف ..
لكن جنكم عرس .. :D يعني انا اسة نزلت اغنية واعتذرت عن اسباب وحتي في العرس دا جبتو احتمال وختيت جنبو وجه ضاحك قدر الكتله .. تجو تورطوني ورطة قدر دا ؟ يعني اسه لو في حاجة قافلة علي تكون جاتها سقطة قلبيه .. وشوف حبيبنا عمك د. سيد .. خوفني عديل اقتباس:
الشيله .. ( دا كان في عروس طبعا ) .. قال ربنا يسعدكم قال ... امين باعتبار ما سيكون ... لكن للدرجة دي برضو ... :D :D :D احترامي دكتور سيد .. |
[align=center]غيب تعال وتلقانا نحن يانا نحن..
ما غيرتنا ظروف ولا هدتنا محنة.. ربنا يوفقك في كل امورك ويسهل عليك ان شاء الله.. وإحنا في إنتظار رجوعك لينا بالسلامه.. :)[/align] |
اقتباس:
انا ما عرفتو ممكن الاستعانة بصديق ؟؟ |
| الساعة الآن 09:35 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.