مـــــــــــــلاذ الحـــــــــــــــروف,,,
 

مـــــــــــــلاذ الحـــــــــــــــروف
_________________


اليها ..وهي حبلي بوجع القصائد ..
تنتظر لحظة الطلق الآتيه من رحم الغيب
..لتهدى وحم القصائد أروع حروف...
[align=center]

لقيتك في وسط زحمه
بتسبح في بحور الشوق ...

ولقيتك في سماء الاحلام
تهاتى نجومها ليك ..وتوق ...

لقيتك في دجاى نجمات
تسابق في السحاب لي فوق ...

لقيتك غيمة شايلة الحب
وفي قلبي تضوى بروق ...

* * * *

قطار أيامنا مر سريع
وخلف في النفوس أصداء ..

قصر أيام .. وطول لحظات
بتتمدد معاها
امالنا
واحلامنا
اشجانا
وآلامنا
وتكون لارواحنا ديمه وجاء...

بتنبتى في النفوس أزهار
وفي جوه الحنايا أشجار
وفي صحراء الضلوع انهار
بتتفجر غنى .. وأشعار
اكون هائم.. تكون مأوي .. وتكونى رجاء...

* * * *
لقيتك في دواخلي حنين
امل برجاه .. واتعشم...

يفرهد جوه في الوجدان
يطرد الآهة تتشرد .. يزيل الهم...

أناجيك بمشاعري.. تفيض الذكري
تتدفق .. وتبقي نغم...

لقيتك لي حروفي ..ملاذ
لقيتك لي شتاتى.. وطن ...[/align]

[frame="1 80"]
لقيتك لي حروفي ..ملاذ
لقيتك لي شتاتى.. وطن ...[/frame]

أجمل ما فى الأمر
أن هناك متفائل
وزول لقى ليه زول يحبو شديد ..


ايقاع جميل وفرح وافق المعنى ..

ملاحظة
(لقيتك ) مكررة اربعة مرات .. ممكن أن تدخل مفردة أخرى غيرها ..

معتصم يا هندسه :

اسعدني مرورك بهذه الكلمات..

والامل نافذة نستطلع منها قادمات الايام وعدا وشوقا

ملاحظتك حول تكرار لقيتك لها ايقاع خاص ..ومدلولات اخري لحاجة في النفس

خالص تحياتي وودي ,,,

معتصم يا هندسه نسيت اقول ليك
1000 الف شكر علي الاطار الجميل الختيت فيه المقطع اعلاه

نسائم

شكرا لمرورك الذي عطر هذه الحروف.. واضاء فيها الوهج والجمال..

وفرحنا جدا بلقائك... فاهلا بك عضوا يشع اخضرارا في هذا الوطن الصغير

ودرب اخدر ديما...

تحياتي,,,,,,,,,