عضو جديد يسالم بطيبة ويقول لكم قيلتو عافية
 

مرحب حبابك الف

ونورت

يا محمد
مرحب بيك
الجماعة الفوق ديل شلة واحدة، وفي واحدين لسه ماظهروا، زمان الناس الكبار بيمشوا القهاوي، وبيختوا كراسي بره في العصريات، ديل عاملين فيها عصريين ختوا كراسيهم برة ودخلوا النت، امشي جنبهم واحذر شكلهم لأنو ظاهري
وبعدين انا ما واحد منهم بالجد كدة

:D:D:D:D
معليش يا الرباطابي جات فيك انت بدون قصد لاني قايل مافي رباطابي غير القاصدو معتصم وانا ايدتو في كلامو.. وعشان ما تفكر كتير احنا قاصدين الشاب العجوز الدكتور بابكر مخير رضي الله عنه:D:Dلك العتبي يالحبيب يالفتحت لي في السودان وادسيت مني عشان ما اقول ليك وين الشربوت لكن كتر خيرو ناصر سيف جابو واداني ليهو في الشارع ودا كان ممكن يكون سبب لكن للأسف ما اتذكرت الحكاية دي لما عملت المداخلة والا كانت حتكون مع سبق الاصرار والترصد:D:D:D

الاخ معتصم
اشكرك على ترحيبك وتحذيراتك بس في شوتة جات فوق العارضة لانو الرباطابى جاه اخو لكن عشان ترحيبك الحار ما بقولك انا واخوي علي ود عمي ودمت لي

OMRASHID
شكرا علي حسن الاستقبال

الاخ فتحي
شكرا على الترحيب و شكرا علي التحذير من الاسمو اول حرف فيه معتصم وعلي ما اعتقد ان الفكاهة اصلها من الفاكهة لحلاوة فيها وجميعها مفيدة للصحة كما قال الاديب الرباطي الاسمو طار مني
تخريمة : انتو الرباطاب ديل مالكم معاهم . انا غايتو رباطابي بس عيني ما حارة الا فيني شوية مساخة حلاوتي غسلتها زمان في ترع الجزيرة
مع مودتي

قريبي الرباطابي
ذكاء الرباطاب وسرعة بديهتهم وحسن توصيفهم لما حولهم جعل من لا يملكون مثل هذه الصفات يقولون عينهم حارة (وهي فرية اطلقها في اول الامر شايقي علي ما اعتقد )
اما المساخة فهي للرد علي الاسئلة الغبية او تلك التي ليس في محلها
غايتو نحن المساخة بنعترف بيها اما العين الحارة فهي كفرية العرب علي السودانيين بانهم كسالي
وكيمان من المحبة للكل

الاخ كيشو
مرحب بيك في دارك بس عليك الله ما بتقول حليلو الزمن داك زمن القهوة وقعدة العصاري وشلة الانس

العزيز فيصل
شكرا علي الترحيب الحار لست المقصود بس تتشابه الاسماء . على كل هي فرصة للتلاقي مع ناس جميلين وتبادل الاراء والاختلاف مع البعض و الاتفاق مع البعض بس بدون افساد للود
وكيمان من المحبة للجميع