لا أحد يكاتب القرصان
(1)
كان قرصاناً نعم ، لكنه لم يكن كأي قرصان ..... عندما يشرب الخمر الرديئة في حانة القراصنة .... لم يكن يثمل عندما يواعد النساء .... كان يتجنب الحرائر لم يكن يظن ان (القرصنة) عيب ... كان يعتبرها مهنته ... ورزقه الحلال كان يدرك ان المسافة بين الارض و السماء يملأها قوله : إن الله غفور رحيم . . . . (أواصل) |
اخى العزيز حاتم ..
ليك الفين سلام .. دا ياتو قرصان فى حكومة الانقاذ .؟؟؟؟؟؟ .. |
اقتباس:
قررت (مكاتبة القرصان) ؟؟!!!! انقاذ شنو لي قرصاني دا دا خلي جنو برا يا اختي _____________ بحاول اتمها امس كان الفكرة في راسي لكن المنتدى عاكسني ابا يفتح خليك متابعة |
حاتم يا جميل
ليك وحشة ولكل ما تكتب( كل دى خت تحتها خطين ) اشتقت لكتابتك البتوجع القلب واشتقت لى كتابتك من نوع المسالمة والغيد الحسان علا حكاية القرصان دى كوم تانى بجيك كان ما ناس قلنا وقالوا شتروا الموضوع اللهم لا تمحننا لا تبلينا تانى بقول مشتاقوووووون |
اقتباس:
سارة (الضارة) لا حول الله :eek: بدون (رتوش) كدا مشتاااقين goood تاني ما تختفي كدا ياخ كدي خليني اتذكر باقي حكاية القرصان الابت تتكتب امبارح دي ________ سلامي لك و للاسرة |
حاتم؟؟؟؟
انت جااااادي؟؟؟؟ والله ماعرفتك !!! انت وييييييييييييين؟ موشتاقوووون عيدك سعييييييييد كمل الشغل ده بسرعة وماتقول لي شهيتك انقطعت عشان عصلجة الموقع عاين ...... حاول تقوم تلف دي زي بتاعت ماركيز يعني المعنى ؟ ولا كيف الفكرة؟ ديك كان اسمها ليس لدى الكولونيل من يكاتبه ....صح؟ عندي همزة وغمزة ماقدرتا اقولها غايتو حاول لاقيني عشان انغص عليك شوية ياباش تاني شنو؟؟؟؟؟؟؟ ايوااااااااااااااا مالك قاطعو معاي ؟ وش شرير جدا ومتوعدك بالويل والثبور وعظائم الامور ! مودتي |
اقتباس:
لنا بت جعفر سلامات و مشتاغوون بالتركتر كل سنة و انتي طيبة انتو موش قبل فترة كان في عيد ؟؟ (وش عامل رايح) ماشالله الاعياد زايدة ولا الزمن بقا يجري بي سرعة _____________ موضوع القرصان دا فكرته كانت كاملة في راسي رواية ماركيز ( لا أحد يكاتب الكولونيل) أو الترجمة الاخرى الشائعة : (ليس لدى الكولونيل من يكاتبه) أظنها اختلاف ترجمات فالذين ترجموا من الانجليزية الى العربية استعملوا (ليس لدى الكولونيل من يكاتبه) كترجمة مباشرة للعنوان الانجليزي : Not One Writes to the Colonel بينما من ترجم من الاصل (الأسباني) للرواية El coronel no tiene quién le escriba ترجمها الى : ( لا أحد يكاتب الكولونيل) وطبعن أكيد العنوان مستلف منها لكن مضمون الفكرة مختلف __________ المواصلة هممم الكتابة دي اعتقد انها مرض او حالة بتاور الزول زي العطاس او الحنين (معليش تشبيهات غير منضبطة ، تشبه القصة نفسها) المهم، بالتالي ما نتحدث عنه هنا هو الحاجة (القهرية) الى (الكتابة) لا أعرف فأنا أحس انني أرغب بشدة ان اكتب كلاماٌ ما ، فأكتبه هكذا عندما تطول المسافة بين الرغبة و الفعل يمكن أن تنتفي الرغبة او يحدث لها كبت في (اللاوعي) (الكلام دا يمكن بتعرفي ليهو اكتر مني) بالتالي اعادة الكتابة في ذات الموضوع تحتاج الى نفس الروح المكبوتة القديمة او ستكون الكتابة (مصنوعة) كغزليات (المتنبي) __________ و الله يا محاميتنا الاريبة انا متوفر بشكل علني و مستتر في جميع الاماكن العامة المعروفة فقط عليك رهق المحاولة كل عام و انت بخير أجمل الاماني لك و الأسرة |
وقابل قرصانك هذاء في ذاكرتنا مئات الهمباتة
هيطل منزل الطرفة ورطن متكلم جابلو صبيب وبرقاً في السحابة بقلم حاتم يا ايها الهمباتي العتيق خيول الهمباتة وحوافرها حرة ترسم ما تشاء من اثر علي البراري الا إن اللجام يلقي عليها مشئة صاحبها ، فتغدوا مطيعة ! اذاً تباً للجام ، وتباً لكل الخيول المروضة فنحن قوماً ، إن اشتدت مسغبتنا ولم نجد ما نتقاسمة ، تقاسمنا موتنا اصاب الهمباتي العظيم ، واخطاء من ظن إن للثعلب دينا |
وقابل قرصانك هذاء في ذاكرتنا مئات الهمباتة
هيطل منزل الطرفة ورطن متكلم جابلو صبيب وبرقاً في السحابة بقلم حاتم يا ايها الهمباتي العتيق خيول الهمباتة وحوافرها حرة ترسم ما تشاء من اثر علي البراري الا إن اللجام يلقي عليها مشئة صاحبها ، فتغدوا مطيعة ! اذاً تباً للجام ، وتباً لكل الخيول المروضة فنحن قوماً ، إن اشتدت مسغبتنا ولم نجد ما نتقاسمة ، تقاسمنا موتنا اصاب الهمباتي العظيم ، واخطاء من ظن إن للثعلب دينا |
اقتباس:
احي فيك ذاكرة الهمباتة و الخيول (العربية) و الصهيل و لكن قرصاني لا يسير على (اليابسة) !!! :eek: ____________________ اقتباس:
مبر بالجد غلبني |
عاليا حتى ياذن الله فى امر القرصان
|
شكلو شرك... ياقرصان!
... حاتم كل سنة وانت طيب. |
اقتباس:
الدخول في (الشرك) هييين و لكن التأمل في الخروج ، شكراً ليك كتيير أحرجتوني لمن حاحاول اتمها نجر انشالله و كل عام و انت بالف خير شكراً ليك كتير وتسلم على الطلة |
اقتباس:
ه (2) كان يظن أن القرصنة (نبل) و أخلاق مثل حكايات النبلاء (الأروبيين) في أوربا أيام عصور (إنحطاطها) لم يكن يعتقد أنه (نبيل) ك(روبن هود) مثلاً أو أحمق ك(دون كيشوت) كان يمارس (القرصنة) لأغراض (ذاتية) بالطبع تشمل توفير (مطلبات حياته) وبناء (مجد) شخصي له و تحت كلمة (مجد) هذه يستحسن أن نضع (ألفي) خط بالمناسبة لأنها (المفتاح) المناسب لفهم (نفسية) ذلك (القرصان) . . . . . . . . (يتبع) |
اقتباس:
اقتباس:
اقتباس:
أسمح لأخوك يديك دفره : حكاية القرصان (في الميدان) دي ممكن تسوقها في كم إتجاه : إتجاه روائي .. قد يتطرق لمعاناة أهلنا في الصومال والدوافع البتخليهم يلجأوا للقرصنة .. هل المسألة دي عندها قبول عندهم ( إعتقد كده .. قريت إفادات عن قراصنة بيبرروا إنو دي الوسيلة الوحيده للبقاء على قيد الحياه ، في بلد تطحنوا الحروب ، والفاقه ) بعد داك إنو وحبكتك للرواية دي. ما بالضرورة يكون مكان الرواية في الصومال ، قد يكون في السودان مثلاً. وممكن تسوقها في إتجاه إنك تطرح أسئلة وجودية / أو مطلبية حول : مبدأ تقسيم السلطة ، والفوارق الطبقية البنتجم عن ليه في ناس فوق وناس تحت.. وهل كونوا في ناس تحت ما بيحق ليهم إنو يوصلوا صوتم ؟ والطريقة المثلى شنو لتوصيل الصوت؟. ممكن تسوقا برضو في إتجاه التمرد ، على الذات ، على المجتمع بهدف طرح فكرة والدفاع عنها. عندك خيارات كتيره يا بنج أعمل خشوش ، وبعد داك المسألة بتمشي معليش أخوك تاوق كم مره للبوست ده ، والشفقه ما خلتو يقعد ساي ..داير أشوف ياتو إستنتاج من إستنتاجاتي دي صحيح. أبقى طيب.. وكل سنه وإنت طيب |
| الساعة الآن 07:49 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.