حلم
قال لها ذات مساء وهي جالسة قبالته
يسرقان لحظات فرح من العالم تلفتت وقالت له احبك تنهد وقال انا كمان قطبت جبينها وقالت انا قلتها ليك ليش انت حارمنى منها ازال تقطيبة جبينها باصابعة وابتسم لانى احبك اكثر من الحب نفسه جلست في غرفتها تتزكر تلك الدقائق التى ذابت فيها روحها وامتزجت مع روحه تزكرت لمسات اصابعه علي جبينها والقشعريرة التى صاحبت تحركات يده اه لو يدري كم احبه المرة القادمة ساقول له ان حبك فاض ولا احتمل منه مزيد هكذا قالت في نفسها لكن متى اللقيا والمجتمع بأجمعه يقف حارسا امام باب غرفتها ان تحركت زمجر ابوها ماشه وين وان افلتت من قبضة الاب فهنالك الاخوان نصبو انفسهم حرسا ووضعوها في سجن لكن لا بأس غدا ستكون معه ووسيكون لهما عشة صغيرة يصنعان بها الحب لكن سيبنيانها بلا قضبان ارسل لها خطابا انه يود رؤيتها وهي لاتستطيع رفض طلبه حتى لو عنى ذلك ان تنال عقاب سجانيها جاءت الفرصه علي طبق من ذهب صديقة عمرها وكاتمة اسرارها راقده طريحه فراش المرض اتفقت ان تزورها وان تخرج معه من هناك وان اتى احد ستقول له انها ارسلتها لشراء لوازم نسائية اخذها لكافتيريا راقية ذات جلسة هادئة لكن روعها لم يهدأ جلسا يشربان عصير المانجو ويرشفان الحب ويضعان خططا للغد اولاد اربعة اتنين اولاد واتنين بنات منزل بلا قضبان عشة تزورها الشمس وهنا اشرق وجهها حين تخيلت تلك العشة وفي لحظة تغير وجه الحبيب وملاء الغضب وجهه اخته الوحيده تجلس بصحبة شاب امسكت يد حبيبها وقال له قول بسم الله ماعاوزين فضايح لكن لم يمتثل ولم يهدأ اما اخته حين رأت اخاها خافت وركضت بتجاه الباب واخوها خلفها يركض ويشتم بعد ايام عرفت منه وهو يحدثها بفخر انه ضربها وحبسها بغرفتها وانه يحمل المفتاح وقال طبعا دا شرفنا ولازم نحافظ عليهو هنا رأت عشتها وهى تتبدل وتملأ اركانها القضبان وفي حوائطها معلق الف كرباج تنهدت واسأذنت الانصراف امسك يدها وقال بكرا حانجى نخطبك انا وابوي حضري روحك ابتسمت ابتسامة باهته وفي المساء كانت جالسة قرب النافذة تعد قضبانها جاءت امها لتزف لها خبر الخطبه نظرت للنافذة فرأت حمامة تحاول الخول من خلال القضبان جزعت وابعدتها قائلة لا تدخلي فأنت حرة |
سرد جميل وممتع وياريت تصلحي قطبان وتكتبيها قضبان وهي من قضيب وليست قطيب..
|
اقتباس:
لازم تحرجونا اعزرنى انا اتعلمت العربي كبيرة looool |
اقتباس:
نسايم مساءك طيب.. كلام رقيق ولطيف تسلمي.. |
اقتباس:
اها انت ورينى الحكمة من السؤال تسلم |
اقتباس:
ابدا يانسايم ما تتعقدي من كلامي عشان اسلوبك جميل وغلطة واحدة ما بتأثر كتير لكن لما تتصلح الموضوع بكون أروع وفي ناس كتار هنا في المنتدي بيغلطو في حرف الغين والقاف وبيعكسوهم ودا سببو النطق الغلط مع انهم كتاب ممتازين..يعني تخيلي لما مضيفة في الطيارة السودانية تقول الرجاء من السادة الركاب البغاء في مغاعدهم..أها السادة الركاب دي يعملوها كيف:confused::Dgoood ولا لما الاستقلال يبقي الاستغلال شوفي المعني بيتغير كيف للنقيض.. |
اقتباس:
يعني قبل خمسة وعشرين سنة..:D اقتباس:
سؤال: لغاية ماعمرك كان 14 سنة وحداشر شهر و29 يوم كنتي بتتكلمي ياتو لغة..؟؟:D |
اقتباس:
خليتنى اضحك زي المجنونة والمرضي كولهم عاوزين بعرفو البضحكنى كدا شنو عمو فتحي انت تقول العاوزو وانا امتثل ما زعلت ولا يمكن ازعل من تعليقك ابدا |
اقتباس:
كنت فاقد تربوي اهلي كانو بعلمو فيني فرك الملاح حدي الراجل مايجي ولما ما جا قالو يعلمونى احتياطا وصلت وعن الشق التانى كنت بتكلم شايقي goood |
اقتباس:
الولد دا سيبك منو...دا زي القرادة كان شبك فيك لا بنفع معاهو دي دي تي ولا جمكسين ولا نفتلين وما بزح الا تشتكيهو في الادارة بتهمة التحرش وأنا غايتو بشهد معاك;):p |
انا عمري
40 سنه تصدق ماف زول حسبو لي قبل كدا كانو بس بيقولو انا اتولدت سنه الجراد شكرا :D |
اقتباس:
حلوة منك دي بس انت عارف دا شنو دا نفسيين لانو قصتى ضاربه وكدا بدور يخربهاا |
اقتباس:
اها يتصرفوا دي خاتي ليك فيها ألف واو الجماعة بالرغم من اني اتعلمت العربي كبير.. عشان ماتشبكني انت ياالرشيد برضو تبع العرب المستعربة..:p نسايم..اسف للخرمجة.. البوست رقيق وجميل. |
اقتباس:
|
اقتباس:
والدليل صورة البروفايل..:D:p اقتباس:
احتياطا كدة بشوف ليك الاتنين وانت تعزل..;) |
| الساعة الآن 01:05 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.