الفجر نبحن بوابيرا...!
[align=center]شبيهه البدر المنيرا
ليك تااجوج ماها سيره...[/align] [align=center]و الهواء شمااال....:rolleyes:[/align] [align=center] [media]http://sudaniyat.net/wadosman/uploading/shtialt_gurira1.wma[/media][/align] |
[align=center]الفجر نبحن بوابيرا - للحفظ[/align][align=justify]صباحاتك بخيرها يا ودعثمان . .
النعام ده كوم وباقي فنّانين الطنبور مهما أبدعوا كوم تاني. أسمع الصوت ده بالله، الزول ده هو الوصّل أغنية الدليب للإعلام وعرّف الناس بيها وألّف قلوبهم. طبعاً إستفاد من عبقريّة حسن الدابي وشكّل ثنائية مبدعة معاهو (رحمهما الله). الجانب التاني للنعام، خفّة الدم، الروح الحلوة وخاصيّة القبول عند الناس . . أذكر مرّة ود بادي سألو: - إنت يا النعام، تشيل وتغنّي للحريم السمحات، العرّفك بالسماحة شنو وإنت ماك قاعد تشوف؟ ضحك النعام وأدّى شنبو مسحة، - الحريم السمحات ماهِن دايراتلّهِن شوف . . المرة السمحي، متل البرسيم المسقي، من تمر بي فوقك تشم زيفتها.:D (عليك الله ما صدق!).[/align] |
اقتباس:
والله فعلا النعاام عالم براهو و ابدااع خرافى و يحفظ له الفضل فى عكس اغنيه الطمبور فى زمن كانت فيها وسائل الاعلااام محدوده جدا و الراديو كان بالكاد يغطى مناطق محدوده من السودان... يجب كذلك ان نحفظ الفضل للراحل على الحسن مالك و الذى كان يقدم برنامج ربوع السودان فى الستينات من القرن الماضى فهو الذى استطاع ان ياتى بالنعام لهذا البرنامج و الذى كان مسموعا فى جميع انحاء السودان و الذى من خلاله عرف الجميع غناء الطمبور و ايضا عرفوا النعام ادم كفنان لا يشق له غبار... قصه البنات السمحات و البرسيم مباالغه.......ههههههههههه كان برضو تحكى بتاعت المويه و النور الت ابو داؤود...:rolleyes: تسلم يا ملك... |
اقتباس:
ماتحكيها عكودنا صباحاتك ندية ..والنعام ده الله يرحمو كان جارنا فى اركويت من كنا اطفال بنلعب جمب الطاحونة حقتو لمن اسلم عليهو يقول لى اها جيتى يا السميحى :D....اقول ليهو انت شايفنى يقول لى اى بلحيل شايفك :p |
اقتباس:
يعني جدي بالجيم المعتشة وعالم الله تسمعي اغانية بصوت حبوبة توووووووووووهفة :Dlooool |
اقتباس:
gooodgooodgoood |
اقتباس:
اقتباس:
ود عثمان لعب باص أبوداؤود ودايرني أشوت، بس سمح الغنا في خشم سيد البوستات. سلام يا ودعثمان، قال "لفّة خاتم ضميرا" حسن الدابي الوصف البيوصّفو بيفصّلو تفصيل. "تفضّلي نوري يا التومة بلادنا شِن لوما" والتومة قصّتها معروفة ساعة نقلو راجلا من إدارة مشروع القرير الزراعي لمشروع نوري، وقالت كدي نبحت بوابير القرير ساعة الكومر شال الرايقة الشتيلة. كلامك عن علي الحسن مالك (رحمه الله) صاح، قدّم الكتير في إنتشار الأغنية الشايقية، والنعام غير إنّو موهوب كمان مرزّق. يدّيك العافية يا ولد نوري الحبيّب.[/align] |
انا غايتو مافي شيء بهزمني قدر حنية اهلي وجمالهم داgooodgoood
ود عثمان تحياتي ولك الود |
اقتباس:
goood الفرده منو..؟!looool النعام ولا سمراء...؟؟;) يلا راجين تسجيل و كدا...! |
اقتباس:
غايتو يا عكود رجعت لى الباص بعد ما بقينا اوف صايد...;) انا المحيرنى ود الدابى جاب سيره الاوف صايد لمن قال: عشانو أقاسي الشدايد سهامو رماني أوف صايد.. و شكلو كان زول كوره مع الشعر و الغناء. انا طبعا سمعت القصه بالتفصيل و كمان بالاسامى من ناس كانوا قراب جدا من الاغنيه دى...و المهم طبعا فى النهايه هى القدره الرهيبه لود الدابى للتعبير و التشبيه و الوصف و يا سلاااااااام... شكرا عكود... |
اقتباس:
شكرا للطله يا ست الكل يا أميرة... |
جميل يا فنان
انا زاتي فقد عقلي بس ما بعرف اغني |
اقتباس:
مساء الورد..و ليك برسل تحياتي.. يديك العاافيه.. |
اقتباس:
يا ريت لو قعدت مع الزول ده، فقد كان يتميّز بروح الدعابة والبديهة الحاضرة وفن الرواية . . ود الدابي كان موسوعة ولا تُمَل مجالسته، الزوول ممكن يفيدك أكتر منّي في الجانب ده (جيران وقرايب). و يحرق الكومر الشالا ياخي.[/align] |
اقتباس:
حباب محمد عثمان افتش في ارشيفك لقيت الموضوع ده ومواضيعك ....لا تسقط بالتقادم :):D:) ... كلامكم عن خالنا حسن الدابي وتعليقك على ارتباطو بالكورة ذكرني بحادثة طريفة تروي للدلالة على سرعة بديهته ... فيقال أنه كان يجلس مع صديقه الشاعر ابراهيم جرقندي في مدينة كوستي .. والمعروف انو اهل كوستي عندهم عادة يقعدوا برة البيت في العصريات ومعظم الوقت المهم ... جات واحدة شايلي ليها جردل وملتو من ماسورة جمب الجماعة ديل .. ابراهيم قال لحسن الدابي: عليك الله يا حسن لو ما وصفت المنظر ده فارتجل فوراً: مالت وانتنت بصديرا للماسورة ختفت قلبي زي ختفة سبت * للكورة .... والحقيقة ان معظم شعره يدل على سعة اطلاع ومواكبة لعصره ... * سبت المقصود هو سبت دودو ... |
| الساعة الآن 01:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.