عندما تتسلط الادارة على العضو النشيط........
عضو نشيط شليق متواجد مشارك
تتسلط عليه الادارة وتنصبه إدارياً يقل نشاطه , يقل حماسه في محاولات الموازنة بين المهام والمشاركة ثم تأتي المشكلات من كل حدب وصوب اصدقاء الامس هم اعداء اليوم بوستات الامس المفتوحة هي بوستات منقولة للمراجعة اليوم شلاقة الامس المحببة هي اليوم - في نظر البعض - دكتاتورية وتسلط كلمات المزاح بالامس صارت اليوم شتيمة وخطأ واجب الاعتذار هكذا نحن نفقد المنطق بكل سهولة حتى في الاسافير في الآخر اما أن تأتي الادارة بتبرير غير مقنع وتقيل ذلك الاداري أو يستقيل هو على أمل العودة الى كراسي الصداقة والمحبة بمساطب المتفرجين وفي الحالتين يوجد ضياع . اقول قولي هذا واستغفر الله لي .............. |
اقتباس:
ضياع واحد ماف علاقاتنا اكبر و اعمق من الاسافير و جن الكتابة ما رطن و ما بى ينسجن تعرف الدرب واحد واضح للادارة و انت كعضو تقالع حقك من الادارة هم منو ما ناس انت الجبتهم بى صوتك الذكى المؤثر و بى قلبه برضو ممكن تسحب منهم صلاحية الادارة - يعنى ما بعبع تانين اوفقك انو العمل الادارى مرهق جدن و منهك فكريا و خصما على علاقاتك مع العضوية - وده من تجربتى ( الحاله فى المجلس و ما اشراف علا كان طقعونى سااى) بل حتى خصما على مشاركتك و كتاباتك - يعنى لمن اجى اسكت اقراء و اكتب متين يكون تعبت و مرقت ساى ساينج اوت بس المحك انو نشايل مع بعض و نجلى شويه كده شنو حكاية اى كتابة نعضى فيها و هاك يا ردحى و كل زول يستميت عشان يوضح المقصود من كتاباتو - و لا تبقى علينا حكاية النفوس اكان اتطايبت ... |
حقيقه , حقيقه , حقيقة ما اوردته !!
فقط لدى فهم كنت , ولا زلت اؤمن به ... اللائحه والقوانين ، ماهى الا اخر متاريس كبح النفس المصنوعة وان كبححها لايتأتى الا من خلال السلوك القويم.....والزوق العام ....والنفس الطيبة وروح الاحترام والانسانية دى بالنسبة لى اللوائح المفترض تراعيها الناس ,, احساس عام ، او لنقل سايكلوجية كره (الحـكــّـام ) !! النفس البشرية بطبيعتها بتركن للحرية ، وتمجدها بكل صورها ، لذلك اى صورة لتحديد الحرية دى بتقابل من الاخرين بالكره ...اياً كان الحاكم والسلطة .. نتابع |
اقتباس:
المشكلة نشايل مع بعض ونجلي دي زاتا لنا اكثر من عضوية في عديد من المواقع والمنتديات وعايشنا كثير من المشاكل وجربنا حال الاداريين والمراقبين وزنقاتهم لما تحصل كبوة في المنتدى وبصورة عامة نحن كسودانيين ماعندنا اي ثقافة بتاعة حوار إيجابي كل البهمنا هو إصحاح رأينا وإفهام الآخرين ضرورة فهمنا والانحياز لنا حتى الاصدقاء شدييييد لما يختلفوا في الرأي تلقيهم وكأنهم ماعرفو بعض في يوم من الايام حياة الاسافير انعكاس يشبه بصورة كبيرة الحياة الواقعية اها النفوس اكان اتطايبت دي هي زاتا الكايسنها ربنا يهدي النفوس اقول قولي هذا واستغفر الله لي ............... |
اقتباس:
آمين.. صدقت يا اخوي.. استغفر لي معاك وادعي لي.. |
غايتو شخشياً كده شايف أي واحد يتم تكليفه بمهام إدارية
مايكتب لحدي ما التكليف ينتهي .. على الأقل ( سمراء ) دي تقطع وشها :D:D |
اقتباس:
الاحترام يفرض نفسه بين الناس المحترمين ومادون ذلك يذهب غير مأسوف عليه الادراك وقابلية تقبل النقد ورأي الطرف الآخر اساسيات لبناء علاقة انسانية واعية اذا فقدناها فـ لافائدة في لائحة أو قانون يديك العافية اقول قولي هذا واستغفر الله لي ................. |
اقتباس:
هطلت عليها المحن فقدنا تواصلها الجميل وقد ناشدتها في غير هذا المكان ولعنت سلسفيل الإدارة ذاتا زول الله يا جميل استغفر لي معاك |
اقتباس:
إذا دي مرادف لغوي للأداة لو.. ولو انت عارفا بتعمل شنو..!! تعرف يازول الله.. كلامك الفوق ده سمح سماحتن.. بس كلو بندرج في حيز التمني والنظري المشتهي تطبيقو.. زمان قريت لي عبارة في كتاب بتقول انو تقدم الشعوب يقاس بتقدم ابطأ فرد فيها.. بمعني تاني انو قوة الحلقة تقاس بقوة اضعف فقرة فيها.. اها نحن حلقتنا دي الفقرات فيها كلها ضعيفة.. العمل شنو..؟؟؟ الكلام بتاع انو ياخوانا ماتحوجونا لإستخدام اللوائح و..و.. بقي كلام زي الامنيات المستحيلة.. حاجة كدا بتتقال ساي كل مرة.. حالنا زي سواقين العربات في الشارع ..اي زول داير يمر قبل التاني.. اها لو مافي اشارات مرور وبوليس حركة واقف.. فكرك في زول واحد ممكن يمر..؟؟؟ ماااا اظن .. اخوك الكاشف يازول الله شايف انو اي زول يكتب الدايرو.. ويتعامل زي ماهو عايز.. كان اتجاوز اللوائح طوالي القانون ياخد مجراهو.. لسع نحن بعيدين.. عشان مافي زول غلط.. كلنا صاح.. او هكذا نظن!! |
اقتباس:
اللهم وفقها في جميع ماتصبو اليه ..... تصبو اليه دي كيف معاك بالله :D اقول قولي هذا واستغفر الله لي ولـ مي هاشم .............. |
اقتباس:
والله سمراء دي كان قطعت وشها كان قطعت رجلها برضو عايزنها بس التفضى لينا تخريمة: ماتبقى رقراق ياخ ابقى ياضل يا شموس اقول قولي هذا واستغفر الله لي ............... |
اقتباس:
هسه بعد توقيعك دا عايز كمان تزاحمني في استغفاري الهوين دا ؟؟؟:D ياخ استغفر لي اتا دا اقول قولي هذا واستغفر الله لي ................ |
اقتباس:
مافي زول غلط وكلنا صاح تقبلنا لتطبيق اللوائح صعب رغم تصويتنا على اجازتها لذلك بتلقى مطبق القانون غير مرغوب فيه حتى وسط اصحابه نحن محتاجين كمية من السنين لتغيير القناعات البالية وتعلم الديمقراطية اخوي الكاشف مشكور جداً على المرور الواعي اقول قولي هذا واستغفر الله لي .............. |
اقتباس:
محاولة التخلص من الأخطاء باستقطاب مزيد من الأقلام الساخطة ليضيع الموضوع الأساسي + عدم احترامنا لخياراتنا (هذا إذا لم نقل الانتخبات مزورة:)) عايزين علم لي سودانيات عشان يجي واحد يقول: دي أمة يرفعو ليها علم ونتبادل العبارة حسب ظروف كل منا وعلى مدار الساعة أقول قولي هذا وأعتذر للدخول المتأخر (بسبب الخوف) |
اقتباس:
جيتك تطمئن خوفى انا دى ... وجودك هنا و ما كسير تلج بطمئن بلد بحالو دام يراعك و كنت لنا ذخرا و كما عهدناك اخ و والد و كبيرنا و دليلنا كل الود و الاحترام |
| الساعة الآن 12:40 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.