خم الرماد .... الطشامه وناس القعدات فقط
حاجة التومه ست العرقي مرا فاضله يوم الخميس من كل اسبوع بتعمل لاولاد الخلوه بليله ما بتبيع العرقي الي بعد صلاة العشاء ده برنامجا يوم لقيتا زهجانه ومنزعجه تحكي لي يا ولدي الزمن ده بقي كعب خلاس العبيد بقوا احسن من اولاد العرب انا جني وجن الغش والسرقه من قمته وعرفته شد العرقي لا لخبته فيهو سفنجات لا كبيت فيهوا بنج عرقي بلح نضيف وصافي امس جوني اولاد عرب تقول وحاتم الجلاليب والشالات الريحه تشمها من خشم الباب مسخو علي الكلونيه وبت السودان بتاعتي دخلوا علي عايزين ليهم خمسه قزازات شايلين الاكياس المردفه انا قلته الليلة بكمل بي سرعه خاصه سمعته لي سيرة كشه قالوا جايه الوليدات فتحوا الكيس عبيت ليهم خمسه قزازات واديتم كبايتين زياده عربون محبه وصداقه زي ما قالت حواء الطقطاقه واحد فيهم دخل يدوا في جيبوا اديني القروش ضرب راسو قال الله..... نسي القروش بره في العربيه طلع اجيب قروشوا اخوانوا الاثنين انتظروا واحد قعد في البنبر والثاني واقف خالف يدينوا في ظهروا انا انشغلته بي زبون تاني جاني الواقف ختا لي الكيس بتاع العرقي قال ماشي اشوف اخوهوا ليه اتاخر طلعوا مني الاثنين وختوا لي الكيس في العنقريب الاولاد مشو ما جو راجعين تاني والجركانه بتاعتي فضت جوني ناس عايزين اشتروا قلته ابيع ليهم من الكيس العبيتوا للاولاد فتحت الكيس وب علي وب علي وب علي وب علي الاولاد ما غشوني بدلوا لي كيس العرقي الملان بي كيس مويه شفته يا ود امي اولاد العرب الزمن ده بقوا اعملوا شنو!!!!!!!!!!!!!!!!!!!
في مدينة الدويم مشينا حي اسموا روتو معاي واحد من البياطره صديق وقفنا العربيه علي بعد ثلاثة كيلوا ودخلنا بيت ست العرقي شلنا قزازتنا وطلعنا مع الباب لاقانا عسكري لابس رسمي سال الشايلنوا ده شنو ؟؟؟؟؟؟؟؟ جاوبوا صاحبي يعني لبن ناس طالعين من بيت التومه وفي روتوا وشايلين زجاجة تفتكر دي محايه العسكري: انت لئيم يلا معاي القسم!!!! تدخلته انا يا ود الناس مافي داعي للتلتله والمساسقه بين الزقاقات عشان نصل القسم البعيد داك خليك زول فايده الموضوع ده كلو بي الفين نديك الفين وكل واحد امشي لي سبيلوا كان بتضرب البتاع ده خش شيل واحده والسلام..... العسكري: الفين شويه اتعشي بي شنو بعدين معاي تاني واحد واقف هناك اعملليهوا شنو انت زول مفتح ما زي اخوك اللئيم ده زيدا شويه يا بركه خلينا نخمس. طلع البيطري صاحبي الفين من جيبوا مداها للعسكري!!!!! رد العسكري رجع الفينك عليك يا لئيم صاحبك ده احسن منك اجي منوا!!!!! وفي اللحظه دي وصلنا شارع الظلط جمب العربيه طاااااااااااااااااااااااااااااااااااخ ضربت القزازه بي الواطه اتفرتقت زي السكسك .... عاينت للعسكري قلت ليهوا يلا لقط يا الحبيب... صاحبي البيطري قال ليهوا اهااااااااااا احسن ليك منو فينا التومه كانت زبونتنا الوحيده غير بيتا ما بنعرف بيت تاني بتاع عرقي مساسقتنا كلها لي بيت التومه اعمي ومسكوهوا عكاز الدرب ده وقت اتنقلنا مسكنا ليهوا زميل ومشي خلي البلد اول ما ندخل للتومه ومن قولت السلام عليكم وقبل ما تعرف عايزين كم قزازه عارفه برنامجي بتملي لي كبايه انا واقف مره واحده بشربا زي كباية الموية من اصعب الاشياء زي ما بقولوا الطشامه تشرب كبايه ون قو one go أغرب يوم لقينا التومه ما عندها عرقي نقبل وين ما عرفنا استعنا بها للمساعده في الحصول علي الطشه خاصه اليوم خميس وصفت لينا بيت قالت امشوا قولوا التومه رسلتنا خوفنا لو مشينا للبيت ست البيت ما تدينا تخاف مننا عشان ما بتعرفنا اترجينها تمشي معانا قالت انتو امشوا بس قولوا التومه رسلتنا وبتديكم طوالي ..... مشينا البيت حسب الوصف دخلنا والخوف مسيطر علينا المرا ما تدينا سلمنا عليها وقلنا ليها احنا من طرف التومه سكتت فترة رطنت مع اختها عشان اكسر الحاجز بتاع الخوف قلته للمرا كبي لي كبايه جرت الجركانه من تحت العنقريب وملت الكبايه شربتها دفعه واحده وختيت الكبايه في التربيزه ...... فتحت المرا خشما وقالت لي أيااااااااااااااس الشريف ..... اختها قالت ليها خلاس كبي عرفناهم |
هو طالما يوم الخميس بتاع البليله ..
إنت الوداك ليها شنو ؟؟gooodgooodgoood |
روتو..السمحات بنوتو..!!
ياخي الليلة الواحد لو شافهن يدقهن بلا غبينة..!! عباس..حبابك يا صديق.. كبر |
اقتباس:
|
اقتباس:
|
الاستاذ عباس الشريف
مساء الفل كنت بالخرطوم جيت البيت عصرا بدري لقيت صاحبي البريدولابس الجلابية وغاتس في نص الكرسي قدام الديوان معاه اخواني وبعض اولاد الحلة واخر اندماج صاحبي دا من اهلك ناس الجزيرة قبال ما اغير ملابسي اخدني على جنب العرقي كيف قلت ليه نيف صاحبك اطمان وداير التاكيد حلتكن دي فيها عرقي سمح في اللحظة دي اخوي الكبير فات واحد من اولاد الحلة سمع السؤال قال لي صاحبي .اي عرقي سمح والباقي معروف صاحبي وود الحلة البرضو صاحبي حتي الان بسالوني عن بعض عشرتو قوية...... صاحبي دا ذاتو المن الجزيرة دا درسنا مع بعض قبل ما بيدا القعدة بسال عن الزيادة مهما كانت الكمية وافرة. زول شرفان خلاس اذا الكمية بسيطة بجمع الكاسات ويشوتا مرة واحدة اذكرت كبايتك الون قو الافتتاحية وكل سنة انت وضيوفك طيبين |
اقتباس:
|
اقتباس:
شووووووت انت ومنعم :D :D :D |
اقتباس:
تجبن رمضان كريم وكل عام وانت بالف خير |
| الساعة الآن 07:36 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.