أبيي مقابل العلف، صفقة تستحق التفكير الجاد
 

صفقة الأرض مقابل العلف التي اقترحتها الوساطة الأمريكية حين وعدت بتحضير المنطقة شمال أبيي بشكل مستدام مقابل تنازل المسيرية عن حقهم في التصويت في الاستفتاء.
هذا المقترح يستحق التفكير الجاد و المدروس، و من الممكن أن يحدث نقلة نوعية في نمط الإنتاج الحيواني بجنوب كردفان.

بابكر سلامات واريتك طيب

جمعة مباكة
باقى يا ود مى اخيتك غشيمة سياسة علا فى شىء واقف لى فى حلقى
الناس ديل يا بابكر وقت بقولوا السودان داجنوبه وشماله وطن واحد يفرق
شنو وجود ابى يى فى الشمال ولا فى الجنوب ولا حتى نرحلها فى الجنينة؟؟؟؟؟؟؟؟
هى الوحدة دى كيفن؟؟؟

اها وكان أدوهم ابيى والجنوب شبع من البترول والقروش وبقى جنة الله فى الارض
تفتكربقراءة متأنية للتاريخ دا بتكون نتيجته شنو؟؟؟ قبل ضم اابيي هسى قروش
البترول القسموها شمال وجنوب بس,,, مشت وين؟؟؟؟؟؟

بابكر
سلام ومشتاقين والله
اسمعنى يالحبيب عاوزك تكمل او تشرح اكتر فكرتك

وشكلها محاولة لعمل شربات من فسيخ
وبرضو اقول ممكن
بس ياريت تسهب فى الايجابيات

مودتى

سلامات
 

سلامات بابكر عباس شكلك بتفكر في مشروع مزراع

افتراضا نتحدث بلغة المؤتمر الوطني والتخلي عن الارض ماهي الضمانات التي تقدمها امريكا للالتزام بما وعدت والجنوب نفسه عاني من وعود المانعين نفس الوعود التي اشارات اليها امريكا برفع بعض العقوبات الاقتصادية بعد ايجاد حل لمشكلة دارفور يعني شرط مسحوب

سارا، طارق و حافظ
سلامات،،
- إنفصال الجنوب أصبح واقع
- أبيي حسب التحكيم الأخير أقرب للجنوب من الشمال
- للمسيرية حق تاريخي و قانوني حسب التحكيم الأخير، للتواجد في منطقة أبيي
- بعد الإنفصال ببصبح التطبيق العملي لحق المسيرية بالتواجد في أبيي صعب جدا،
لانو دي حا تكون حدود بين دولتين و مستقبلا لن تترك حكومة جنوب السودان أراضيها خالية من أجل عيون أبقار المسيرية.
- المسيرية قاعدين يدخلوا لأبيي من أجل العلف و الماء، ودي طريقة تربية متخلفة جدا.
- الحل الطرحتو الحكومة الامريكية من أجل تطوير الانتاج في مناطق المسيرية عملي و مفيد مستقبلا من أجل إنتاج اللحوم، الحليب و الأعلاف، ديل يا أخوانا 5 مليون راس من الماشية!.
و المسيرية إقتصاديا بعد تطوير طرق الانتاج شمالا، ما بحتاجوا للتنقل جنوبا
الحاجة الإجتماعية لتنقل المسيرية جنوبا ممكن تدرس و يلقوا ليها حل، لكن تنقلهم مع الأبقار ببقى مستحيل.
- الضمانات الإتحدث عليها حافظ مهمة و ممكنة و يجب ان يكون هناك وجود شعبي للمسيرية في هذا الإتفاق من أجل ضمانات قانونية من جانب الحكومة الأمريكية و قفل باب الفساد على المؤتمر الوطني في هذه الصفقة.

المنطقة دي تستطيع تغطية إحتياجات الخليج و مصر من اللحوم و الأعلاف. و أكاد أجزم من انو العائد الإقتصادي الاجتماعي من مثل هذه المشروع، بكون أكبر من عائدات بترول الجنوب منفردة.
بترول الجنوب و المنطقة بالتكامل مع الثروات الحيوانية و الزراعية، كان ممكن يحدث نهضة خيالية في المنطقة كلها، لولا أحلام السياسيين و العسكر.

أخف الأضرار بالنسبة لي، هي قبول المقترح الامريكي دا من أجل حقن الدماء و التنمية
و البترول بتاع أبيي لو مشى للجنوب برضو ما بكون مشى بعيد، ديل ياهم أهلنا.

الاخ بابكر
حقيقة ابيى اصبحت شوكة فى خاصرة اتغافية السلام و هذه نتيجة حتمية للعمل الفطير القام بيهو على عثمان و الحقيقة التى لابد ان تقال ان الحل الذى تتحدث عنه هو اتفاق بين الامريكان و ابناء المسرية و هو فى كل الاحوال احسن الخيرات المطروحة
الحكومة عجزت تمام و كأنها اردت ان تتخلص من ابناء المسرية و تزرع فى محلهم هشاب ذى ما قال متحدثهم سابقا عن دار فور

التفاوض مع الحكومة الأمريكية و برنامج الامم المتحدة الإنمائي، بعد التأكد من الضمانات، على الآتي:
- التحول من نظام الرعي المفتوح، إلى الرعي المنظم، بواسطة تقسيم المراعي إلى وحدات عن طريق الsolar electric fences
- مراقبة هذه الوحدات بواسطة الأقمار الصناعية
- تطوير الغطاء النباتي
- توفير المياه الجوفية
- مدارس داخلية و وحدات صحية و بيطرية متنقلة بواسطة السيارات و الهلكوبتر.
- إنشاء مسلخ آلي متطور
- إنشاء مطار لتصدير اللحوم
- إنشاء وحدات صغيرة لتصنيع الألبان و منتجاتها
- وجدة لتحسين السلالات.
- تخصيص حصة من بترول أبيي لمدة محددة، لدعم إستمرارية المشروع و الصيانة في الفترة الأولى
- الإستعانة بخبرات في المجال الإجتماعي لوضع آلية و خطة لهذا التحول.

شفت يا بابكر انى كنت متابع
بس انت طنشت
روئتك هنا
سليمة
خلينا ندور نقة فيها
عسى ولعل
...........
تعرف يا بابكر انا جواى حقيقة
تربال وراعى واحمد الله
الاتنين بعرف فيهم
بس - بفلهمة -
اى علم

دى دائرة شرح يا بابكر

سلالات ابقار امريكا الجنوبية فى اعتقادى
انها هى الانسب
... البرازيل اقوى مثال
دون ان نغفل عن الماعز والضان
والخروج من دائرة ( السواكنى )
بكل انواعه واستجلاب انواع ضان ذات
سعر ولها قوة سوقية
ومايسمى بالنعيمى اقوى مثال

والله البوست دا مهم
...... بالنسبة لى لحدى الان

سلامات ياطارق..
في ذمّتك البوست ده الخلاهو مهم هسع شنو..؟؟
ليهو اربعة شهور الجدّ شنو..؟؟
تكونش حضرت ليك فيلم عن الأعلاف..!!

لا والله
دى واحدة من هواجسى
ورحمة امى
الكلاء
والماء
والمكان
...... وثروة
لانستطيع ان نغمض عينا
عنها
حتى لو غفل الحاكمون
_ زور أ _
او ...
ادعاء