1500 عضو... نقلة نوعية
بلغنا اليوم 1500 عضو
|
مرحب بالعزيز معاذ حسن
عضواً جديداً في سودانيات |
لو اشتغلنا بثلث طاقتنا (500 عضو)
حنسوي العجب ليس هنالك عضوية شرفية في سودانيات من المفترض أن الجميع أعضاء عاملين |
اسامة الكاشف ...حبابك
انا ناوي اليومين الجايات ديل أشن حملة شعواء على كتيبة الأسايطة المتمرتسين خلف ذكرياتهم الجميلة وصورهم وونستهم التي لا تنضب ... الجماعة ديل ( وأنت أدرى بهم) ... يحملون مواهب لو جادوا بها وفرقوها بين جنبات المنتدى لامتلأ ...قمحاً ووعداً وتمني. على سبيل المثال فمعظم أهل سودانيات لا يعرفون شيئاً عن (هاشم أبوزيد نقد) الشاعر والأديب الذي يفيض شعره وكتاباته رقة وعذوبة ولا يعرفون شيئاً عن (الطيب موسى) الأديب القاص الموهوب لا يعرفون د. الجيلي عبدالله الريح الذي جمع كل المواهب من أطرافها ، الرجل الموسوعة الذي يفيض تشكيلاً وعلماً وشعراً وغناء وأدباً والقائمة تطول الأسايطة يا اسامة لا أظن أن عددهم يقل عن المائتين مشترك وقراءهم بالآلاف لا يعقل أن يرشح منهم لمنتديات سودانيات طيلة هذه السنوات الا اسامة الكاشف ، كيشو ، شبارقة، كباشي ومكي محمد الحسن والزوول فقط سودانيات وخالد الحاج يستحقان منا أكثر من هذا نعم المضيف ونعم الدار .... |
الزول العزيز
تسلم وإيدي معاك نسحبهم من الجخانين المدسين فيها ديك تسلم |
اقتباس:
اسامه تحياتي 1500 عضو ما ساهله بس دا كم وين الكيف لازم ننشط جميعا في حث الاغلبيه على المشاركه و لازم نسعى لاعاده بعض الاقلام التي عزفت عن المشاركه و التواجد الزوول صباحك خير الاسايطه ديل في كم زول مننا دخل عليهم بهناك بس وحاتك ما بجو مارقين كلو كلو اها انتو ادرى بيهم فامرقوهم لينا بجاي |
نبراس صباحاتك بيض
دي مناشدة للجميع تسلمي |
الف مبرووك وعدد ما هين والله
وفعلا لازم الاعضاء يكونو فاعلين علشان المنتدى يتقدم |
بسم الله الرحمن الرحيم
أسامة .. سلام وتانى سلام .. هذا (نقر ) على وتر بالغ الأهمية .. وأمر العضوية شأن يجب أن يتداعى له الجميع .. 1500 رقم خجول إذا قارناه بمساحة سودانيات الرحبة .. أتمنى اليوم الذى نضيف فيه صفراً على يمين هذا العدد .. الأسايطه ديل أنا بخطط أن ( أوسِّط) صاحبى كيشو وشبارقة وإيدك معانا ......:D |
| الساعة الآن 06:30 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.