سودانيات ـــــــــــ المنبر المحتَرَم
وسيظل هذا الموقع هو الموقع المحترم رغماً عن أنف الجميع
سودانيات الموقع المحترم ... ويجئ الإحترام من أقلامه الموجبة في إنتاجها من أحرفٍ تُفيدُ الناس أجمعين ... وسيظل محترماً لأنه بالفعل محترماً .. ولأنه بالفعل عالمٌ من التواصلِ والمحبةِ بين أعضاءه الكرام سودانيات هو بيتي وبيت الجميع .. تعارفنا فيه واجتمعنا علي الخير وسنظل .. سودانيات أمانةٌ في أعناقنا جميعاً ... تركه لنا الخال وبن العم ( خالد الحاج) ومضي في رحاب الله ... فمن كان يُؤمنُ بالله وبشعار سودانيات .. ومن كان يَكِنُ للعزيز الذي مضي ( خالد الحاج) عليه رحمة الله ... فليأتي إلي هنا دافعاً ورافعاً لهذا المنبر ( سودانيات عالمٌ من المحبةِ والتواصل ـــ سودانيات المنبر المحترم ) لا أن يكون خصماً عليه |
اقتباس:
ولن أفرط أبداً اللهم إلا أن ختلني مزاجي الخاص أو ظروفي الشخصية لكني أبداً ما بقيت حاضراً هنا بقلبي وعقلي وكل ما استطيع محبتي واحترامي الأكيد |
اقتباس:
وهل يضير الوردة إذا المزكوم لم يبلغ طيب شذاها؟ |
اقتباس:
|
اقتباس:
هو ما قلت و قالوا سيظل و يبقى لاجيال من بعدنا باذن الله |
اقتباس:
فاليثبت هذا البوست عاليا.. |
بسم الله الرحمن الرحيم
وكوكبة الخرطوم ستظل تاجاً وإكليلاً .. تهدى لنا فى دروب الحياة معانى الذوق والجمال والتميز .. وسيظلون شامة وكوة من ضوء , معطرين بقيم واخلاق السودانيين .. ومجرتقين بالعديل والزين , موشحين بالأدب .. |
اقتباس:
وإن لم يثبت هذا البوست فأي بوست يثبت |
بسراع ياخال الشمس غابت ..
اتواعدنا فى المقرن .. فى مسيد طابت .. اتلمينا فى حوشك .. والنفوس طابت .. بسراع دى الشمس غابت .. زى نخلة دليل الحِلي ناديتنا قابلنا وش مطروح ..ادخلو فالكم زين .. و باب الوداد مفتوح .. كما إنّ القلِب حوشين .. واتوهطنا فى خيرك .. ولاد اختك .. بنات العم .. عمو لذيذ وود الزين ..مرافى الشوق .. وعم جعفر قوت القلب و الزينة .. .. ريم الفلا ..الوزينة .. والبدر البفوح ياسمين .. والممكونة بى ريدك .. أم نفرين .. والعمدة .. ذو النورين سنـّـاد العَـترة درّاج القاسية مِـيس الشاردة جَـبِـيرة المكسور .. .. شيخ سيسيليا .. بحر العلوم والدين و صعاليك الحروف واردين زولن عرِيكتو اللـِّـين .. ويوم الدُوَاس تور شين .. واندسينا فى الرئتين ..واتوهطنا ممهولين .. وناديناك .."ضو البيت " فما أجمل مدينا رجولنا أسايد بيت .. وكان اللِحاف اطول . . و اتناقرنا فيما يخُص .. إتلاوينا زى أصحاب .. و ..اتزاعلنا لكن ضُمة .. ما قدينا صريف العُشرة ..لا تاوقنا توب جيران .. وكم لمّتنا معاكَ ملَمّة .. و اتعاصرنا كأجمل أمة .. ولمّا .. بقينا حِداك ..ولمّا .. استأذنت بى طيبة .. و ثـُم .. مَـرَقـْتَ هناك على الميعاد ونِـعم الدار .. يوم لاقيت بنات الحور !! و فِرحن هــِـن .. و نِعم الصُحبة لاقيتـِـن .."وجِـيدَن جيت" هل أظرف من هَدُول بـَنـُّـوت ..! هل بتلامَضَن حِنِيـّة .. و بتشالَقـَن إحساس .. بَلا بَنـّوتنا شِن بتدور ؟.. و هل صادفت فى الحوش الجديد بهناك .. وَلِـي من جملة الصالحين .. أو فى حوصلة عصفور شهيد بِسأل ..هل البلد للحِـين ؟ ياخال كما الأمطار .. تدخل عتامير البلد سقيا .. تفتح للفقير نفاج ..و كم محتاج عينو منكسرة .. تغمس ايدو فى لقمة .. وتجبر خاطرو بالسترة .. وتمحا العوز ..وتفوت كأنك مسيح اسفير .. تمر كما النسّام .. بى كل دار معمور .. و كم عِمرت معاك بيوت .. تردد سيرتك العطرة وما ظنّت بتحلم يوم .. يعشش فى ضراها الموت .. و ياكا الخال .. جمل شيلنا ..و عدل الميل يرخى جضومو للكفيت ..ويشكي همومنا لـِ الله .. يا تقابة البلد ..يلا .. قبُـل ما تلوح الايدين .. أدى الحبيب طلة ..وكيل من الوعي مدين .. نحن عقولنا منطبلة .. كيف تسرج فوق الرحيل صهوة .. تلت الأرض راحت .. ونص البلد غفوة .. .. وفى الفنجان باقى القهوة اوعك .. تترجل من جار الخاطر ..أوعا نحن شرينا جوارك بى حق الشفعة اتعودنا عليك ياخال وخربت الطبعة .. فيا خال .. تعال سكت الجهال ... وراك جاطت .. يا رب العباد تنعدل بهناك .. هنا انساطت .. وانا بين اتنين ..يا اهواك .أو فى ولهي أزيدك .. يا تعليني فواكه عشقك .. او بتنزل غصن الريد بايدك.. تسقيني عصير الحب من ريدك .. -- يا خال تعال .. فاتن مواعيدك سكت الجهال .. عيونم مراويدك النوم النوم بكريك بالدوم .. بلح القرير و لِـبـَـا الخرطوم .. النوم تعال سكت الجهال .. النوم النوم ..__________________ عن اذنك يا باش |
اقتباس:
بالله ولو سمحت أرجع ارتبط تاني وأدي الجنى المجنون النضام داك تعليمات شديدة اللهجة خلي يسوي زي ما قال ود كرار ثم يا اخي مشتاقين مافيكم طلة تاني لي جدة غشانا سمك من الموردة المرة ديlooool مداخلتي دي ان شاء الله ما تشوفا الحكومة ارتباط وما ارتباط دي بتعوق صاح:p |
اقتباس:
شكراً صديقي النبيل ومعاً للريادة في القيادة ... قيادةُ الموجب في سودانيات .. وكم هو كثيفٌ وكثيرٌ وعميقهو الموجب لسودانيات |
اقتباس:
|
اقتباس:
|
اقتباس:
أيتها البت التي سَدَّت عين الشَمِش .. سيظلُ ويبقي بقلمك الذي أحترم ... واصلي في بترك للقبيح وسفهِهِ وجانبي الصوابِ بفعلك الموجبِ .. كذا تكونينَ وقد دمغتي الموجب موجباً ... فهيا واصلي |
اقتباس:
فلتأذن لي أن أرحب بمقدمك إلي هنا ( مُتأخراً بعض الشئ) ولا لشئ سوي أنني قد كنت غير متواجدٍ بصورةٍ منتظمة هنا .. بيد أني وقد قرأتُ حروفك هنا وهناك .. فمرحباُ بك صاحباً لهذه الدار الرحيبة ... والأمر لا يحتاج إلي تثبيت في الأعالي .. بيد أنه جاء لأجل بيتي المُحترم الذي أحترم .. شكراً لإحساسك بمدي عمق الكلام هنا وأحتاج قلمكَ رافداً لكل ما هو موجبٌ هنا عبر سودانيات ... فلنجعل أقلامنا تقدم المفيد للآخرين في كل حرفٍ نكتبه .. وأرك فاعلاً بحق ... شكراً لك |
| الساعة الآن 01:10 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.