اغرب عملية احتيال في تاريخ البشرية تحصل لعضو المنبر جمال تاج السر وداخل محلية امدرمان
تصدقوا يا أهلنا إنو أكثر إنسان حريص تعرفت عليه في حياتي هو
جمال تاج السر ؟؟ وتتصوروا بإنو هذا الإنسان الحريص (جِدَاً جِدَاً) يتم التحايل عليه ؟؟ وفي وضح النهار ؟؟؟!!! القصة وما فيها مرض من أمراض الإنقاذ الدخلت في الشباب وما ظنيتها حتمرق من مجتمعاتنا السودانوية بالهييّن ... شاب في الثلاثينات من عمره يحتال علي جمال تاج السر و وين ؟؟!!!! يآآآآآآآآآآآآآ للعجب داخل محلية أمدرمان تتخيلوا ؟؟؟ التفاصيل يرويها جيمي الخطيييييييييييييييير جمال تاج السر ويا جيمي الجاتك في جوالك (بس) ..... سامحتك والله يا أخوي .. عِلّا كمان الحقاره ميييييييييي كويسه وميييييييييييييييي مقبوله لآمن تجينا من شاب مهندم وآآآآآآآآآآآخر قيافة ... أها كدي تعال لينا بي جاي أدنا الشمارات ؟؟ :p :p :p |
العزيز / ناصر يوسف
سلامات وعساك بالف خير .. وكفارة للأخ جمال تاج السر وربنا يعوضه خيرا .. |
[align=justify]والله ياناصر ياأخوي
دي أغرب قصة حصلت لي في حياتي وما أظن حا تحصل لي تاني ........... كل الحكاية .. أنو جاني شاب مهندم ووسيم جداً وقال لي نحنا ناس محلية امدرمان ... وعندنا قاعة جديدة مساحتها 8×6 متر.. عاوزين نجهزها كمعمل حاسوب .. وفيهو عدد 32 جهاز كمبيوتر جديدة.. وكل الطالبنوا منك أنك تضع لينا تصور للشبكة بتشمل الاجهزة والمعدات ... بالاضافة إلي رسوم التركيب والضمان... وأهم حاجة في الموضوع أنو حقنا يطلع برة ... قلت ليهو جداً مافي أي مشكلة .. وحقك 10% من جملة المبلغ قال لي خلاص جهز التصور و أنا حا أمر عليك بكرة الصباح أن شاء الله. وبالفعل جاء الصباح ووجدني لم أفعل شيئاً... وقال لي يازول أنت لسع ما جهزت التصور ... ياخي الموضوع ده مستعجل جداً والناس ديل مضايقني في الشغل... قلت ليهو مر علي نهاية اليوم بتلقاهو جاهز.. وبالفعل .. وعند الرابعة عصراً .. جاء ولقاهو جاهز ... قعد ناقشني في المبلغ وقلت لي أنا مشيت لي تلاتة شركات ودي فواتيرهم ... وانت لقيتك أقل سعر في السوق... وشكلك زول بتتفاهم وحتطلع لينا حقنا ... ناس الشركات دي بصراحة ما مضمونين. وشال الورق ومشى... جاني تاني يوم الصباح سال مني ... قالوا ليهو جمال ده ما جاء من البيت لسع.. قال ليهم لو جاء خليهو ينتظرني ... أنا حا أمر عليهو بعد ساعة كده. وبالفعل جاء بعد ساعة .... وقال لي: والله أنا قابلت الرئيس وقال لي الزول ده النسبة الطلعها لينا دي بسيطة جداً (يقصد العشرة %) خليهو يطلع ليك تصور تاني بمبلغ زيادة شوية.. عشان نسبتنا تكبر واصلاً هو ما فارقة معاهو.. قلت ليهو: جداً ما في أي مشكلة.. وبالفعل زدنا أسعار تركيب الشبكة ومددنا فترة الضمان لسنة بدل الستة أشهر. شال الورق وجاني تاني يوم الصباح بدري ... قال لي أديني تصور تاني بمبلغ زيادة شوية ... عشان لو حسينا أنو ما في زول قدم سعر أكتر نسحب القديم وندخل الجديد. قمت كتبته ليهو تصور تاني وختمتوا ليهو ... ومضيت عليهو ... مشى أشتري ظرف من المكتبة وقلم شيني ... دخل الورق في ظرف .. وكتب عليهو من الخارج.. إلي السيد المعتمد/ الفاتح عز الدين. إليكم التصور الخاص بتوصيل شبكة معمل الحاسوب والانترنت بالمحلية ولسيادتكم كل الأحترام.. وقال لي أرح نمشي للمدير نسلموا التصور وتتعرف عليهو وتطمنوا علي نسبتوا عشان يمشي ليك الشغل سريع.... وبالفعل زهبنا بسيارتي الخاصة ... وفي منتصف الطريق ... وهو براجع في حسابات الورق ... قال لي هنا في تضريب حسابات غلط ... وقفت علي يمين الشارع وبطلت العربية .. وقعدت راجعت معاهو الحسابات وفعلاً لقيت أنو في حسابات غلط.. قلت ليهو ما بنفع نعدلها بي كوركت.. قال لي لا طبعاً ده ورق رسمي والمدير ما بقبلوا مننا، قلت ليهو نرجع نعدلها يعني .. قال لي: ايوة لازم نرجع ولازم بي سرعة عشان المدير ما يطلع...... ونواصل القصة المحيرة :confused: :confused: :eek: [/align] |
]والله ياناصر ياأخوي
دي أغرب قصة حصلت لي في حياتي وما أظن حا تحصل لي تاني ........... وأهم حاجة في الموضوع أنو حقنا يطلع برة ... قلت ليهو جداً مافي أي مشكلة .. وحقك 10% من جملة المبلغ قعد ناقشني في المبلغ وقلت لي أنا مشيت لي تلاتة شركات ودي فواتيرهم ... وانت لقيتك أقل سعر في السوق... وشكلك زول بتتفاهم وحتطلع لينا حقنا ... ناس الشركات دي بصراحة ما مضمونين. والله أنا قابلت الرئيس وقال لي الزول ده النسبة الطلعها لينا دي بسيطة جداً (يقصد العشرة %) خليهو يطلع ليك تصور تاني بمبلغ زيادة شوية.. عشان نسبتنا تكبر واصلاً هو ما فارقة معاهو.. قلت ليهو: جداً ما في أي مشكلة.. شال الورق وجاني تاني يوم الصباح بدري ... قال لي أديني تصور تاني بمبلغ زيادة شوية ... عشان لو حسينا أنو ما في زول قدم سعر أكتر نسحب القديم وندخل الجديد. قمت كتبته ليهو تصور تاني وختمتوا ليهو ... ومضيت عليهو ... وبالفعل زهبنا بسيارتي الخاصة ... وفي منتصف الطريق ... وهو براجع في حسابات الورق ... قال لي هنا في تضريب حسابات غلط ... وقفت علي يمين الشارع وبطلت العربية .. وقعدت راجعت معاهو الحسابات وفعلاً لقيت أنو في حسابات غلط.. قلت ليهو ما بنفع نعدلها بي كوركت.. قال لي لا طبعاً ده ورق رسمي والمدير ما بقبلوا مننا، قلت ليهو نرجع نعدلها يعني .. قال لي: ايوة لازم نرجع ولازم بي سرعة عشان المدير ما يطلع...... ونواصل القصة المحيرة تصدق لو قلت ليك تستاهل ليه من الأول ترضى بأن تكون مرتشي؟؟؟:rolleyes: لاحظ أنت مشترك في الفساد يعني أنت وهو واحد!!!!!:confused: شغال ليك كم سنة في مجال الكمبيوتر؟؟ قسماً أنا شغال في شركة رأسمالها كبير وما بدي عمولة ولا بأخذ عمولة..:mad: الوطن يصلح من فرد يا ناااااااااس:mad: ما من الحكومة بس!! ولا شنو؟؟؟؟:mad: الأهم تصلح من حالك حتى تحاسب الشاب الوجيه!!:mad: معليش لو ردي كان حار بس أنا مضايق شوية من موضوع آخر وخشيت هنا ثم ثانياً قصتك المحيرة ولا قصتو؟؟؟؟:mad: |
. و الله أنا استغربت جدآ من كلام جمال تاج السر (بأريحية) عن النسبة!!:( و كويس إنو الأخ خالد صالح إستنكر موقف جمال تاج السر.. و إلا كانت الدهشة من حال البلد دفعتنا للتعميم الظالم ! . |
أنا بس بعاين بعيوني
(حتى الآن) !!!!!!! |
علي الطلاق بالتلاته فرحان ليك
وصدقني تستاهل ضرب الجزم يا مهندس يا Corrupted يازنديق (ده طبعا قبل ما تتم القصه) :D :p ;) :D وما تنتظرني بعد ما تكملها قال البلد خربانه قال (هو الخراب من شوية؟؟؟؟؟؟):mad: :D :mad: |
اقتباس:
أول حاجة ... ما تحكم قبل ما القصة تنتهى... ثاني شئ ... الزول ده قال لي أنا ما شغال مع الناس ديل، أنا استعان بي المدير التنفيذي وقال لي شوف لينا جهة تنفذ الشغل ده (يعني فهم يجيب لي الشغل ويشيل حق السمسرة) وأنا لو كنت قلت ليهو ما بنديك حق سمسرتك ... كان بي بساطة مشى لاي جهة تانية وطلع سمسرتو الهو عاوزها ... تلات شئ ... أنا والله حيرني المدير العاوز حقوا وبالعلني كده، وحيرني شديد عشان كده كنت مصر أصلوا وأعرف أنو حيقدر يواجهني بالكلام ده كيف؟!!!! وكنت متأكد أنو مهما كان ما حيقدر يواجهني بي حاجة زي دي.... وأنا عارف أنو معظم المدراء بيشيلوا نصيبهم من الناس التحتهم بس (يعني من خلف الستار). رابع حاجة: أنا شاورت شيخ قبل كده .... في موقف سابق ... وقال لي أنو ديناً ما عليك شئ ... طال ما أنك أنت بتدفع للزول البكلمك بالشغل ... وطال ما أنو الموضوع عطاءات .... فهم ملتزمين بقبول أقل وأفضل عرض من العطاءات المقدمة. والغريبة قبل كم يوم قريت في اسلام أون لاين فتوة لي شيخ فيها نفس الكلام ده ... كدي أرجع اقراها في الرابط بالاسفل.. http://www.islamonline.net/livefatwa...GuestID=8aKNn9 وخلى القصة تنتهى ياخ :) ... |
:D
اقتباس:
الموضوع عادي :D :D واسع عشان تدخل البوست ده تاني ... لازم تدفع نسبة 10% من تكلفة الموقع;) :p :D |
اقتباس:
لكن بعد نهاية القصة :) .. |
اقتباس:
والله أول ما ناصر قال لي حا أنزل البوست ... قلت ليهو لا ياخ .... حمدي حايشمت فيني :D :D :) بعدين ... وحياتك ياغالي ... كان ما دفعت ما تقدر تعمل أي حاجة في البلد دي ... وأسال مديرك في الشركة ياحمدي... لانو أكد لي قبل كده لما سجلت ليهو زيارة في بيتو وكان مصر علي أنو كان ما دفعت قروش في البلد دي ... أمورك كلها حا تقيف. |
نواصل...
وبالفعل رجعنا وعدلنا الورق وختمتو ومضيت عليهو.. ودخلتوا في الظرف وتحركنا علي المحلية ... وفي السكة بمزح معاهو ... عاينت للورق وقلت ليهو .. اللللله في غلط هنا ياخ :confused: ... قال لي: والله لو في غلط أنا حانزل منك علي طول .... ضحكنا شوية .... واتجهنا ناحية المحلية ... وقفنا العربية بعيد شوية لانو مافي باركن فاضي ومشينا بارجلنا لي داخل المحلية من الباب الخلفي ... وأول ما دخلنا أشر لي علي مباني جديدة وقال لي ده معمل الحاسوب... لكن نطلع لي المدير فوق ... أخليك تقعد معاهو ... وتسلموا الورق بي نفسك .... ولحدي هنا أنا حيكون دوري أنتهي... وبالفعل طلعنا إلي الطابق الأول.. ومشينا مشوااااار فوق ... حتى وصلنا إلي مكتب ... دفر الباب ... لقاهو مقفول ... قال لي يظهر أنو المدير طلع يفطر ولا مشى لي زول في المكاتب التانية ... وسالني . قال لي: تلفونك فيهو رصيد قلت ليهو نعم ... قال لي أديني نتصل عليهو نشوفو وين.. وفعلاً اديتو التلفون ... وأتصل علي الرقم وكان بتكلم ... (ياخي أنت وين ... بتاع العطاء ده جاء معاي وعاوز يسلمك الورق) وتحرك تجاه المكتب الآخر (وهو بتكلم بالتلفون) ودفر الباب ودخل... ... أنتظرته بالخارج .... وبعد أنتظار أكتر من خمسة دقائق .. ماجاء ... دفرت الباب ودخلت ... وبعدها كانت المفأجاة .... الباب عبارة عن باب ممر فقط ... يعني ما في مكتب ولا حاجة .... دخلت بالممر ... واذ بي أتفاجا أن الممر يؤدي إلي سلم للخروج خارج المبني نزلت السلم ... لقيت الاستقبال ... وقلت ليهو ياخوانا بسأل من زول أسموا محمد طاهر .... قال لي شغال وين ... قلت ليهو معاكم في المحلية .... راجع اللستة كلها .... ورد لي مافي زول هنا أسمو محمد طاهر خالص :confused: :confused: :confused: ... وقلت ليهو في عطاءات لي تجهز معمل حاسوب ... قال لي: لا أبداً والله :confused: :confused: .... وعرفت أنو انا شربت المقلب :mad: :mad: .. وعلي طول أتصلت علي جوالي ... لقيتوا مقفول (لايمكن الوصول إليه حالياً):confused: ومنها علي طول ... عرفت أنو اتنصب علي :( :mad: فركبت سيارتي وعدت إلي مكان عملي حتي لا يضيع المزيد من الوقت:mad: |
ده شنو؟؟؟؟؟
انشاء الله يكون فهمي غلط غايتو حانتظر لحدي نهاية القصة امكن افهم شي |
. تبريرك للرشوة محزن يا جمال الفتوى - رغم تحفظي عليها - تتحدث عن حق منعك له حاكم ظالم .. و ليس بيزنس يرسو عليك - دون منافسيك - لأنك دفعت رشوة!! لم يزعجني فعلك .. أزعجني تحدثك عن الموضوع باعتباره عااااادي .. و محاولاتك للتعميم ..و أسطوانة (البلد دي كدي)!! أنا شكوت قبل عامين في سودانيات من عدم فهمي للجيل البعدنا .. هذه واحدة من المعوقات! جمال .. إبحث عما ضاع منك ..غير الموبايل .. . |
ومنو القال ليك أنو عشان دفعت يرسو علي؟؟؟؟؟؟؟؟؟؟؟!!!!!!!!!!
أنا قدمت أفضل العروض وبس .. الناس قدموا باسعار عالية ... وأنا قدمت باسعار منخفضة الناس قدموا فترة ضمان 6 أشهر ... وأنا قدمت فترة ضمان سنة وبعدين الموضوع فيهو لجنة وهي الي حتختار أفضل العطاءات... يعني لو الموضوع رشوة ماممكن ترشي لجنة باكملها... وبعدين شرطو أنو اذا الشغل تمة ... تطلع لينا حاجة... وأنا الاخترت النسبة ... يعني بي ارادتي... وحسب كلامو ... أنو رجع لي مديرو وقال لي الفرق بين أقل عطاء وعطاء زولك ده كبير ... خليهو يزيد السعر شوية... ويزيد معاها فترة الضمان لي سنة ... عشان يضمن أكثر .... لانو مرات السعر القليل خالص بخوف.... |
| الساعة الآن 05:57 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.